Magbukas at mag-download ng mga attachment sa Gmail

Kapag nakatanggap ka ng email na may attachment, puwede mong i-download sa iyong device ang attachment.

Mag-save o mag-share ng mga attachment na larawan

1. Sa iyong iPhone o iPad, buksan ang Gmail app .
2. Buksan ang mensahe sa email.
3. I-tap ang attachment para buksan ito.
4. Sa ibaba ng screen, pumili ng aksyon para sa larawan:
   • Para i-save ito sa:
     • Iyong device: I-tap ang I-download .
     • Google Drive: I-tap ang Drive .
     • Google Photos: I-tap ang Photos .
   • Para i-share ito: I-tap ang I-share .

Tip: Puwede mong i-save sa iyong device ang mga larawan sa loob ng mensahe:

1. Pindutin nang matagal ang larawan.
2. I-tap ang I-save sa Photos.

Magbigay ng pahintulot na mag-save ng mga larawan sa Gmail

Posibleng hindi ma-save ang mga larawan mo sa iyong device kung hindi mo pinayagan ang Gmail na ma-access ang iyong mga larawan. Para ayusin ito:

1. Buksan ang app na Mga Setting ng iyong iPhone o iPad.
2. I-tap ang Privacy at Seguridad Mga Larawan Gmail.
3. Pumili ng level ng pahintulot.
   • Ganap na access
   • Limitadong access

Tip: Kung pipiliin mo ang "Wala," hindi ka makakapagbigay ng pahintulot.

I-save sa Google Drive

Puwede kang mag-save ng mga .pdf file at iba pang uri ng file sa Drive.

1. Sa iyong iPhone o iPad, buksan ang Gmail app .
2. Buksan ang mensahe sa email.
3. I-tap ang attachment para buksan ito.
4. Sa kanang bahagi sa itaas, i-tap ang I-save sa Drive .
5. Kapag na-save ang file, makikita mo ang "Na-save sa Drive" sa iyong screen.

Matuto tungkol sa mga kahina-hinalang attachment

Para maprotektahan ang iyong account laban sa mga potensyal na virus at nakakapinsalang software, aabisuhan ka ng Google tungkol sa mga kahina-hinalang attachment sa email. Posibleng maging kahina-hinala ang isang attachment dahil:

• Pinapahintulutan ng attachment ang mga hindi na-verify na script: Hindi namin makukumpirmang ligtas buksan ang mga attachment ng mensahe. Kung bubuksan mo ang mga attachment, may posibilidad na makapagpatakbo ng nakakapinsalang software sa iyong computer o device.
• Naka-encrypt ang attachment: Naka-encrypt at hindi masa-scan para mahanapan ng virus ang ilang attachment, tulad ng mga dokumentong nangangailangan ng password para mabuksan.
• May mga email (.eml) ang attachment: Bagama't sinusuri namin ang mensahe at mga attachment na .eml para maghanap ng spam at mga virus, hindi namin makukumpirmang ang nagpadalang nasa mga .eml file ang talagang nagpadala ng mga email na iyon. Matuto pa tungkol sa pag-authenticate.

Kung mukhang kahina-hinala ang email, huwag tumugon at huwag i-download ang attachment. Magagawa mong:

• Mag-ulat ng spam sa Gmail
• Mag-ulat ng pang-aabuso mula sa isang Gmail account

Kung mula sa taong kilala at pinagkakatiwalaan mo ang email, balewalain ang babala.

Mga kaugnay na resource

• Magpadala ng mga attachment kasama ng iyong mensahe sa Gmail
• Magpadala ng mga Google Drive attachment sa Gmail