Maaari kang gumawa ng mga label na nagso-store ng iyong mga email. Magdagdag ng maraming label na gusto mo sa isang email.
Tandaan: Iba ang mga label mula sa mga folder. Kung ide-delete mo ang isang mensahe, buburahin ito mula sa bawat label kung saan ito naka-attach at sa iyong buong inbox.
Gumawa ng label
Tip: Sa inbox mo lang lumalabas ang iyong mga label, hindi sa inbox ng tatanggap sa email mo.
- Sa iyong computer, pumunta sa Gmail.
- Sa kaliwa, mag-scroll pababa, pagkatapos ay i-click ang Higit pa.
- I-click ang Gumawa ng bagong label.
- Pangalanan ang iyong label.
- I-click ang Gumawa.
Mag-edit at mag-delete ng mga label
Mag-edit ng label
- Sa iyong computer, pumunta sa Gmail.
- Sa kaliwang gilid ng page, pumunta sa pangalan ng label.
- I-click ang Higit pa .
- I-edit ang iyong label.
Mag-delete ng label
- Sa iyong computer, pumunta sa Gmail.
- Sa kaliwang bahagi ng page, mag-hover sa pangalan ng label.
- I-click ang Higit pa Alisin ang label.
Magdagdag ng label
Lagyan ng label ang mga mensahe sa iyong inbox
- Sa iyong computer, pumunta sa Gmail.
- Piliin ang mga mensahe.
- Sa itaas, i-click ang Mga Label .
- Pumili ng label, o gumawa ng bago.
Lagyan ng label ang mensaheng ginagawa mo
- Sa iyong computer, pumunta sa Gmail.
- I-click ang Mag-email.
- Sa kanang bahagi sa ibaba, i-click ang Higit pa .
- I-click ang Label, pagkatapos ay piliin ang mga label na gusto mong idagdag.
- I-click ang Ilapat.
Ilipat ang isang mensahe sa isa pang label
- Sa iyong computer, pumunta sa Gmail.
- Piliin ang mensahe.
- Sa itaas, i-click ang Mga Label .
- I-uncheck ang kasalukuyang label, pagkatapos ay pumili ng bagong label.
- I-click ang Ilapat.
Ipakita o itago ang mga label
Piliin kung ipapakita ba o hindi ang iyong mga label sa listahan ng Menu sa kaliwa ng inbox mo.
- Sa iyong computer, pumunta sa Gmail.
- Sa kanang bahagi sa itaas, i-click ang Mga Setting Tingnan ang lahat ng setting.
- I-click ang tab na "Mga Label."
- Gawin ang iyong mga pagbabago.
Tumingin ng higit sa 500 label
Sa kaliwang gilid ng page, puwede mong makita ang hanggang 500 label. Puwede kang magkaroon ng mga label sa iba pang label.
Tandaan: Kung may higit sa 500 label ka, posibleng mas matagal na mag-load ang listahan.
Lumalabas ang iyong mga label depende kung naka-on o naka-off ang view ng pag-uusap.
- Kung naka-off ang tingnan ang mga pag-uusap: Lalabas lang ang mga label sa mga indibidwal na mensaheng nilagyan mo ng label. Kung may tutugon sa mensaheng iyon, hindi lalabas ang label sa tugon.
- Kung naka-on ang view ng pag-uusap: Kapag nilagyan mo ng label ang isang buong pag-uusap, lalabas lang ang label sa mga kasalukuyang mensahe, hindi sa mga bagong mensahe.