Mikilvægt: Þessi grein á aðeins við um notendur innan ESB.
Lög um stafræna markaði (DMA) eru lög Evrópusambandsins (ESB) sem tóku gildi 6. mars 2024. Í samræmi við grein 5(2) í lögum um stafræna markaði sem gilda innan ESB býður Google þér að tengja ákveðnar Google-þjónustur.
Þessar Google-þjónustur eru meðal annars:
- Leit
- YouTube
- Auglýsingaþjónustur
- Google Play
- Chrome
- Google Shopping
- Google-kort
Þegar þessar þjónustur eru tengdar geta þær deilt persónuupplýsingum þínum sín á milli og með öðrum Google-þjónustum í vissum tilgangi. Hægt er að deila öllum gerðum persónuupplýsinga á milli tengdra Google-þjónusta, eins og lýst er í persónuverndarstefnu Google. Þetta á m.a. við um virknigögn þegar þú ert skráð(ur) inn, t.d. atriði sem þú leitar að og vídeó sem þú horfir og hlustar á.
Þú getur stjórnað valinu á þeim þjónustum sem þú vilt að séu tengdar á Google-reikningnum þínum.
Ábending: Tenging Google-þjónusta snýst ekki um að deila gögnunum þínum með þjónustum þriðju aðila.
Uppfærðu valið á þeim þjónustum sem þú vilt tengja
- Opnaðu Google-reikninginn þinn.
- Til vinstri skaltu smella á Gögn og persónuvernd.
- Undir „Gagnadeiling“ skaltu smella á Tengdar Google-þjónustur.
- Veldu þær þjónustur sem þú vilt halda tengdum og veldu Áfram.
- Ábending: Allar þjónustur sem eru ekki á listanum hér að ofan eru alltaf tengdar og geta deilt persónuupplýsingum sín á milli í þeim tilgangi sem lýst er í persónuverndarstefnu Google, í samræmi við persónuverndarstillingarnar þínar.
- Farðu yfir valið þitt og veldu Staðfesta
Lokið.
Lokið.