Paano mag-rate at mag-review ng mga app, laro, at aklat sa Google Play Store

Puwede kang mag-rate at mag-review para sa mga Android app, laro, at iba pang content sa Play Store. Puwede ka ring mag-rate at mag-review ng mga aklat sa Google Play Books app. Kapag nag-review ka ng isang bagay sa Google Play, mali-link ang review sa iyong Google Account at nakapampubliko ito. Kung ayaw mong lumabas sa publiko ang isang review, puwede mo itong i-delete.

Paano mag-rate ng app at mag-iwan ng review

Mahalaga: Makakapag-rate ka lang ng mga app na dati mo nang na-download at na-install. Kapag nag-download ka ng app, mali-link ito sa iyong Google Account. Kung na-download mo ang app pero hindi mo nakikita ang opsyong magsulat ng review, tiyaking naka-sign in ka sa tamang account.

1. Sa iyong computer, pumunta sa play.google.com.
2. Hanapin ang app, laro, o aklat na gusto mong i-review.
3. Piliin ang app, laro, o aklat para mabuksan ang page ng detalye.
4. Mag-scroll at i-click ang Magsulat ng review.
5. I-rate ang app, laro, o aklat sa loob ng limang star at isulat ang review mo.
6. I-click ang Isumite.

Paano mag-delete o mag-edit ng review

1. Sa iyong computer, pumunta sa play.google.com.
2. Hanapin ang app, laro, o aklat na na-review mo.
3. Piliin ang app para buksan ang page ng detalye.
4. Mag-scroll at i-click ang I-edit o I-delete .
5. Para i-edit, gawin ang iyong mga pagbabago at pagkatapos ay i-click ang Isumite.

Kailan ka puwedeng magsulat ng mga review sa Play Store

• Puwede mo lang i-review ang mga app at larong na-download mo.
• Hindi ka makakapag-iwan ng review mula sa isang enterprise account, tulad ng account para sa trabaho o paaralan.
• Kung ang anumang account sa iyong device ay bahagi ng isang beta program para sa isang app, hindi ka makakapag-iwan ng review para sa app na iyon.
• Puwede kang umalis sa isang beta program kung gusto mong magsulat ng review.