Ulaghai wa Matangazo

Ulaghai wa Matangazo

Ulaghai wa matangazo hauruhusiwi kabisa. Uonyeshaji wa tangazo unaobuniwa kwa madhumuni ya kulaghai kituo cha matangazo kiamini kuwa utazamaji unatokana na watumiaji kuvutiwa ni ulaghai wa tangazo, ambayo ni aina ya utazamaji usio sahihi. Ulaghai wa matangazo unaweza kuwa kizalia cha wasanidi programu wanaotekeleza matangazo kwa njia zisizoruhusiwa, kama vile kuonyesha matangazo yaliyofichwa, kubofya matangazo kiotomatiki, kubadilisha au kurekebisha maelezo na kuweka vitendo visivyo vya kibinadamu (programu za kutambaa, vijibu, n.k.) au shughuli za kibinadamu zilizobuniwa kuonyesha utazamaji wa matangazo usio sahihi. Utazamaji usio sahihi na ulaghai wa matangazo ni hatari kwa watangazaji, wasanidi programu na watumiaji, na husababisha kupoteza imani kwa muda mrefu katika mfumo wa Matangazo kwenye vifaa cha mkononi.

Mifano ya kawaida ya ukiukaji

• Programu inayoweka matangazo ambayo hayaonekani kwa mtumiaji.
• Programu inayobuni kiotomatiki mibofyo kwenye matangazo bila nia ya mtumiaji au yanayoweka trafiki sawa ya mtandao ili kupeana mibofyo kwa ulaghai.
• Programu inayotuma mibofyo bandia ya maelezo ya usakinishaji ili kulipwa kwa usakinishaji ambao haukutoka kwenye mtandao wa mtumaji. 
• Programu inayochomoza matangazo wakati mtumiaji hayuko karibu na kiolesura cha programu.
• Uwakilishi wa uongo wa hesabu ya matangazo kwenye programu, k.m. programu ambayo inawasiliana na vituo vya matangazo na kudai kuwa inatekeleza kwenye kifaa cha iOS wakati inatekelezwa kwenye kifaa cha Android, programu ambayo ina jina la uongo la kifurushi ambalo linatumiwa kuchuma mapato.