اپنی ایپ کو Google Play پر شائع کروانے سے متعلق مفید تجاویز

آپ کی ایپ کو Google Play پر شائع کروانے کے تجربے کو ممکنہ حد تک آسان بنانے میں آپ کی مدد کرنے کیلئے، ہم ہمہ وقت موجود ہیں۔ چاہے آپ ایک ماہر ڈویلپر ہوں یا بس ابھی شروعات کر رہے ہوں، ان تجاویز سے آپ کو ان خطرات سے بچنے میں مدد ملنی چاہیے جن کا اکثر ڈویلپرز پہلی مرتبہ ایپ شائع کرتے وقت سامنا کرتے ہیں۔

اپنے اسٹور کے صفحے میں واضح اور جامع معلومات فراہم کریں

اپنے اسٹور کے صفحے میں ایک واضح اور جامع تفصیل شامل کریں۔ ایسا کرنے سے صارفین آپ کی ایپ کو زیادہ آسانی سے تلاش کر سکیں گے، جبکہ جائزے کے پروسیس کے دوران ہمیں بھی آپ کی ایپ کو زیادہ تیزی سے سمجھنے میں مدد ملے گی۔ آپ کی ایپ کی فعالیت کے واضح ہونے کے باوجود، ہماری تجویز ہے کہ آپ اس ضمن میں ایک لفظ یا ایک جملے سے زیادہ لکھیں۔ اس امر کو تفصیل اور وضاحت کے ساتھ سمجھائیں کہ آپ کی ایپ کیا کرتی ہے، یہ بیش قیمتی کیوں ہے اور صارفین اسے انسٹال کرنے پر کس چیز کی توقع کر سکتے ہیں۔ اگر آپ کے اسٹور کا صفحہ گمراہ کن، غیر واضح، غیر متعلق، بہت زیادہ یا نامناسب معلومات پر مشتمل ہے تو ہماری میٹا ڈیٹا کی پالیسی کے مطابق اسے مسترد کیا جا سکتا ہے۔ اعلی معیار کی ایپ کی تفصیلات لکھنے کے طریقے کے بارے میں مزید جانیں۔

آپ کی ایپ جو وعدہ کرتی ہے، اس کی فراہمی کو یقینی بنائیں

لازمی ہے کہ آپ کے اسٹور کے صفحے کی معلومات، کسی اسکرین شاٹ اور تصویر سمیت، آپ کی ایپ کی فعالیت کی عکاسی کرے۔ ایپ کے جائزے کے پروسیس کے دوران، اگر ہمیں اس حوالے سے کسی بے ضابطگی کا پتا چلتا ہے کہ آپ کے اسٹور کے صفحے میں کیا وعدہ کیا گیا ہے اور اصل میں آپ کی ایپ کیا ڈیلیور کرتی ہے (مثال کے طور پر، اگر آپ کے اسٹور کے صفحے میں بیان کردہ کوئی خصوصیت آپ کی ایپ میں موجود نہیں ہے) تو اسے مسترد کیا جا سکتا ہے۔ اپنے اسٹور کے صفحے کی کوئی ایسی معلومات یا تصویر شامل نہ کریں جو صارفین کیلئے گمراہ کن ہو۔ 

آپ کی ایپ کا جائزہ لینے میں ہماری مدد کرنے کیلئے لاگ ان کی معلومات فراہم کریں

اگر لاگ ان اسناد اور سائن ان کی دیگر تفصیلات کی بنیاد پر آپ کی ایپ یا آپ کی ایپ کے حصوں پر پابندی عائد ہے تو ایک فعال ڈیمو اکاؤنٹ، لاگ ان کی درست معلومات اور آپ کی ایپ کا جائزہ لینے کی غرض سے Google Play کیلئے ضروری کوئی دوسرا وسیلہ فراہم کرنا نہ بھولیں، جیسا کہ ہمارے Play کونسول کے تقاضے میں بیان کیا گیا ہے۔ بصورت دیگر، ہم آپ کی ایپ کا جائزہ نہیں لے سکیں گے اور ہو سکتا ہے کہ آپ کی ایپ مسترد ہو جائے۔ مزید معلومات کیلئے، اپنی ایپ جمع کرانے سے پہلے ہمارے مفت لاگ ان اسناد سے متعلق ای لرننگ کورس کا جائزہ لیں۔

یہ یقینی بنائیں کہ آپ کی ایپ اچھی طرح کام کرتی ہے اور ٹیسٹ ٹریکس آزمائیں

صارفین کو Google Play پر بہترین تجربہ فراہم کرنے کیلئے، یہ بات اہم ہے کہ ایپس اچھی طرح انسٹال اور لوڈ ہوں۔ ہماری پالیسی ایپس سے ایک مستحکم، مشغول کرنے والا اور ریسپانسیو صارف کا تجربہ فراہم کرنے کا تقاضہ کرتی ہے، جس کا مطلب یہ ہے کہ وہ صحیح طریقے سے لوڈ ہوں، فوری طور پر ریسپانس دیں اور کریش نہ ہوں۔ اسے حاصل کرنے میں نئے ڈویلپرز کی مدد کرنے کیلئے، ہم ان سے تقاضہ کرتے ہیں کہ وہ اپنی ایپس کو جمع کرانے سے پہلے مختلف صارفین کی مدد سے انہیں اچھی طرح ٹیسٹ کر لیں۔ ہماری خراب فعالیت کی پالیسی کے مطابق، ہم توقع کے مطابق کام نہ کرنے والی ایپس کو مسترد کر دیں گے، اسلئے ہم آپ کی ایپ کو جمع کرانے سے پہلے اسے اچھی طرح ٹیسٹ کرنے کی سفارش کرتے ہیں تاکہ یہ یقینی بنایا جا سکے کہ سب کچھ توقع کے مطابق کام کر رہا ہے۔ ایپ کے استحکام کی جانچ کرنے کیلئے، آپ Play کونسول میں کریشز اور 'ایپلیکیشن جواب نہیں دے رہی ہے' (ANR) دیکھ سکتے ہیں۔ ہم ٹیسٹ ٹریکس کا استعمال کرنے کی سفارش بھی کرتے ہیں، جو ایسے پری ریلیز چینلز ہیں جو آپ کو اپنی ایپ کے عوامی طور پر لانچ ہونے سے پہلے اسے ٹیسٹرز کے منتخب یا زیادہ وسیع گروپس میں تقسیم کرنے کی سہولت دیتے ہیں۔ آپ کی ایپ کو ہمہ گیر طور پر ریلیز کرنے سے پہلے، ٹیسٹ ٹریکس بیش قیمتی تاثرات حاصل کرنے، بَگز دریافت کرنے اور آپ کی ایپ کو بہتر بنانے میں آپ کی مدد کر سکتے ہیں۔ چونکہ متعدد مرتبہ مسترد ہونے کی صورت میں آپ کی ایپ کو معطل کیا جا سکتا ہے، اسلئے مسائل کا جلد پتا لگا کر، آپ اپنی ایپ کو متعدد مرتبہ مسترد کئے جانے سے بچانے میں مدد کر سکتے ہیں۔

آپ کی ایپ مسترد ہونے پر، مسئلے کو ٹھیک کریں اور دوبارہ جمع کرائیں 

آپ کی ایپ مسترد ہونے پر، آپ اپنی ایپ کا ایک اپ ڈیٹ کردہ ورژن جمع کروا کر مسئلے کو ٹھیک کر سکتے ہیں اور دوبارہ کوشش کر سکتے ہیں۔ اپنی ایپ کو دوبارہ جمع کرانے سے پہلے یہ یقینی بنانے کیلئے کہ مسئلہ حل ہو گیا ہے، ہماری تجویز ہے کہ آپ جامع ٹیسٹنگ کریں۔ آپ کسی بھی وقت ڈویلپر پالیسی سینٹر میں ہماری ڈویلپر پروگرام کی پالیسیوں کی مکمل فہرست کا جائزہ لے سکتے ہیں، Google Play اکیڈمی کی مدد سے مفت ای لرننگ پالیسی کورسز کر سکتے ہیں یا Google Play ڈویلپر کی امدادی کمیونٹی ملاحظہ کر سکتے ہیں جو ہمارا ایسا آن لائن فورم ہے جہاں آپ سوالات پوچھ سکتے ہیں اور دیگر ڈویلپرز اور سند یافتہ Google پروڈکٹ کے ماہرین سے مدد حاصل کر سکتے ہیں۔ 

مختصراً، ایپ کی اشاعت کے آسان تجربے کیلئے، پیش خدمت ہے فوری چیک لسٹ:

• اپنی ایپ کی صاف لفظوں میں وضاحت کریں: اپنے اسٹور کے صفحے پر اس کی فعالیت اور فوائد کی تفصیل فراہم کریں۔
• آپ جو وعدہ کرتے ہیں، وہ فراہم کریں: آپ نے تفصیل میں جو وعدہ کیا ہے، آپ کی ایپ کو لازمی طور پر وہ ڈیلیور کرنا چاہیے۔
• لاگ ان کی تفصیلات فراہم کریں: اگر آپ کی ایپ کو یہ تفصیلات مطلوب ہیں تو ہماری جائزہ ٹیم کو یہ تفصیلات فراہم کریں۔
• اچھی طرح ٹیسٹ کریں: ایک انتہائی مہارت سے تیار کردہ اور بَگ سے پاک ایپ جمع کرائیں۔ مسائل کا پتا لگانے کیلئے ٹیسٹ ٹریکس کا استعمال کریں۔ 
• دوبارہ جمع کرائیں یا رابطہ کریں: آپ کی ایپ مسترد ہونے پر، نظر ثانی کریں اور دوبارہ جمع کرائیں۔