Matutulungan ka ng mga pre-review check na matukoy ang mga potensyal na problema sa mga pagbabagong pinaplano mong gawin sa iyong app, bago mo ipadala para sa pagsusuri ang mga iyon. May mga problemang posibleng kritikal at dapat ayusin bago mo ipadala para sa pagsusuri ang mga ginawa mong pagbabago.
Pangkalahatang-ideya
Mahahanap mo ang mga pre-review check sa page na Pangkalahatang-ideya ng pag-publish, sa seksyong "Mga pagbabagong hindi pa naipapadala para sa pagsusuri." Lalabas lang ang seksyong ito kung gumawa ka ng mga pagbabago sa iyong app mula noong huli itong ipinadala para sa pagsusuri.
Awtomatikong tatakbo ang mga pre-review check sa tuwing gagawa ka ng mga pagbabago sa iyong app. Matitingnan mo ang status ng mga iyon sa page na Pangkalahatang-ideya ng pag-publish , pero dapat tandaan ang sumusunod:
- May mga check na mas matagal kaysa sa iba kaya posibleng makakita ka ng tinatayang tagal ng panahon bago matapos ang mga iyon.
- Hindi mo kailangang hintaying matapos ang mga check para maipadala para sa pagsusuri ang mga ginawa mong pagbabago. Puwede mong ipadala anumang oras ang mga pagbabago, at tatapusin namin ang mga check na ito bago namin ipadala para masuri ang mga ginawa mong pagbabago.
Makikita kaagad ang mga isyu sa sandaling matuklasan ang mga iyon. I-click ang Tingnan ang mga isyu para matuto tungkol sa bawat isyu.
Matuto pa tungkol sa aming proseso ng pagsusuri ng app sa Google Play Academy.
Tingnan ang halimbawang screen capture ng mga pre-review checkPamamahala ng mga natukoy na isyu
Naghahanap kami ng iba't ibang isyu. Nagbibigay kami ng impormasyon tungkol sa bawat isyu nang may kasamang mga link para matulungan kang ayusin ang mga iyon o matuto pa tungkol sa nauugnay na paksa. Puwede mong ayusin sa Play Console mismo ang maraming isyu. May ibang isyu naman na posibleng mangailangan ng mga teknikal na pagbabago sa iyong app kaya baka kailanganin mong gumawa at mag-upload ng bagong bersyon ng app.
May mga isyung dapat ayusin bago ka makapagpatuloy. Puwedeng ipagpaliban ang iba sa pamamagitan ng pagpili sa Balewalain ang isyu. Para balewalain ang isyu, dapat mong ihayag kung bakit sa pamamagitan ng pagpili sa isa o higit pang dahilan, halimbawa, "May plano na akong lutasin ang isyung ito" o "Mali ang isyung ito." Ila-log ang impormasyong ito sa Log ng aktibidad, at gagamitin namin ang sagot mo para makatulong na mapabuti ang pagkamaaasahan ng mga check namin.
Hindi makakaapekto sa resulta ng pagsusuri ng iyong app ang sagot mo, pero kung hindi gagana ang iyong app dahil sa isyu, posibleng tanggihan iyon sa pagsusuri dahil hindi iyon nakakasunod sa mga patakaran ng Google Play kaugnay ng kalidad ng app (gaya ng patakaran sa Minimum na Functionality).
Kung babalewalain mo ang mga isyu at hindi mo aayusin ang mga iyon pagkatapos, posibleng lumabas uli ang mga iyon sa hinaharap.
Tingnan ang halimbawang screen capture ng natukoy na isyuMga kinakailangang pahintulot para magbalewala ng mga isyu
Mga user lang na may isa sa mga sumusunod na pahintulot ang puwedeng magbalewala ng mga isyu:
- Mag-release sa produksyon, magbukod ng mga device, at gamitin ang pag-sign ng app ng Play
- Mag-release ng mga app sa mga pansubok na track
- Pamahalaan ang mga pansubok na track at i-edit ang mga listahan ng tester
- Pamahalaan ang presensya sa store
- Admin (lahat ng pahintulot)
Ito ang mga pahintulot na ginagamit para sa iba pang feature sa page na Pangkalahatang-ideya ng pag-publish, kabilang ang pinapamahalaang pag-publish, kaya hindi mo kailangang baguhin dapat ang mga pahintulot ng user na kasalukuyang nakatalaga sa iyo.
Mga madalas itanong
Bakit may mga ganitong bagong check?Gusto ka naming mabigyan ng maagang feedback tungkol sa anumang kritikal na isyu sa mga pinaplano mong pagbabago para masigurong gagana nang maayos ang iyong app para sa mga user mo. Matutulungan ka rin ng mga ito na maiwasan ang mga karaniwang pagkakamali na puwedeng maging dahilan ng pagtanggi sa mga ginawa mong pagbabago sa proseso ng pagsusuri.
Dati pa kami nagsasagawa ng mga check para masigurong nakakasunod ang mga app sa aming Patakaran ng Programa para sa Developer at maganda ang performance ng mga iyon sa mga device ng mga user. Ipapakita na namin ngayon ang ilan sa mga ito sa simula pa lang sa Play Console kasama ang ilang mas bagong pagsusuri sa kalidad, gaya ng mga isyu sa compatibility ng app sa mga mas bagong bersyon ng Android, para makatipid ka ng oras.
Hindi. Isinasagawa ang mga check na ito bago sumalang ang iyong app sa proseso ng pagsusuri.
Nagsasagawa kami ng iba't ibang pre-review check sa buong app mo. Kabilang sa mga halimbawa ng mga check ang pagsisigurong kasama sa iyong mga update ang lahat ng mandatoryong deklarasyon sa page na Content ng app (Patakaran at mga programa > Content ng app), at pagtukoy ng matataas na rate ng pag-crash sa ilang partikular na device o bersyon ng Android.
Hindi lalampas ng 15 minuto bago magkaroon ng resulta ang lahat ng check pero karaniwang mas maikli ang mga ito. Puwede mong piliin ang Ipadala para sa pagsusuri habang tumatakbo pa ang mga check at wala pa kaming nahahanap na isyu. Tatapusin namin ang mga check at awtomatiko naming ipapadala para sa pagsusuri ang mga ginawa mong pagbabago kung wala kaming mahanap na isyu.
Kasalukuyang sa website lang ng Play Console tumatakbo ang karamihan sa mga check na ito, at may subset na tumatakbo sa API. Tatakbo sa API ang mga check na halos nagkakaresulta kaagad, at hindi tatakbo sa API ang mga mas matagal na check.
Hindi. May mga check na kinakailangan para sa pag-publish sa Google Play at hindi mababalewala. Kabilang sa mga halimbawa ang mga kulang na deklarasyon sa content ng app at iba pang impormasyon tungkol sa iyong app.
Ginagamit namin ang mga sagot na iyon para matulungan kaming maunawaan kung tama o mali kami para mapabuti ang pagkamaaasahan ng mga check namin at para maunawaan ang pananaw mo sa mga check na ito. Hindi makakaapekto sa resulta ng pagsusuri ng iyong app ang sagot mo, pero kung hindi gagana ang iyong app dahil sa isyu, posibleng tanggihan iyon dahil hindi iyon nakakasunod sa mga patakaran ng Google Play kaugnay ng kalidad ng app (gaya ng patakaran sa Minimum na Functionality).
Oo. Posibleng pumasa sa lahat ng pre-review check at bumagsak pa rin sa proseso ng pagsusuri ng app na mas komprehensibo kaysa sa mga pre-review check na ipinapakita namin sa Play Console mismo.
Tatakbo pa rin ang mga check, at awtomatikong ipapadala para sa pagsusuri ang mga ginawa mong pagbabago kapag tapos na ang mga check hangga't walang natukoy na kritikal na isyu.
Sinisikap naming tumama pero may mga isyung baka mali dahil sa pagiging teknikal ng mga iyon. Puwede mong balewalain ang mga iyon at pumili ng naaangkop na dahilan para mabigyan kami ng feedback.
Kaugnay na content
- Matuto pa tungkol sa paglulunsad ng iyong app o laro sa Google Play Academy.
- Alamin kung paano kontrolin kung kailan ipa-publish ang mga pagbabago sa app sa pamamagitan ng pinapamahalaang pag-publish.
- Makakuha ng higit pang impormasyon kung paano mag-update o mag-unpublish ng app.