I-on ang Ultrasound Sensing

Tumutulong ang Ultrasound Sensing na mas padaliin ang mga pang-araw-araw na interaction sa iyong Google Nest display, Google Nest Mini, at Google Nest Wifi point. Awtomatikong palabasin ang iyong mga kontrol sa pagpindot sa tuwing lumalapit ka sa speaker o display mo. Makita ang timer mo sa pagluluto kapag nasa kabilang panig ka ng kuwarto sa pamamagitan ng mga numerong madaling basahin. Nasa malapit ka man o malayo, puwede kang mas makatanggap ng tulong at mas magkaroon ng kontrol sa isang sulyap kapag naka-on ang Ultrasound Sensing.

Paano gumagana ang Ultrasound Sensing

Ginagamit ng Ultrasound Sensing ang mga speaker at mikropono ng iyong Google Nest device para matukoy kung may taong papalapit sa device. Mag-e-emit ang speaker ng iyong device ng mahihinang hindi naririnig na ultrasonic na pulse. Nare-reflect ang mga pulse na ito sa mga malapit na bagay sa kuwarto at nade-detect ng mga mikropono ang mga nasabing reflection.

Tandaan: Paminsan-minsan, posibleng magdulot ng ultrasonic na ingay ang iba pang bagay sa iyong bahay at posibleng panandaliang maabala ng mga ito ang Ultrasound Sensing. Hihinto ang abalang ito kapag tumigil na ang ultrasonic na ingay.

I-explore ang mga feature ng Ultrasound Sensing

Mga Google Nest display

Madaling matingnan ang iyong mga notification

Kung naka-on ang iyong mga personal na resulta at Home screen at mga notification sa Nest Hub display mo, ipapakita ng Ultrasound Sensing ang mga nakabinbing notification sa ambient na screen kung nasa malapit ka. Para sa mga Nest Hub Max display, kung nag-enroll ka sa Face Match at na-on mo ang pag-personalize, lalabas ang mga notification kapag naitugma ka sa Face Match ng device. Kung hindi ka naka-enroll sa Face Match pero naka-on sa iyo ang mga notification at pag-personalize, ipapakita ng Ultrasound Sensing ang mga nakabinbing notification kung nasa malapit ka.

Mas makita at makontrol ang iyong mga timer

Kapag nagtakda ka ng timer at na-detect ng Nest display na nasa malapit ka, awtomatiko nitong ipapakita ang iyong mga kontrol sa pagpindot para madali mong makontrol ang iyong timer. Kung nasa kabilang panig ka ng kuwarto, ipapakita ang iyong timer sa mas malaking font para mas madali mo itong mabasa.

Manatiling updated sa pang-araw-araw na lagay ng panahon

Kapag tinanong mo ang lagay ng panahon, puwede kang makakuha ng detalyadong impormasyon tungkol sa lagay ng panahon at ng tinatayang lagay ng panahon kada oras kapag malapit ka sa display. Puwede mo ring makita ang lagay ng panahon sa isang partikular na araw nang nasa mas malalaking titik kung nasa mas malayo ka.

Kontrolin at tingnan ang iyong media

Sa iyong Nest display, mas napapadali ang pagkontrol mo sa iyong audio dahil awtomatiko nitong ipinapakita ang mga kontrol mo sa pagpindot kapag nasa malapit ka.

Google Nest Mini

Kontrolin ang iyong volume

Binibigyan ka ng iyong Nest Mini ng mas madaling pagkontrol sa audio mo sa pamamagitan ng pag-detect sa presensya ng iyong kamay at pag-on sa mga LED ng volume habang nagpe-play ang media.

Nest Wifi point

Kontrolin ang iyong volume

Sa iyong Nest Wifi point, mas napapadali ang pagkontrol mo sa iyong audio dahil nade-detect nito ang presensya ng kamay mo at ang pag-on sa mga LED ng volume habang may nagpe-play na media.

Ultrasound Sensing at ang iyong privacy

Ang feature na Ultrasound Sensing ay isinasagawa sa iyong device at ginagamit para ma-adjust ang speaker o display mo, nang sa gayon ay mas mapadali ang pagtingin at pagkontrol dito batay sa iyong proximity sa device. Walang data ng paggalaw, proximity, o sensor ng presensya na ipinapadala sa cloud.

Matuto pa tungkol sa Nest at aming mga pangako sa privacy. Puwede ka ring matuto pa tungkol sa aming gabay sa mga sensor.

I-off ang Ultrasound Sensing

Mga Google Nest display

Naka-on ang setting na ito bilang default, pero may kakayahan kang i-off ito (at pagkatapos ay i-on ito ulit kung kailan mo gusto) anumang oras sa iyong Google Home app. Kapag naka-on ang Ultrasound Sensing, made-detect ng iyong smart display na nasa malapit ka kung humigit-kumulang 4 ft (1.2 m) ang layo mo sa iyong device.

Para i-on o i-off ang Ultrasound Sensing, sundin ang mga hakbang na ito:

1. Buksan ang Google Home app .
2. I-tap ang Mga Paborito o Mga Device .
3. I-tap at i-hold ang tile ng iyong device.
4. I-tap ang Mga Setting Pagkilala at pagbabahagi.
5. I-off ang Ultrasound Sensing.

Tandaan: Nao-off din ang Ultrasound Sensing sa tuwing minu-mute ang mikropono sa iyong Nest display.

Google Nest Mini

Naka-on ang setting na ito bilang default, pero may kakayahan kang i-off ito (at pagkatapos ay i-on ito ulit kung kailan mo gusto) anumang oras sa iyong Google Home app. Kapag naka-on ang Ultrasound Sensing, made-detect ng iyong Nest Mini na nasa malapit ka kung 2 hanggang 6 na pulgada ang layo ng palad mo sa iyong device habang may pine-play na media.

Para i-on o i-off ang Ultrasound Sensing, sundin ang mga hakbang na ito:

1. Buksan ang Google Home app .
2. I-tap ang Mga Paborito o Mga Device .
3. I-tap at i-hold ang tile ng iyong device.
4. I-tap ang Mga Setting Pagkilala at pagbabahagi.
5. I-off ang Ultrasound Sensing.

Tandaan: Nao-off din ang Ultrasound Sensing sa tuwing minu-mute ang mikropono sa iyong Nest Mini.

Nest Wifi point

Naka-on ang setting na ito bilang default, pero may kakayahan kang i-off ito (at pagkatapos ay i-on ito ulit kung kailan mo gusto) anumang oras sa iyong Google Home app. Kapag naka-on ang Ultrasound Sensing, made-detect ng iyong Nest Wifi point na nasa malapit ka kung 1 hanggang 6 na pulgada ang layo ng palad mo sa iyong device habang may pine-play na media.

Para i-on o i-off ang Ultrasound Sensing, sundin ang mga hakbang na ito:

1. Buksan ang Google Home app .
2. I-tap ang Mga Paborito o Mga Device .
3. I-tap at i-hold ang tile ng iyong device.
4. I-tap ang Mga Setting Pagkilala at pagbabahagi.
5. I-off ang Ultrasound Sensing.

Tandaan: Nao-off din ang Ultrasound Sensing sa tuwing minu-mute ang mikropono sa iyong Nest Wifi point.