Kontrol sa fan gamit ang Nest thermostat

Pinapatakbo ng mga forced-air system ang fan kapag nagpapainit o nagpapalamig ang mga ito. Kung ang iyong forced air system ay may hiwalay na wire para sa fan sa G terminal ng Nest thermostat mo, puwede mong patakbuhin ang fan ng system kapag hindi ito nagsasagawa ng heating o cooling. Kung hindi, awtomatiko lang na tatakbo ang iyong fan kapag nagpapainit o nagpapalamig ang system mo.

Kung may system ka na may nakatalagang wire para sa fan, puwede mong manual na i-on ang fan gamit ang app o iyong thermostat, o magtakda ng iskedyul ng fan. Halimbawa, puwede mong itakda ang fan na tumakbo buong gabi at awtomatikong mag-off sa umaga.

Mahahalagang bagay na dapat malaman tungkol sa kontrol sa fan

Kung may wire sa G terminal ng iyong thermostat

• Puwede mong patakbuhin ang fan ng iyong system nang hiwalay sa heating o cooling. Nagbibigay-daan ito sa fan na tumakbo kahit na hindi aktibo ang heating o cooling.
• Makakapagsimula ang timer ng fan kahit na Naka-off ang thermostat.
• Puwede mong itakda ang fan para tumakbo sa hindi nagbabagong iskedyul o manual na itakda itong tumakbo. Gayunpaman, hindi makakapagsimula ang iyong fan batay sa iskedyul kung Naka-off ang thermostat.

  Tip: Hindi puwedeng itakda ang iskedyul ng fan na awtomatikong tumakbo o mag-off sa tuwing umaalis o umuuwi ka ng bahay.

• Ang screen ng temperatura ay magpapakita ng icon ng fan kapag tumatakbo ang iyong fan dahil sa iskedyul ng fan mo, o kung manual mong na-on ang iyong fan. Learn about Nest thermostat displays (Matuto tungkol sa mga display ng Nest thermostat).

Kung walang wire sa G terminal ng iyong thermostat

• Makakatakbo lang ang fan habang aktibong nagpapainit o nagpapalamig ang iyong system.
• Hindi ipapakita sa iyong thermostat o sa app ang mga opsyon sa kontrol sa fan.

Mas maginhawa at matipid sa kuryente ang mga setting ng fan

Ang mas matagal na paggamit ng fan ay posibleng makatulong na mapantay ang mga temperatura sa pagitan ng mga kuwarto sa bahay mo, ngunit posibleng matakaw sa kuryente ang fan at mapataas nito ang iyong bill sa kuryente.

Hahaba ang runtime ng iyong system kapag matagal na ginagamit ang fan, na posibleng dahilan para palitan nang mas maaga ang air filter. Para matulungan kang malaman kapag panahon nang palitan ang filter ng iyong system, sumangguni sa Mga air filter at paalala sa filter.

Pagkontrol sa fan gamit ang iyong thermostat

Naiiba nang kaunti ang mga kontrol sa fan depende kung aling thermostat ang mayroon ka. Piliin ang iyong thermostat sa ibaba.

Nest Thermostat

1. Piliin ang touch bar ng iyong thermostat at piliin ang Fan .
2. Piliin kung gaano mo katagal gustong tumakbo ang iyong fan, pagkatapos ay i-tap ang Kumpirmahin.
3. Piliin ang Magsimula para patakbuhin ang fan o ang Kanselahin.
4. Awtomatikong mao-off ang iyong fan kapag nag-expire ang nakatakdang oras. Piliin ang Ihinto mula sa menu ng fan para i-off ito nang mas maaga.

Tip: Kapag manual na na-on ang fan, papayagan ito ng iyong Nest Thermostat na manatiling aktibo kahit nakatakda ang thermostat sa mode na Naka-off.

Nest Learning Thermostat at Thermostat E

Manual na i-on ang iyong fan

Tip: Ang Nest Learning Thermostat (4th gen), Nest Learning Thermostat (3rd gen), at Nest Thermostat E ay nagbibigay-daan sa fan na manatiling aktibo kahit nakatakda ang thermostat sa mode na Naka-off, basta't manual na na-on ang fan.

1. Pindutin ang ring ng iyong thermostat para buksan ang menu na Mabilisang View.
2. Piliin ang Fan .
3. Pihitin ang ring para piliin kung gaano katagal mo gustong tumakbo ang iyong fan.
4. Kung mayroon kang multi-speed na fan, maitatakda mo rin ang bilis ng iyong fan.
5. Awtomatikong mag-o-off ang iyong fan pagkatapos ng oras na pinili mo.
6. Piliin ang Ihinto ang Fan para i-off ang fan nang maaga mula sa menu ng fan.

Magpapakita ng icon ng umiikot na fan ang screen ng iyong thermostat para ipaalam sa iyong gumagana ito.

Magtakda ng pang-araw-araw na iskedyul ng fan (available lang sa ilang partikular na thermostat)

1. Pindutin ang ring ng iyong thermostat para buksan ang menu na Mabilisang View.
2. Piliin ang Mga Setting .
3. Pilin ang Fan.
4. Piliin ang Iskedyul.
5. Piliin kung gaano katagal mo gustong tumakbo ang iyong fan kada oras, o itakda itong tumakbo palagi.
6. Piliin kung anong mga oras sa maghapon mo gustong tumakbo ang iyong fan. Kung mayroon kang multi-speed na fan, puwede kang pumili ng bilis ng fan para sa iskedyul ng iyong fan.
7. Piliin ang Tapos na para itakda ang iyong iskedyul.

Awtomatikong mag-o-on ang iyong fan araw-araw sa oras at tagal na pinili mo.

Baguhin ang bilis ng fan (available lang sa ilang partiklar na thermostat)

Mahalaga: Available lang ang setting na ito para sa mga system na may mga multi-speed na kontrol para sa fan sa pamamagitan ng mga wire ng thermostat. Nakakaapekto ito sa bilis ng fan kapag ang iyong system ay aktibong nagpapainit at nagpapalamig. Magkakaroon ka ng mga hiwalay na opsyon para itakda ang bilis ng fan sa bawat pagkakataon na manual mong io-on ang iyong fan o kung magtatakda ka ng iskedyul ng fan.

Halimbawa, puwede mong itakdang tumakbo nang mabilis ang iyong fan kapag nagpapainit o nagpapalamig at iiskedyul ang fan mo na tumakbo nang mabagal sa umaga para paikutin ang hangin sa iyong bahay.

Matuto pa tungkol sa Nest Thermostat at mga multi-speed na fan

1. Pindutin ang ring ng iyong thermostat para buksan ang menu na Mabilisang View.
2. Piliin ang Mga Setting .
3. Pilin ang Fan.
4. Piliin ang Bilis ng fan ng system.
5. Piliin ang bilis ng fan na gusto mong gamitin kapag pinapainit o pinapalamig ng iyong system ang bahay mo. Depende sa system mo, puwedeng Mabagal, Katamtaman, Mabilis, o Awtomatiko ang ipakita nito kung multi-speed ang iyong fan.
6. Piliin ang Tapos na para itakda ang bilis ng fan ng iyong system.

Pagkontrol sa fan gamit ang Home app

Manual na i-on ang iyong fan

Tip: Ang Nest Learning Thermostat (4th gen), Nest Learning Thermostat (3rd gen), at Nest Thermostat E ay nagbibigay-daan sa fan na manatiling aktibo kahit nakatakda ang thermostat sa mode na Naka-off, basta't manual na na-on ang fan.

1. Buksan ang Google Home app .
2. I-tap ang Home   Lahat , pagkatapos ay pindutin nang matagal ang tile ng iyong device.
3. I-tap ang Fan .
4. Piliin kung gaano katagal mo gustong tumakbo ang iyong fan.
5. I-tap ang Patakbuhin ang fan para patakbuhin ang iyong fan o mag-tap sa labas ng sheet para magkansela.
6. Awtomatikong mao-off ang fan pagkalipas ng nakatakdang oras. Para manual na i-off ang fan, i-tap ang Fan Tapusin ang fan.

Magtakda ng pang-araw-araw na iskedyul ng fan

1. Buksan ang Google Home app .
2. I-tap ang Home   Lahat , pagkatapos ay pindutin nang matagal ang tile ng iyong device.
3. I-tap ang Mga Setting .
4. Piliin ang Mga Iskedyul Fan.
5. Nest Learning Thermostat (3rd gen) at Nest Thermostat E: Piliin ang Mga Iskedyul Fan. Pagkatapos, i-on ang Gamitin ang iskedyul ng fan.
   Lahat ng iba pang modelo ng Thermostat: Kung gusto mong iisang iskedyul lang ng fan ang itakda para sa lahat ng araw, i-on ang Patakbuhin araw-araw. Puwede mo itong i-off kung gusto mo ng natatanging iskedyul para sa isang partikular na araw.

   Mahalaga: Kung mayroon kang Nest Learning Thermostat (3rd gen) o Nest Thermostat E, hindi ka makakapagtakda ng ibang iskedyul para sa iba't ibang araw.

6. Pumili ng oras ng pagsisimula at oras ng pagtatapos gamit ang "Mula" at "Hanggang."
7. Itakda kung gaano katagal mo gustong tumakbo ang iyong fan bawat oras. Puwede mong piliin ang 15, 30, 45, o 60 minutong pag-operate.

Awtomatikong mao-on ang iyong fan bawat araw para sa oras at tagal na pipiliin mo. Puwede mong i-edit o i-disable ang iyong iskedyul anumang oras mula sa menu ng fan.

Baguhin ang bilis ng fan

Mahalaga: Available lang ang setting na ito para sa mga system na may mga multi-speed na kontrol para sa fan sa pamamagitan ng mga wire ng thermostat. Nakakaapekto ito sa bilis ng fan kapag ang iyong system ay aktibong nagpapainit at nagpapalamig. Magkakaroon ka ng mga hiwalay na opsyon para itakda ang bilis ng fan sa bawat pagkakataon na manual mong io-on ang iyong fan o kung magtatakda ka ng iskedyul ng fan.

1. Buksan ang Google Home app .
2. I-tap at i-hold ang tile ng iyong device.
3. I-tap ang Mga Setting Thermostat Fan.
4. Sa ilalim ng Bilis ng fan ng system, piliin ang bilis ng fan na gusto mong gamitin ng iyong system para sa heating o cooling ng bahay mo. Puwede mong piliin ang Mabagal, Katamtaman, Mabilis, o Awtomatiko batay sa wiring ng iyong system.

Kung pipiliin mo ang Mabagal, Katamtaman, o Mabilis:

• Tatakbo sa bilis na iyon ang iyong fan para sa heating o cooling ng bahay mo.

Kung pipiliin mo ang Awtomatiko:

• Awtomatikong pipiliin ng iyong Nest thermostat kung gaano kabilis papatakbuhin ang fan mo para sa heating o cooling ng iyong bahay.

Puwede ka pa ring pumili ng ibang bilis para sa iyong iskedyul at sa bawat pagkakataong manual mong io-operate ang iyong fan.

Pagkontrol sa fan gamit ang Nest app

Manual na i-on ang iyong fan

1. I-tap ang thermostat na gusto mong kontrolin mula sa home screen.
2. I-tap ang Fan .
3. Piliin kung gaano katagal mo gustong tumakbo ang iyong fan. Kung mayroon kang multi-speed na fan, mapipili mo ang bilis ng iyong fan.
4. I-tap ang Simulan para patakbuhin ang iyong fan.

Awtomatikong mag-o-off ang iyong fan pagkatapos ng oras na pinili mo, o puwede mo itong i-off nang maaga sa pamamagitan ng pagpili sa Ihinto mula sa menu ng fan.

Magtakda ng pang-araw-araw na iskedyul ng fan

1. I-tap ang thermostat na gusto mong kontrolin mula sa home screen.
2. I-tap ang Mga Setting .
3. Piliin ang Iskedyul ng Fan.
4. Para sa Araw-araw, i-tap ang slider para i-on o i-off ang iskedyul ng iyong fan.
5. Itakda kung gaano katagal mo gustong tumakbo ang iyong fan bawat oras. Puwede mong piliin ang 15, 30, o 45 minutong tagal ng pagtakbo, o piliin ang 60 minuto para patakbuhin ang iyong fan sa buong oras.
6. Piliin kung anong oras mo gustong magsimulang tumakbo ang iyong fan, at kung kailan mo gustong huminto sa pagtakbo ang fan mo sa iskedyul na ito. Kung mayroon kang multi-speed na fan, puwede kang pumili ng bilis ng fan para sa iskedyul ng iyong fan.

Awtomatikong mag-o-on ang iyong fan araw-araw sa oras at tagal na pinili mo. Puwede mong i-edit o i-disable ang iyong iskedyul anumang oras mula sa menu ng fan.

Baguhin ang bilis ng fan

Mahalaga: Available lang ang setting na ito para sa mga system na may mga multi-speed na kontrol para sa fan sa pamamagitan ng mga wire ng thermostat. Nakakaapekto ito sa bilis ng fan kapag ang iyong system ay aktibong nagpapainit at nagpapalamig. Magkakaroon ka ng mga hiwalay na opsyon para itakda ang bilis ng fan sa bawat pagkakataon na manual mong io-on ang iyong fan o kung magtatakda ka ng iskedyul ng fan.

1. I-tap ang thermostat na gusto mong kontrolin sa home screen ng app.
2. I-tap ang Mga Setting .
3. Pilin ang Fan.
4. Sa bilis ng fan ng HVAC, piliin ang bilis ng fan na gusto mong gamitin kapag pinapainit o pinapalamig ng iyong system ang bahay mo. Puwede mong piliin ang Mabagal, Katamtaman, Mabilis, o Awtomatiko depende sa wiring ng iyong system.

Kung pipiliin mo ang mabagal, katamtaman, o mabilis:

• Palaging tatakbo sa bilis na iyon ang iyong fan kapag pinapainit o pinapalamig ang bahay mo.

Kung pipiliin mo ang Awtomatiko:

• Awtomatikong pipiliin ng iyong Nest thermostat kung gaano kabilis papatakbuhin ang fan mo kapag pinapainit o pinapalamig ang iyong bahay.

Makakapili ka pa rin ng ibang bilis para sa iyong iskedyul at sa bawat pagkakataong manual mong papatakbuhin ang fan mo. Halimbawa, patakbuhin nang mabilis ang fan para sa pagpapainit o pagpapalamig, at mag-iskedyul ng mabagal na pagtakbo ng fan para sa pang-araw-araw na pagpapaikot ng hangin.

Pagkontrol sa fan gamit ang iyong furnace

Sa pag-set up mo ng Nest Learning Thermostat (4th gen), tatanungin ka kung ‘Sa pamamagitan ng furnace’ o ‘Sa pamamagitan ng thermostat’ kokontrolin ang iyong fan. Kung ite-test mo ang iyong furnace at mapapansin mong hindi nag-a-activate ang fan, puwede mo itong baguhin sa mga setting ng bentilasyon ng iyong thermostat sa Google Home App. I-test ang iyong system gamit ang Nest thermostat

Alamin kung paano I-set up ang Bentilasyon sa iyong Nest Learning Thermostat (4th gen).

Para sa higit pang impormasyon tungkol sa Notification Tungkol sa Furnace, sumangguni sa I-troubleshoot ang mensahe ng Notification Tungkol sa Furnace