Pagpipinta ng mga produkto ng Nest

Hindi mo dapat pinturahan ang iyong mga produkto ng Nest dahil puwedeng makaapekto ang pagpipintura o pagtatakip sa mga ito sa mga sensor, performance, at functionality ng mga ito at posibleng ma-void ang warranty mo. Gayunpaman, may ilang accessory at piyesa ng Nest na puwedeng pinturahan para bumagay sa iyong bahay.

Sa pangkalahatan, hindi dapat pinturahan, kulayan, o takpan ng tela o iba pang materyal kahit kailan ang mga produkto ng Nest.

Huwag pinturahan:

• Google Nest Protect

• Mga Google Nest camera

• Mga Google Nest thermostat

• Google Nest × Yale Lock

• Mga Google Nest doorbell

Mga accessory ng Nest na ligtas na pinturahan

May ilang pagbubukod na puwedeng pinturahan gaya ng mga cable ng outdoor na camera o
opsyonal na trim plate ng Nest thermostat. Idinedetalye lang sa talahanayan sa ibaba ang mga accessory na ligtas na
pinturahan. Kung wala sa talahanayan sa ibaba, hindi pinapahintulutan ang pagpintura rito at mavo-void ang iyong warranty.

Produkto ng Nest	Accessory na ligtas na pinturahan
Nest Cam (battery) na may floodlight	Takip ng mounting plate ng floodlight Mahalaga: Huwag pinturahan ang gitna ng mounting plate ng floodlight. Takpan ng tape ang bahaging ito bago pinturahan.
Nest Cam IQ Outdoor Nest Cam Outdoor Weatherproof cable ng Nest Cam	Mga Cable Mga cable clip Mahalaga: Huwag pinturahan ang anumang iba pang bahagi ng mismong camera o power adapter nito. Kung gumagamit ka ng oil based na pintura, dapat ka munang gumamit ng water-based na primer sa cable.
Nest thermostat	Opsyonal na trim plate na accessory ng Nest thermostat Mahalaga: Kung pipinturahan mo ang trim plate, tiyaking ganap na tuyo na ito bago ikabit ang base ng Nest thermostat at i-install ang thermostat.

Bago mo pinturahan ang iyong bahay

Kung pipinturahan mo ang interior o exterior ng iyong bahay, alisin ang produkto ng Nest mo sa pader o kisame para maiwasang malagyan ito ng pintura. Hindi inirerekomendang takpan ang iyong device habang naka-on ito. Kung dapat mong pansamantalang takpan ang iyong produkto dahil hindi ito puwedeng alisin, i-off muna ito. Alisin ang pansamantalang takip sa lalong madaling panahon pagkatapos magpintura.