Posibleng magamit ng sinumang inimbitahan sa bahay mo ang iyong mga device at serbisyo ng Google para sa nakakonektang home. Halimbawa, posibleng ma-activate ng sinuman sa iyong bahay, kasama na ang bisita, ang mga speaker at display device sa bahay mo sa pamamagitan ng pagsasabi ng "Ok Google," “Hey Google,” o gamit ang ibang paraan ng pag-activate tulad ng pagpindot nang matagal sa iyong device. Para maunawaan nang mas mabuti kung paano pinoprotektahan ng Google ang iyong privacy kapag ginamit mo ang aming mga device at serbisyo para sa nakakonektang home, magpatuloy sa pagbabasa sa ibaba at basahin ang Mga FAQ ng privacy ng Google Nest. Puwede ka ring matuto pa tungkol sa Google Assistant at iyong privacy.
Pagiging visible ng mga pakikipag-ugnayan ng bisita
Kung may makikipag-ugnayan sa iyo sa nakakonektang device sa bahay mo sa Google sa pamamagitan ng Google Assistant, at hindi nakilala ng device ang kanyang boses, posibleng i-store ang kanyang aktibidad sa device (tulad ng mga bagay na tinatanong nila sa Google Assistant) sa iyong Google Account. Bilang may-ari ng device, puwede mong i-access ang aktibidad na ito sa g.co/assistant/yourdata (hindi sino-store ang mga audio recording ng aktibidad na ito sa iyong Google Account). Kung papayagan mo ang mga bisita na gamitin ang iyong device, siguraduhing nauunawaan nilang posibleng i-store ng Google ang kanilang aktibidad sa device sa Google Account mo at puwede mong tingnan at i-delete ang impormasyong iyon.
Bilang alternatibo, puwede mong sabihin at ng iyong mga bisita ang “Hey Google, turn on Guest Mode (i-on ang Guest Mode).” Habang nasa Guest Mode ang device, awtomatikong dine-delete ng Google ang mga audio recording at aktibidad ng Google Assistant sa account ng may-ari ng device.
Matuto pa tungkol sa Guest Mode.
Maidaragdag ng ibang tao ang sarili nilang mga account sa iyong device sa pamamagitan ng pag-set up ng Voice Match. Kung gagawin nila ito, iso-store ang kanilang aktibidad sa Google Assistant sa kanilang sariling Google Account sa myactivity.google.com.
Kung gumagamit ka ng Google Nest Wifi o Google Wifi device, tandaan na kapag ginamit ng mga bisita ang iyong Wi-Fi network, ang ilan sa impormasyon nila (tulad ng mga IP at MAC address at data ng paggamit) ay nauugnay sa iyong account at makikita sa pamamagitan ng iyong Google Home app, ayon sa naaangkop.
Paglilimita sa kakayahan ng mga bisita na i-access ang iyong impormasyon
Kung hindi ka magse-set up ng multi-user functionality sa iyong device para makilala ng speaker o display mo ang iyong boses (ibig sabihin, sa pamamagitan ng pag-set up ng Voice Match sa device), makakapagtanong ang sinuman sa bahay mo tungkol sa impormasyong ginawa mong available sa iyong device kapag nakipag-ugnayan siya rito. Dagdag pa rito, kung napagkamalan ng multi-user functionality ng iyong device ang isang recording ng boses mo o ang boses ng ibang tao bilang iyong boses, posibleng sabihin ng device mo ang iyong impormasyon sa user na iyon.
Para pigilan ang iba sa pag-access ng pribadong impormasyon tulad ng mga paalala at entry sa kalendaryo mula sa iyong device, puwede mong i-off ang mga personal na resulta sa Google Home app. Puwede itong itakda sa bawat device, para puwede mong bigyan ng ibang access sa iyong impormasyon ang isang device sa kuwarto mo kumpara sa isa pang device sa iyong kusina.
Puwede mo ring sabihin ang “Hey Google, turn on Guest Mode (i-on ang Guest Mode).” Habang nasa Guest Mode ang iyong device, hindi sasabihin o ipapalita ng Google Assistant ang mga personal na resulta. Puwedeng i-off ng sinuman sa iyong bahay (kasama ang mga bisita) ang Guest Mode sa pamamagitan ng pagsasabi ng “Hey Google, turn off Guest Mode (i-off ang Guest Mode).”
Matuto pa tungkol sa mga kontrol sa privacy sa iyong mga nakabahaging device sa Guest Mode.