Mag-play ng audio ng Android sa mga Google Nest o Home device

I-cast ang audio mula sa Android phone o tablet mo sa iyong Google Nest o Home speaker o display.

Tandaan:

• Available lang ang feature na ito sa mga device na gumagamit ng Android 9.0 o mas bago.
• Tiyaking hindi mo gagamitin ang "Power saving mode" o "Pantipid ng Baterya" sa iyong Android device. Puwede nitong limitahan ang kakayahan sa pagpoproseso ng iyong device, na puwedeng makaapekto sa performance ng feature na I-cast ang audio.

Mahalaga: Kailangan ay naka-on ang pahintulot sa "Mikropono" sa Google Play Services app para magamit ang feature na ito sa iyong speaker o display. Kung hindi naka-on sa iyo ang pahintulot na ito, madidiskonekta kaagad ang session ng I-cast ang audio pagktapos mong subukang kumonekta.

Para i-on ang mga pahintulot sa mikropono:

1. Sa iyong Android device, i-tap ang Mga Setting .
2. Mag-scroll pababa at i-tap ang Mga App Lahat ng App Mga Serbisyo ng Google Play Mga Pahintulot.
3. I-tap ang Mikropono at i-on ang "Payagan lang habang ginagamit ang app."

I-cast ang audio mula sa iyong Android device

1. Tiyaking nakakonekta sa Wi-Fi network o naka-link sa account ang iyong mobile device o tablet kung saan naka-link ang speaker o display mo.
2. Buksan ang Google Home app .
3. I-tap ang Mga Paborito o Mga Device .
4. I-tap at i-hold ang tile ng iyong device.
   • Mga Speaker: I-tap ang I-cast ang aking audio I-cast ang audio.
   • Mga Display: I-tap ang I-cast ang aking screen I-cast ang screen.
5. Sa iyong Android device, simulan ang gustong content. Magpe-play ito sa iyong speaker o display.

Kontrolin ang audio na nagpe-play mula sa iyong Android device

Para makontrol ang kina-cast mong audio, gamitin ang mga kontrol ng media sa app ng provider ng content sa iyong Android device. Depende sa provider at uri ng media, magagawa mong mag-pause, magpatuloy, kontrolin ang volume, at higit pa.

Kapag nagka-cast ng audio ang iyong Android device, mga button ng volume nito ang nagkokontrol sa volume sa iyong speaker o display.

Puwede ka ring gumamit ng mga command gamit ang boses sa iyong speaker o display para kontrolin ang volume at ihinto ang pag-cast.

Para gawin ito:	Sabihin ang "Ok Google," pagkatapos ay:
Ihinto ang pag-play ng audio ng Android sa iyong speaker o display	"Stop (Ihinto)"
Kontrolin ang volume	"Louder (Lakasan)" "Set volume to 40% (Itakda ang volume sa 40%)"

Ihinto ang pag-cast ng audio mula sa iyong Android device

Mula sa drawer ng notification:

1. I-slide pababa ang drop-down na drawer ng notification sa iyong Android device.
2. Sa notification bar, i-tap ang Idiskonekta.

Mula sa Google Home app:

1. Tiyaking nakakonekta sa Wi-Fi network o naka-link sa account ang iyong mobile device o tablet kung saan naka-link ang speaker o display mo.
2. Buksan ang Google Home app .
3. I-tap ang Mga Paborito o Mga Device .
4. I-tap at i-hold ang tile ng iyong device.
5. Piliin ang Ihinto ang pag-cast o Ihinto ang pag-mirror .