Naging 192.168.85.0/24 ang lokal na IP network (Google Wifi)

Nangyayari lang ito kapag nag-set up ka ng bago at hiwalay na Google Wifi network na nakakonekta downstream mula sa isang kasalukuyang Google Wifi network, o kapag nagkonekta ka ng Google Wifi point sa anumang third-party na router na nagbibigay ng mga DHCP address sa sakop ng IP network na 192.168.86.0/24. Sa dalawang sitwasyong ito, magiging 192.168.85.0/24 ang sakop ng lokal na IP network ng iyong deafult na Google Wifi point.

Nangyayari ito dahil kailangan ng iyong WAN port ng ibang IP address mula sa LAN subnet mo.

Ano ang pagkakaiba ng WAN at LAN?

Ibalik ang lokal na IP network sa 192.168.86.0/24

Para ibalik ang network sa 192.168.86.0/24, sundin ang mga hakbang na ito:

1. Buksan ang Google Home app .
2. I-tap ang Wifi   Mga Setting   Advanced na Networking. 
3. I-tap ang LAN.
4. Itakda ang “Address Pool ng DCHP” sa gusto mong sakop, at i-tap ang I-save. Halimbawa: 192.168.86.20 hanggang 192.168.86.250 ang default na sakop.
5. Bumalik sa Wi-Fi   Mga Setting   I-restart ang network. Pupuwersahin nito ang pagkonekta ulit ng mga client at bagong IP address na ibibigay sa bawat isa sa mga ito.

 

Tandaan: Kung babaguhin mo lang ang IP address ng WAN o didiskonekta ka lang sa “upstream” na Wifi point (ang nasa pagitan ng iyong modem at pangalawang Wifi point), hindi nito awtomatikong ibabalik ang lokal na network sa 192.168.86.0/24.