Kung hindi nakakonekta ang iyong device sa Google Nest Wifi o Google Wifi network mo, narito ang ilang tip para makakonekta ulit online ang iyong device:
Mga setting ng device
- Tiyaking naka-on ang Wi-Fi ng iyong device at naka-off ang airplane mode.
- Karaniwang makikita ang mga setting ng Wi-Fi sa app na Mga Setting ng iyong device o sa pamamagitan ng pag-swipe pababa mula sa itaas o pataas mula sa ibaba ng screen mo.
- Tiyaking pinili mo ang iyong Google Nest Wifi o Google Wifi network.
- Tiyaking hindi naka-configure ang device na gumamit ng static na IP address (bihira) na hindi kasama sa IP subnet range.
Mga isyu sa kagamitan para sa Wifi
- Tiyaking malapit sa at saklaw ng iyong router o point ang mobile device mo.
- Tiyaking naka-on ang iyong router at anumang point. Umiilaw dapat ang (mga) indicator na ilaw.
Mali o lumang password
Kapag hindi makakonekta ang iyong device dahil sa password, posibleng lumabas ang isa sa mga sumusunod na mensahe sa Google Home app:
- “Hindi makakonekta sa Wi-Fi ang [device]. Tiyaking ginagamit nito ang tamang password ng Wi-Fi.”
- “I-update ang password ng Wi-Fi para sa [device].”
Kung mali ang password ng Wi-Fi network sa device na iyon, hindi makakakonekta ang device sa iyong network. Para ayusin ito, i-update o ilagay ulit ang password ng Wi-Fi network sa device na hindi makakonekta.