I-set up ang ADT sa Google

Nagtulungan ang Google at ADT para ibigay ang mga device at serbisyo ng Google Nest bilang bahagi ng mga ADT system. Ang artikulong ito ay may mga hakbang kung paano ikonekta ang iyong ADT account sa Google Home app.

Magagawa ng mga customer na bilhin ang mga sumusunod na produkto ng Google Nest mula sa ADT at ipa-set up ang mga ito sa installer ng ADT sa bahay nila:

• Nest Doorbell (baterya)
• Nest Cam (baterya)
• Nest Cam (wired)
• Nest Cam na may floodlight (wired)
• Nest Hub (2nd Gen) at Nest Hub Max
• Nest Mini
• Nest Wifi at Wifi Point
• Nest Learning Thermostat at Nest Thermostat
• Nest Aware at Nest Aware Plus

Mahalaga: Kasalukuyang limitado ang partnership na ito sa mga customer sa United States of America.

Nest Aware na pinapamahalaan ng ADT

Para gumamit ng subscription sa Nest Aware na pinapamahalaan ng ADT sa iyong bahay, kailangan mong bumili ng Nest device at subscription sa Nest Aware (o Nest Aware Plus) sa pamamagitan ng ADT. Kapag naidagdag na ang Nest Aware sa iyong subscription sa ADT, isasama ang serbisyo ng Nest Aware sa bill ng serbisyo mo mula sa ADT at papamahalaan ito ng ADT.

Kailangan mo lang ng isang subscription sa Nest Aware para sa lahat ng Nest camera sa iyong bahay.

Mag-set up ng Nest Aware na pinapamahalaan ng ADT para sa iyong bahay

1. I-link ang iyong Google Account sa ADT app

Para magamit ang Nest Aware sa iyong bahay, kailangan mo munang i-link ang Google Account mo sa ADT app at bigyan ang ADT ng access na pamahalaan ang mga serbisyo ng Google Nest para sa iyo. 

1. Buksan ang ADT Control app o ADT Pulse app. 
2. Sa kaliwang sulok sa itaas, i-tap ang menu . 
3. Sa Control app, i-tap ang + Magdagdag ng Device, o sa Pulse app, i-tap ang Mga Setting.
4. Piliin ang Google Nest.
5. May lalabas na pangkalahatang-ideya ng proseso ng pag-link. I-tap ang Susunod.
6. Mag-sign in gamit ang Google Account na gusto mong iugnay sa iyong ADT account. Mauugnay rin ang account na ito sa bahay na gusto mong gamitin sa Google Home app.
   • Kung wala kang account, piliin ang Gumawa ng account para magpatuloy.
7. Piliin ang bahay na gusto mong iugnay sa iyong ADT home.
   • Kung ngayon ka lang gagamit ng Google Nest, kakailanganin mong gumawa ng bagong bahay. Sa form, ilagay ang address kung para saan mo binili ang subscription na ito. I-tap ang Susunod. 
   • Kung mayroon ka nang isa o higit pang bahay sa iyong Google Home app, piliin ang bahay kung para saan mo binili ang subscription. I-tap ang Susunod.
8. Bigyan ng pahintulot ang ADT na i-access ang iyong mga device at serbisyo ng Google Nest para makapagbigay sila ng suporta. Piliin ang Susunod.
9. I-tap ang Magpatuloy para payagan ang ADT na pamahalaan ang iyong mga device at serbisyo ng Nest.
   Mahalaga: Kung may ipinapakitang mensahe ng error sa screen, makipag-ugnayan sa Customer support ng ADT para humingi ng tulong.
10. Pagkatapos mong ma-link ang iyong Google account sa ADT app, pindutin ang button na “Buksan ang Google Home app”:
    • Kung ngayon ka lang gagamit ng mga produkto ng Google Nest, mapo-prompt kang i-download ang Google Home app.
    • Kung na-install mo na ang Google Home app, bubuksan nito ang app.

 2. I-link ang Nest Aware na pinapamahalaan ng ADT sa iyong bahay

Pagkatapos mong i-link ang iyong Google Account sa ADT app at bigyan ang ADT ng pahintulot na pamahalaan ang mga device at serbisyo mo ng Google Nest, ilapat ang subscription sa Nest Aware sa iyong bahay sa Google Home app.

1. Buksan ang Google Home app 
   • Tandaan: Kung marami kang bahay, kakailanganin mong gamitin ang bahay na itinalaga mo bilang iyong ADT home. I-tap ang pangalan ng bahay sa Mga Paborito para lumipat ng bahay kung kailangan.
2. I-tap ang Mga Device   Magdagdag   Gumagana sa Google Home .

3. Piliin ang Serbisyo i-tap ang ADT | Google.
4. I-tap ang Ilapat para kumpirmahin.
5. Sundin ang mga hakbang sa pag-set up ng Nest Aware.

Pag-migrate ng iyong kasalukuyang subscription sa Nest Aware sa ADT

Kung dati kang bumili ng subscription sa Nest Aware o Nest Aware Plus sa pamamagitan ng Google at gusto mong palitan ng Nest Aware na pinapamahalaan ng ADT ang subscription na ito, ganito ang maaasahan mo:

• Hihilingin sa iyong i-migrate sa ADT ang subscription sa Nest Aware bilang bahagi ng proseso ng pag-set up.
• Wawakasan kaagad ang orihinal na subscription sa Nest Aware at papalitan ito ng bagong subscription sa ADT Nest Aware.
• Posibleng magbago ang mga feature ng camera at data ng history ng video alinsunod sa bagong subscription:
  • Kung magma-migrate ka sa parehong tier ng subscription, walang pagbabago sa mga feature o data ng history ng video.
  • Kung magma-migrate ka sa mas mataas na tier ng subscription:
    • Magkakaroon ng karagdagang 30 araw na history ng video, para sa kabuuang 60 araw na history ng video
    • Magkakaroon ng access sa Tuloy-tuloy na Pag-record ng Video (CVR)
  • Kung magma-migrate ka sa mas mababang tier ng subscription:
    • Mawawala ang karagdagang 30 araw na history ng video, para sa kabuuang 30 araw na history ng video
    • Mawawalan ng access sa Tuloy-tuloy na Pag-record ng Video (CVR)
    • Tandaan: Bago ka mag-migrate sa mas mababang tier ng subscription, mag-save ng mga clip ng footage na gusto mong panatilihin.

Kanselahin o baguhin ang Nest Aware na pinapamahalaan ng ADT

Para magkansela o magbago ng subscription sa Nest Aware (halimbawa, para palitan ang nauugnay na Google Account), makipag-ugnayan sa Customer support ng ADT para humingi ng tulong.

Ikonekta ang iyong mga ADT device sa Google Assistant

Para kontrolin ang iyong mga ADT device gamit ang boses mo sa pamamagitan ng Google-Assistant enabled na device, sundin ang mga hakbang na ito.

1. Buksan ang Google Home app 
   • Tandaan: Kung marami kang bahay, kakailanganin mong gamitin ang bahay na itinalaga mo bilang iyong ADT home. I-tap ang pangalan ng bahay sa Mga Paborito para lumipat ng bahay kung kailangan.
2. I-tap ang Mga Device   Magdagdag   Gumagana sa Google Home .
3. Hanapin at piliin ang “ADT Smart Home” at pagkatapos ay sundin ang mga hakbang para kumpletuhin ang pag-set up.

Kapag naikonekta mo na ang iyong device, magagawa mo nang i-arm/i-disarm ang ADT system mo at kontrolin ang iyong mga compatible na device para sa smart na tahanan gamit ang boses mo. Sabihin lang ang “Ok Google” para magsimula.

Subukan ang ilan sa mga command gamit ang boses na ito:

• "Ok Google, arm my system to away (Ok Google, i-arm ang system ko sa Wala sa Bahay)"
• "Ok Google, turn on the living room light (Ok Google, i-on ang ilaw sa kuwarto)"
• "Ok Google, disarm my system (Ok Google, i-disarm ang system ko)"
• "Ok Google, set the thermostat to 70 degrees (Ok Google, itakda sa 70 degrees ang thermostat)"