Maaari kang gumamit ng CSV file para gumawa o mag-edit ng mga Shopping campaign sa Google Ads Editor. Nagbibigay-daan sa iyo ang paggamit ng CSV file na magdagdag o magbago ng maraming item sa Shopping campaign mo nang sabay-sabay. Maaari ka ring gumamit ng CSV file para i-duplicate ang iyong campaign o mga ad group, hatiin ang isang campaign sa maraming campaign o ad group, o ilipat ang campaign mo sa isa pang Google Ads account.
Para matiyak na magiging matagumpay ang iyong pag-import, sundin ang mga tagubilin sa pag-format sa ibaba.
Pag-format sa iyong CSV
Para ma-import ang iyong CSV file, dapat ay maglaman ito ng mga column na ito:
| Pangalan ng column | Paglalarawan |
|---|---|
| Campaign | Ang pangalang ibinigay mo sa iyong campaign. |
| Bansa ng Pagbebenta | Ang dalawang titik na country code o pangalan ng bansa. |
| Uri ng Campaign | Ang uri ng campaign na mayroon ka, na dapat ay "Shopping." |
| Ad Group |
Ang pangalan ng iyong ad group. |
| Max CPC | Ang kasalukuyang maximum na cost-per-click na bid para sa pangkat ng produkto. |
| Filter ng imbentaryo | Isang opsyonal na paraan para ibukod kung aling mga produkto sa iyong Google Merchant Center account ang maaaring lumabas para sa Mga Shopping ad ng Produkto. |
| Pangkat ng Produkto | Ang kumpletong path ng pangkat ng produkto sa hierarchy ng iyong pangkat ng produkto. Matuto tungkol sa kung paano i-edit ang iyong pangkat ng produkto. |
| Uri ng Pangkat ng Produkto | Ang uri ng pangkat ng produkto ay maaaring maging "Ibinukod," "Nalalagyan ng Bid," o "Pag-subdivide." |
| Identifier ng Merchant, Merchant ID, o Merchant | Ang ID ng Google Merchant Center account na nauugnay sa mga produktong ina-advertise sa campaign. |
| Badyet | Ang badyet ng iyong campaign. |
Tumingin ng halimbawa ng Shopping campaign template.
Pag-upload ng iyong CSV
Kapag naihanda mo na ang iyong CSV file, sundin ang mga hakbang na ito para i-import ito sa Google Ads Editor:
- Piliin ang Account > I-import. (Kung mayroon kang iba pang nakabinbing iminumungkahing pagbabago, mage-gray out ang item ng menu. Sa sandaling tanggapin o tanggihan mo ang iba pang mungkahi, maaari ka nang magpatuloy.)
- Piliin ang Mula sa file ... para pumili ng file o I-paste ang text para kopyahin at i-paste ang CSV data.
- Suriin ang mga header ng column. Kung hindi tama ang isang header, piliin ang tamang header mula sa drop-down na menu.
- Hanggang 100 row lang ng iyong CSV file ang ipinapakita ng preview. Kung may mahigit sa 100 row ang iyong file, isasama ang mga ito sa pag-import kahit na hindi lumalabas dito ang mga ito.
- Maaaring isa lang ang iyong header para sa maraming column. Halimbawa, kung mayroon kang mga keyword sa dalawang column, piliin ang "Keyword" bilang header ng column para sa dalawang column. Tandaan, ang unang value lang sa anumang partikular na row ang gagamitin. Tandaan: Kung pinili mo sa iyong mga setting o kagustuhan na isama ang mga orihinal na value sa pag-export ng CSV, maaari kang makakita ng dalawang tumutukoy na column para sa ilang item--isang may heading na "#Original" at ang isa pa ay para sa mga bagong value na maaaring ilapat. Matuto pa
- I-click ang I-import. Maire-revert mo pa rin ang pag-import sa ibang pagkakataon, kung kailangan.
- Suriin ang listahan ng mga na-import na pagbabago. Kung may mga isyu sa CSV file, magpapakita ang Google Ads Editor ng listahan ng mga error at babala.
- I-click ang Suriin ang mga na-import na pagbabago.
- Ipapakita ang mga pagbabagong na-import mula sa CSV file bilang mga iminumungkahing pagbabago sa iyong account.
- Para tanggapin ang lahat ng pagbabago, i-click ang Panatilihin ang mga iminungkahing pagbabago.
- Para tanggihan ang lahat ng pagbabago, i-click ang Tanggihan ang mga iminumungkahing pagbabago.
- Para suriin at tanggapin o tanggihan ang mga indibidwal na pagbabago, sundin ang mga tagubiling ito.
Pag-aayos ng mga error sa pangkat ng produkto
Narito ang paraan kung paano lutasin ang mga mensahe ng error na maaari mong matanggap pagkatapos i-import ang iyong CSV file o gumawa ng mga pagbabago sa iyong mga pangkat ng produkto:
| Mensahe ng error | Isyu | Paano ito ayusin |
|---|---|---|
| Sina-subdivide ang pangkat ng produkto sa parehong dimensyon nang mahigit sa isang beses. |
Nakapagdagdag ka ng pangkat ng produkto na nagsa-subdivide sa parehong dimensyon nang mahigit sa isang beses. Tandaang pinapayagang lumabas ang uri ng kategorya at produkto nang mahigit sa isang beses. |
Alisin ang pangkat ng produkto. |
|
Sina-subdivide ang pangkat ng produkto sa uri ng produkto nang mahigit sa limang beses. |
Katulad ito ng error sa itaas, ngunit nalalapat ito sa dimensyon ng uri ng produkto, na maaaring lumabas nang hanggang 5 beses. |
Alisin ang pangkat ng produkto. |
|
Hindi maaaring mag-subdivide ng uri ng produkto na 'lahat ng iba pa' sa isa pang uri ng produkto. |
Hindi ka makakapag-subdivide ng uri ng produkto na “lahat ng iba pa” sa isa pang uri ng produkto. |
Alisin ang pangkat ng produkto. |
|
Tumutukoy ang pangkat ng produkto ng kategoryang invalid para sa bansang pinagbebentahan ng campaign. |
Hindi pinapayagan ng ilang bansa ang ilang partikular na kategorya. Makikita mo ang error na ito kung nagdagdag ka ng pangkat ng produkto na nagbabanggit ng ganoong kategorya sa isang campaign na nagta-target sa pinagbebentahang bansa na iyon. |
Alisin ang pangkat ng produkto. |
| Tumutukoy ang pangkat ng produkto ng invalid na hierarchy ng kategorya. |
Maaaring lumabas nang mahigit sa isang beses ang dimensyon ng kategorya sa isang pangkat ng produkto, ngunit ang bawat kasunod ay dapat na sub-category ng nauuna. Halimbawa: valid ang “*/ Category=sports / Category=soccer,” ngunit invalid ang “*/ Category=sports / Category=ladies shoes.” |
Baguhin ang kategorya para maging mga sub-category ang mga dimensyon. |
|
Naglalaman ang mga value ng pangkat ng produkto ng isa o higit pa sa mga invalid na pagkakasunud-sunod ng character na ito: == o &+ |
Dahil sa mga teknikal na dahilan, hindi maaaring magkaroon ng ganitong mga pagkakasunud-sunod ng mga character ang value ng anumang dimensyon. |
Alisin ang pangkat ng produkto. |
|
Hindi ka makakapag-subdivide ng isang pangkat ng produkto na wala naman talaga. |
Makakapag-subdivide ka lang ng kasalukuyang pangkat ng produkto. | Mag-subdivide ng kasalukuyang pangkat ng produkto. |
|
Walang pag-subdivide na "lahat ng iba pa" ang pangkat ng produktong ito. |
Ang lahat ng pangkat ng produkto na may pag-subdivide ay dapat na may "Lahat ng iba pa" na pangkat ng produkto. |
Ayusin ang structure ng pangkat ng produkto. |
|
Inalis ang nag-iisang pag-subdivide na "lahat ng iba pa" ng pangkat ng produkto. Eksaktong tig-iisa dapat ang bawat pangkat ng produkto. |
May minarkahan kang "Lahat ng iba pa" na pangkat ng produkto para i-delete, ngunit dapat na may "Lahat ng iba pa" na pangkat ng produkto ang bawat pangkat ng produkto na may pag-subdivide. |
Ayusin ang structure ng pangkat ng produkto. |
|
Hindi tumutugma ang uri ng dimensyong ito sa iba pang mga pag-subdivide. Dapat na i-subdivide ang bawat pangkat ng produkto sa parehong uri ng dimensyon. |
Dapat na mag-subdivide ang lahat ng pangkat ng produkto sa parehong dimensyon. |
Ayusin ang structure ng pangkat ng produkto. |
|
Isang duplicate na pag-subdivide ang pangkat ng produkto na ito. |
Kapareho ng pangkat ng produkto na ito ang isa pang pangkat ng produkto sa iisang ad group. |
Alisin ang duplicate na pangkat ng produkto. |
|
Hindi maaaring alisin ang pangkat ng produkto na ito nang hindi rin inaalis ang mga pag-subdivide nito. |
Sinubukan mong mag-alis ng pangkat ng produkto, ngunit hindi ang mga pag-subdivide nito. |
Alisin ang mga pag-subdivide. |
|
Kapag binago ang pangkat ng produkto mula sa isang pag-subdivide, mag-iiwan ito ng mga walang nagmamay-aring child dimension. |
Nangyayari ito kapag binago mo ang uri ng isang pangkat ng produkto mula “pag-subdivide” at ginawa mo itong “Nalalagyan ng Bid” o “Ibinukod.” |
Ayusin ang structure ng pangkat ng produkto. |