Makakatulong sa iyo ang TV sa Reach Planner na tuklasin ang tamang kumbinasyon ng TV, YouTube, at mga partner sa video ng Google at tumukoy ng mga pagkakataong i-maximize ang abot at gawing mas madalas ang iyong mga video campaign.
Puwede kang magdagdag ng dating data ng abot, dalas, Target Rating Point (TRP), at badyet ng campaign sa TV sa isang plano para sa media kasama ng mga hula sa campaign sa YouTube. Tapos, puwede mong paghambingin ang tinantyang unique reach ng isang plano para sa media sa YouTube at TV. Gumagamit ang TV sa Reach Planner ng dating data ng pagsukat sa TV mula sa isang provider ng pagsukat ng media sa bansa kung saan nagmumula ang iyong plano para sa media.
Tandaan: Hinuhulaan ng TV sa Reach Planner ang mga pagtatantya sa abot, dalas, mga panonood, at conversion para sa iyong plano para sa media, pero hindi nito ginagarantiyahan ang anumang partikular na performance o resulta. Puwedeng mag-iba-iba ang aktwal na performance ng campaign, depende sa iba pang salik (gaya ng kalidad ng ad, kaugnayan ng ad, at mga setting ng campaign).
Mga Benepisyo
- Pinapagana ng aktwal na data ng TV: Gumagamit ang TV sa Reach Planner ng data ng pagsukat mula sa mga dating campaign sa TV at mula sa mga provider ng pagsukat ng media. Gamit ang data na ito, nakadisenyo ang Reach Planner para magbigay sa iyo ng mga tumpak na hula. Matuto pa Tungkol sa mga hula sa Reach Planner.
- Mabilis at simple: Naka-integrate ang TV sa Reach Planner sa kasalukuyang functionality ng Reach Planner, kaya nagbibigay ito sa iyo ng mabilis at simpleng tool sa abot at dalas.
- Mga komprehensibong setting: Nagbibigay-daan ang TV sa Reach Planner para sa pagpaplano sa lahat ng format ng brand sa YouTube.
- Mga praktikal na resulta: Nagpapakita ang TV sa Reach Planner ng malilinaw na insight kung paano pahusayin ang abot, distribusyon ng dalas, at bisa, sa pamamagitan ng plano para sa media na nagtatampok ng YouTube at TV. Kapag sinuri mo ang iyong mga insight, puwede kang makatuloy ng mga pagkakataong abutin ang mga taong hindi masyadong nanonood ng TV o puwede mong bawasan ang dalas ng pagpapakita ng iyong mga video ad sa mga taong regular na nanonood ng TV.
Pamamaraan
Nagbibigay-daan sa iyo ang TV sa Reach Planner na hulaan ang unique reach, dalas, at iba pang sukatan ng media sa isang campaign ng pag-advertise na may YouTube at TV. Gumagamit ang TV sa Reach Planner ng mga hula sa YouTube at dating data ng TV, at pagkatapos ay kinakalkula nito ang hinulaang epekto ng isang campaign na nagtatampok ng YouTube at TV gamit ang mga algorithm na binuo at na-publish ng Google (English lang).
Tandaan: Sa mga sitwasyon kung saan hindi magkapareho ang mga available na dimensyon para sa data ng YouTube at TV (halimbawa, magkakaibang sakop na edad o lokasyon) o kapag hindi namin masukat ang isang sukatan, puwede naming isaayos ang isang dimensyon o ang dalawang dimensyon para matiyak na magkatugma ang data.
Mga sinusuportahang bansa
Available sa lahat ng user sa France, Germany, India, Japan, Vietnam, at sa mga piling kliyente at ahensya sa Argentina, Brazil, Chile, Colombia, Indonesia, Korea, Mexico, Pilipinas, Poland, Spain, Sweden, Taiwan, Thailand, at United States. Makipag-ugnayan sa iyong Google team para sa higit pang impormasyon.
Mga sinusuportahang format ng ad at device
| Diskarte sa pag-bid | Mga format ng ad |
|---|---|
| Bawat 1,000 impression (CPM) |
|
| Bawat view (CPV) |
|
| Pagkakasunod-sunod ng video ad (video ad sequencing o VAS) |
|
| Per action (CPA) |
|
| YouTube Select |
|
Nag-o-optimize ang mga Video Reach campaign (VRC) para sa abot sa imbentaryo ng nalalaktawan at hindi nalalaktawang in-stream, in-feed, at YouTube Shorts. Nag-o-optimize ang mga Video View campaign (VVC) para sa mga panonood sa imbentaryo ng nalalaktawang in-stream, in-feed, at YouTube Shorts. Nag-o-optimize ang mga Demand Gen campaign para sa mga conversion sa imbentaryo ng mga nalalaktawang in-stream, in-feed video ad, Shorts, feed ng Discover, at Gmail.
Sinusukat ng TV sa Reach Planner ang paggamit ng mobile, desktop, tablet, at nakakonektang TV para sa lahat ng bansa kung saan available ang YouTube.
Simula Mayo 2022, magbibigay ang TV sa Reach Planner ng mas tumpak na larawan ng lahat ng impression at abot sa YouTube sa pamamagitan ng pagsasaalang-alang sa lahat ng viewer sa harap ng mga TV screen (kilala rin bilang co-viewing).
Puwede mong gamitin ang Reach Planner para hulaan ang iyong mga impression, abot, at mga sukatang batay sa conversion sa iyong mga bagong Video action campaign (VAC). Angkop ang Performance Planner para sa performance ng mga kasalukuyang VAC campaign batay sa dating data ng mga ito. Gamitin ang Reach Planner para sa mga bagong VAC campaign; puwede itong gumana nang walang signal tungkol sa iyong mga partikular na creative, landing page, o uri ng conversion, at kung gaano pumapatok ang mga ito sa iyong mga target na audience at content. Nag-aalok din ang Reach Planner ng kakayahang hulaan ang mga sukatang hindi batay sa conversion, tulad ng Abot at Dalas.
Presyo
Nagbibigay-daan sa iyo ang Reach Planner na pumili ng opsyon sa pagpepresyo kapag ginagawa ang plano para sa media mo. Depende sa iyong layunin at sa mga creative mo, puwede kang pumili mula sa isa sa mga sumusunod na opsyon sa pagpepresyo:
- Auction: Magbi-bid ka sa mga ad nang may target na CPM, CPA, o CPV.
- Instant Reserve: Bibili ka ng naka-target na dami ng mga impression para sa nakatakdang CPM. Available lang ang Instant Reserve para sa mga YouTube campaign na gumagamit ng mga bumper ad, nalalaktawang in-stream ad, o hindi nalalaktawang in-stream ad sa isang CPM na batayan.
- Card ng rate: Makakakuha ka ng mga naka-preset na presyo para sa mga espesyal na format ng ad (tulad ng Masthead) o mga placement sa YouTube Select.
Mga madalas itanong
Ano ang Gross Rating Point (GRP) at Target Rating Point (TRP)?
- Gross Rating Point (GRP): Ang pangkalahatang abot na na-multiply ayon sa dalas (na ipinapakita bilang porsyento). Sinusukat ng mga GRP ang kabuuan ng lahat ng Rating Point habang isinasagawa ang isang campaign ng pag-advertise. Ang Rating Point ay 1% ng potensyal na audience.
- Target Rating Point (TRP): Ang mga TRP, na kilala rin bilang mga nasa demo na GRP, ay kumakatawan sa porsyento ng kabuuang nasa demo na audience na na-multiply ayon sa dalas. Halimbawa, kung umabot ang iyong plano para sa media sa 10% ng nasa demo na audience nito na may dalas na 1, mayroon kang 10 TRP. Iba ang pagkalkula rito kumpara sa mga GRP dahil ibinabatay mo ito sa pool ng nasa demo na audience, hindi sa kabuuan ng lahat ng puwedeng i-target.
Ano ang pinagkaiba ng “Partikular na campaign” at “Sample na campaign” sa mga setting ng “campaign sa TV”?
- Nakabatay ang data na ipinapakita sa seksyong “Partikular na campaign” sa aktwal na dating data sa antas ng campaign mula sa isang provider ng pagsukat ng media sa bansa kung saan nagmumula ang iyong plano para sa media. Pareho (o katulad na katulad) dapat ang mga numerong ito (mga GRP / TRP) sa impormasyong nakikita ng isang advertiser sa sarili niyang mga tool sa pag-uulat (kung ipagpapalagay na tumpak na ipinapakita sa Reach Planner ang diskwento para sa campaign sa TV).
- Ang data na ipinapakita sa seksyong "Sample na campaign" ay binuo mula sa isang average ng mga dating campaign sa TV na may mga sukatan ng abot at gastos na katulad ng mga setting sa iyong plano para sa media. Nagbibigay ito ng paghahambing ng mga dating campaign sa TV at iyong plano para sa media.
Bakit may pagkakaiba sa pagitan ng mga aktwal na setting sa pag-target ng isang plano para sa media at ng target na audience?
- May mga setting sa antas ng plano ang Reach planner na nagpapakita sa abot ng isang plano para sa media kumpara sa populasyong iyon. Ipinapakita naman ng TV sa Reach Planner ang abot ng mga audience sa TC na hindi laging nata-target sa Reach Planner. Dahil dito, puwedeng hindi maipakita ng mga aktwal na setting sa pag-target ang target na audience dahil superset ito.
