Ang reserbang presyo para sa iyong ad. Kung ang iyong bid ay mas mababa sa limitasyon, hindi lalabas ang ad mo. Kung wala sa iyong mga kakumpitensya ang kwalipikadong lumabas, ang limitasyon (reserbang presyo) ay ang presyong babayaran mo para sa pag-click.
Dynamic na tinutukoy ang mga limitasyon sa panahon ng bawat auction batay sa iba't ibang salik, kasama ang:
- Kalidad ng iyong ad: Para tumulong na magpanatili ng mataas na kalidad na karanasan sa ad para sa mga consumer, mas mataas ang limitasyon ng mga ad na may mababang kalidad.
- Posisyon ng ad: Mas mataas ang mga limitasyon ng mga ad na lumalabas sa mas mataas na posisyon sa page ng mga resulta ng paghahanap kumpara sa mga ad na lumalabas sa mas ibabang posisyon sa page. Sa ganoong paraan, mas makikita ng mga tao ang mga ad na may mas mataas na kalidad sa mas mataas na posisyon sa page.
- Mga signal at attribute ng user tulad ng lokasyon at uri ng device: Puwedeng mag-iba-iba ang mga limitasyon batay sa mga attribute ng user, kasama ang lokasyon ng user (halimbawa, puwedeng mag-iba-iba ang mga limitasyon ayon sa bawat bansa) at sa device na ginagamit ng user (halimbawa, mobile kumpara sa desktop).
- Ang paksa at uri ng paghahanap: Puwedeng mag-iba-iba ang mga limitasyon batay sa uri ng mga termino para sa paghahanap ng user. Halimbawa, puwedeng iba't iba ang mga limitasyon para sa mga paghahanap na nauugnay sa kasal kumpara sa mga paghahanap para sa mga klase sa paghahabi ng basket.
- Mga Kaugnay na Auction: Puwede ring nakadepende ang mga limitasyon sa mga auction para sa mga kaugnay na query. Halimbawa, ang mga limitasyon sa Ad Rank para sa termino para sa paghahanap na [insurance sa kotse] ay puwedeng ibatay sa mga auction para sa mga termino para sa paghahanap na [insurance sa sasakyan] at [insurance sa pagkabangga].
Tumutulong ang mga salik na ito na matiyak na pagdating sa mga ad na nakikita ng mga user at sa binabayarang presyo ng mga advertiser, ibinibigay ang tamang pagsasaalang-alang sa kalidad ng karanasan ng user, mga bid ng advertiser, at sa value na inilalagay ng mga advertiser sa engagement ng mga user sa kanilang mga ad.
Paano nakakaapekto ang mga limitasyon ng Ad Rank sa iyong CPC
Ang iyong aktwal na CPC ay kinakalkula batay sa iyong Ad Rank, kasama ang mga limitasyon at kumpetisyon mula sa ibang advertiser.
Kung ad mo lang ang ad na kwalipikadong lumabas, (halimbawa, dahil wala sa iyong mga kakumpitensya ang nakakatugon sa kanilang mga limitasyon ng Ad Rank), babayaran mo ang reserbang presyo (ang limitasyong na-round up sa minimum na masisingil na unit sa iyong bansa, halimbawa sa U.S., sa susunod na sentimo). Ibig sabihin, posibleng relatibong maging mahal ang iyong ad depende sa kalidad ng ad mo at sa mga limitasyon ng Ad Rank, kahit na walang lumalabas na ad sa mismong ibaba nito.