Subaybayan ang mga variation ng iyong ad

Pagkatapos mong simulang magpatakbo ng mga variation ng ad, puwede mong subaybayan ang performance ng mga ito. Sa pamamagitan ng pag-unawa sa kung paano nagpe-perform ang mga variation ng iyong ad, makakagawa ka ng matalinong pasya tungkol sa kung papalitan mo ba ng mga ad na mas mahusay mag-perform ang iyong mga orihinal na ad.

Ipinapaliwanag ng artikulong ito kung paano subaybayan at unawain ang performance ng mga variation ng iyong ad.

Bago ka magsimula

Kung hindi ka pa nakakagawa ng variation ng ad, tingnan ang Mag-set up ng variation ng ad.

Mga Tagubilin

Tandaan: Ang mga tagubilin sa ibaba ay bahagi ng bagong disenyo para sa experience ng user sa Google Ads. Para gamitin ang dating disenyo, i-click ang icon ng "Hitsura," at piliin ang Gamitin ang dating disenyo. Kung ginagamit mo ang dating bersyon ng Google Ads, suriin ang Quick reference na mapa o gamitin ang Search bar sa panel ng navigation sa itaas ng Google Ads para makita ang page na hinahanap mo.

1. Sa iyong Google Ads account, i-click ang icon na Mga Campaign .
2. I-click ang drop down na Mga Campaign sa menu ng seksyon.
3. I-click ang Mga Eksperimento.
4. I-click ang Mga variation ng ad. Makakakita ka ng talahanayan ng mga variation ng ad na ginawa mo, kasama ang impormasyon tungkol sa bawat variation.

Nakalista para sa bawat variation ng ad ang bilang ng naaapektuhang ad, pag-click, at impression. Kapag nag-click ka sa isang variation ng ad, makakakita ka ng paghahambing ng mga sukatan ng performance sa orihinal na ad.

Tungkol sa mga sukatan ng performance sa mga variation ng ad

Ang mga sukatan ng performance na makikita mo para sa mga variation ng iyong ad ay may apat na numero:

1. Ang unang numero ay ang value para sa bawat sukatan ng performance na para lang sa variation ng ad. Halimbawa, nakakuha ng X (na) pag-click ang variation ng iyong ad.
2. Ang porsyento sa labas ng mga bracket na "[]" ay ang pagkakaiba sa pagitan ng variation ng iyong ad at ng orihinal na ad. Halimbawa, nakakuha ng Y% higit na pag-click ang variation ng iyong ad kaysa sa orihinal na ad.
3. Sa loob ng mga bracket, ang dalawang numero ay nagbibigay ng inaasahang hanay na may flexible na confidence interval. Halimbawa, kung pumili ka ng 80% confidence interval, mayroon kang 80% pagkakataong makakita ng pagkakaiba sa pagitan ng A% at B%.

Tandaan: Puwede kang pumili ng mga sarili mong confidence interval (80% ang default na confidence interval) at mas mauunawaan mo ang mga sukatan ng iyong eksperimento gamit ang dynamic na pag-uulat sa confidence.

Kapag namarkahan ng asul na asterisk "*" ang isang sukatan, mahalaga ito ayon sa istatistika. Hindi bababa sa 95% posibilidad na ang epekto sa performance ay galing sa pagbabagong ginawa mo sa halip na sa random na pagkakataon.

Sa pangkalahatan, ang kahalagahan ay naaapektuhan ng tatlong salik:

• Ang pagkakaiba sa performance sa pagitan ng mga orihinal na ad at ng mga nabagong ad. Kapag mas malaki ang mga pagkakaiba, kadalasang tumataas ang kahalagahan.
• Ang mga pagbabago sa performance. Mas malaki ang variability ng campaign kung saan nagbabago ang mga pag-click nang 50% araw-araw kaysa sa campaign na nagbabago ang mga pag-click nang 2%. Kapag malaki ang variability, kadalasang bumababa ang kahalagahan.
• Ang kabuuang bilang ng mga impression sa variation ng ad. Kapag mas marami ang impression, mas mataas ang posibleng kahalagahan ayon sa istatistika.

Mga kaugnay na link

• Tungkol sa mga variation ng ad
• Mag-set up ng variation ng ad