Pagpapasahang numero ng Google

Ang pagpapasahang numero ng Google ay isang natatanging numero ng telepono mula sa Google na nagbibigay-daan sa iyong subaybayan ang mga tawag na nabuo ng mga ad mo. Magagamit ito sa pamamagitan ng pag-on sa pag-uulat ng tawag sa mga setting ng iyong account.

Nagsisilbi ang pagpapasahang numero ng Google bilang tagapamagitan, na nagruruta ng mga tawag sa aktwal na numero ng telepono ng iyong negosyo habang nagbibigay-daan sa detalyadong pag-uulat ng tawag.

Sa page na ito

• Paano ito gumagana
• Tungkol sa mga numero ng telepono
• Mga bansa kung saan available ang mga pagpapasahang numero ng Google
• Kung saan hindi gumagana ang mga pagpapasahang numero
• Mga madalas itanong

Paano ito gumagana

Magsisimulang gumana ang pagpapasahang numero ng Google kapag na-on mo ang pag-uulat ng tawag sa mga setting ng iyong account:

1. Display: Isang pagpapasahang numero ng Google ang ipinapakita sa iyong mga asset para sa pagtawag o sa website mo (para sa pagsubaybay sa conversion ng tawag) sa halip na ang numero ng iyong negosyo.
2. Pagsubaybay: Kapag tumawag ang isang user sa pagpapasahang numero ng Google, susubaybayan ng Google Ads ang mga detalye tungkol sa tawag gaya ng oras, tagal, campaign, at ad group.
3. Pagruruta: Awtomatikong iruruta ng Google Ads ang tawag sa aktwal na numero ng telepono ng negosyo mo.
4. Pag-uulat: Puwede kang tumingin ng mga detalyadong ulat tungkol sa mga tawag na nabuo ng iyong mga ad sa Google Ads account mo.

Tungkol sa mga numero ng telepono

Kapag posible, iisa lang ang magiging area code o prefix na numero ng mga pagpapasahang numero ng Google at ng iyong negosyo. Kung hindi, gagamit na lang ng area code o prefix ng lokal na numero para sa iyong heograpikong rehiyon. Sa ilang sitwasyon, posibleng hindi available ang isang lokal na pagpapasahang numero ng Google. Kapag nangyari ito, magpapakita na lang ang iyong ad ng toll-free na pagpapasahang numero ng Google. Ang mga pagpapasahang numero ng Google ay maaaring maging toll-free, katumbas ng lokal na numero o isang lokal na numero.

Mahalaga: Dahil pag-aari ng Google ang mga pagpapasahang numero ng Google na nauugnay sa iyong pag-uulat ng tawag, puwedeng magbago o maitalaga sa iba ang mga ito. Dahil doon, hindi mo magagamit ang iyong pagpapasahang numero ng Google sa labas ng pag-uulat ng tawag at pagsubaybay sa conversion ng tawag mula sa website.

Mga bansa kung saan available ang mga pagpapasahang numero ng Google

Kasalukuyang available ang mga pagpapasahang numero ng Google sa mga sumusunod na bansa:

Watawat ng bansa	Pangalan ng bansa	Numerong toll-free	Lokal na numero
	Argentina
	Australia
	Belgium
	Brazil
	Canada
	Chile
	Colombia
	Czechia
*	Denmark
	France
	Germany
*	Hungary
**	India
	Indonesia
	Ireland
	Israel
	Italy
** ‡	Japan
	Mexico
	Poland
	Portugal
	Romania
	Russia
	Slovakia
	South Africa
	Spain
	Sweden
	Switzerland
*	United Kingdom
	United States

*Numerong toll-free na katumbas ng lokal na numero

**Sa ilang tawag, numero ng Google ang ipinapakita ng Caller ID hindi ang numero ng user

‡Sa Japan, ang iyong service provider ay ang Google Connect Asia Pacific Pte. Ltd.

Kung saan hindi gumagana ang mga pagpapasahang numero

Hindi gumagana ang pagsubaybay sa tawag gamit ang mga pagpapasahang numero ng Google sa mga sumusunod na sitwasyon:

• Display network: Hindi sinusuportahan ng mga asset para sa pagtawag na naka-target sa Display Network ang mga pagpapasahang numero ng Google o pagsubaybay ng tawag bilang mga conversion.
• Sa labas ng Google ads: Hindi dapat kopyahin at i-promote ang mga pagpapasahang numero ng Google sa labas ng Google Ads. Pag-aari ng Google ang mga numerong ito at puwedeng baguhin o itakda sa iba anumang oras.
• Mga phone tree system ng early media: Hindi compatible ang early media sa pagsubaybay sa tawag ng Google Ads at puwede itong magresulta sa pag-uulat ng mga hindi nasagot na tawag.

---

Mga madalas itanong

Aling numero ng telepono ang ipapakita sa mga ad ko kapag naka-on ang pag-uulat ng tawag?

Sa trapiko galing sa mobile, lalabas sa ad ang numero ng telepono ng iyong negosyo. Pagkatapos i-click ang ad, matitingnan ng mga user ang pagpapasahang numero ng Google sa kanilang dialer.

Paano ako mag-aalis ng pagpapasahang numero ng Google sa mga ad ko?

Puwede kang mag-alis ng mga pagpapasahang numero sa pamamagitan ng pag-off sa pag-uulat ng tawag. Kapag nagawa na ang pagbabagong ito, ipapakita na lang ng iyong mga ad ang numero ng telepono ng negosyo mo. Tandaan na hindi na magiging available ang ulat ng mga detalye ng tawag kung idi-disable ang pag-uulat ng tawag. Alamin kung paano Pamahalaan ang pag-uulat ng tawag para sa iyong mga campaign

Nakatalaga ba ang mga pagpapasahang numero ng Google sa ad ko nang walang tiyak na katapusan?

Dinisenyo ang pagpapasahang numero ng Google para subaybayan ang performance ng iyong mga tawag, at puwedeng magbago ang numero sa paglipas ng panahon. Samakatuwid, hindi inirerekomendang kopyahin at i-promote ang pagpapasahang numero ng Google sa labas ng campaign ng ad mo sa Google Ads.

Ano ang mangyayari kapag may tumawag sa pagpapasahang numero ng Google, nag-save ng numero, at tumawag ulit sa ibang pagkakataon?

Kokonekta pa rin ang mga tawag sa negosyo sa loob ng 60 araw pagkatapos ng unang tawag ng user. Sa tuwing tatawag ang user sa loob ng yugto ng panahon na iyon, mare-reset ang 60-araw na palugit at mananatiling konektado ang numero sa loob ng karagdagang 60 araw. Pagkatapos na mag-expire ang buong 60 araw na yugto ng panahon, hindi na magruruta ang numero ng mga tawag sa negosyo.

Anong mangyayari kapag hindi tumawag ang isang tao pagkatapos niyang i-click ang ad, isinulat niya ang pagpapasahang numero ng Google, at tumawag siya sa ibang pagkakataon?

Kung tatawagan ng user ang pagpapasahang numero ng Google sa loob ng mga 30 minuto (hanggang 2 oras sa ilang partikular na market) ng panonood sa ad, kokonekta ang tawag. Kung tumawag ang user sa unang pgkakataon nang lampas sa paunang window na itol, hindi iruruta ang tawag. Bihira itong mangyari, dahil karamihan ng mga tag ay nangyayari sa loob ng 5 minuto mula nang tingnan ng user ang pagpapasahang numero ng Google sa isang ad o website.

Kaugnay na link

• Tungkol sa pag-uulat ng tawag