Isang feature na awtomatikong nagdaragdag ng parameter sa iyong mga URL para matulungan kang subaybayan ang mga offline na conversion at mag-ulat tungkol sa performance ng ad mo gamit ang mga program para sa pagsubaybay ng website gaya ng Google Analytics.
- Ilalagay ng auto-tagging ang parameter na “Google Click Identifier" (GCLID) sa URL na kini-click ng mga customer mo, at makakatulong iyon sa iyong malaman kung aling ad ang na-click para sa bawat pagbisita sa site mo.
- Magagamit ng Google Analytics at mga katulad na programa ang impormasyon mula sa mga na-auto-tag na URL para maipagbigay-alam sa iyo kung aling mga keyword sa Google Ads ang nagdala ng bisita sa website mo, saang campaign nanggaling ang keyword na iyon, at magkano ang pag-click na iyon. Magagamit mo rin ang impormasyong ito para mag-import ng mga kumplikadong conversion sa Google Ads, online man o offline.
Tip
Kung gumagamit ka ng API, makakapagpadala rin ang parameter na GCLID ng higit pang impormasyon mula sa bawat pag-click sa ulat sa Performance sa Pag-click ng Google Ads API.
Paano i-off ang auto-tagging
Naka-on ang auto-tagging bilang default para sa mga bagong account. Puwede mong tingnan kung naka-on ang auto-tagging, at puwede mo ring i-off ang auto-tagging, sa pamamagitan ng pagpunta sa mga setting ng iyong account.
- Sa iyong Google Ads account, i-click ang Admin sa kaliwang menu ng page.
- Piliin ang Mga setting ng account mula sa mga available na opsyon.
- Sa ilalim ng menu na “Mga setting ng account,” piliin ang drop-down na Auto-tagging.
- Kumpirmahin kung may check ang kahon sa tabi ng "I-tag ang URL na na-click ng mga tao mula sa aking ad." Kung may check ang kahon, naka-on ang auto-tagging. Para baguhin ang iyong setting, lagyan ng check ang kahon para i-on ito, o i-uncheck ang kahon para i-off ito.
- I-click ang I-save.