Isang sukatang ginagamit ng Google Ads upang tantyahin kung gaano magiging nauugnay at kapaki-pakinabang ang landing page ng iyong website sa mga taong nagki-click sa iyong ad. Ang mga landing page na may mas matataas na rating ay kadalasang maayos at may text na nauugnay sa mga termino para sa paghahanap ng isang tao.
Inilalarawan ng status ng karanasan sa landing page kung malamang na makakapagbigay ng magandang karanasan ang iyong landing page sa mga customer na magki-click sa iyong ad at mapupunta sa iyong website. Magagamit mo ang status na ito upang makatulong sa pagtukoy ng mga landing page na maaaring nakakapagpababa sa pagkakataon mong makagawa ng mga conversion tulad ng mga benta o pag-sign up. Dapat mong tiyaking malinaw at kapaki-pakinabang para sa mga customer ang iyong landing page, at nauugnay dapat ito sa iyong keyword at sa kung ano ang hinahanap ng mga customer. Maaaring makaapekto ang lahat ng salik na ito sa pagtukoy sa status ng iyong karanasan sa landing page.
Maaaring magkaroon ng isa sa tatlong status ang iyong mga keyword: mas mataas kaysa sa average, average, o mas mababa kaysa sa average.
- Nangangahulugan ang status na "average" o "mas mataas kaysa sa average" na walang malalaking problema ang keyword na ito pagdating sa karanasan sa landing page kung ihahambing sa lahat ng iba pang keyword sa buong Google Ads.
- Nangangahulugan ang status na "mas mababa kaysa sa average" na maaaring gusto mong pag-isipang gumawa ng ilang pagbabago upang pahusayin ang landing page ng iyong website.