Egin hegaldien eta prezioen jarraipena

Ez bazaude bidaia erreserbatzeko prest, Google Hegaldiak erabil dezakezu hegaldi, ibilbide eta data zehatzetan oinarritutako prezioen jarraipena egiteko.

Egin ibilbide edo hegaldi baten prezioen jarraipena

Posta elektroniko bidezko jakinarazpenak jaso ditzakezu jarraipena egiten diozun ibilbide baten prezioa nabarmen aldatzen denean.

1. Joan Google Hegaldiak zerbitzura.
2. Goialdean, aukeratu geldialdiak, maila eta bidaiariak.
3. Aukeratu jatorriko eta helmugako aireportuak.
4. Ibilbide hori egiteko eskaintzen diren prezioen jarraipena egiteko, aktibatu Egin prezioen jarraipena aukera.
   • Bilaketako daten edo, bidaiatzeko data finkorik ez baduzu, edozein dataren prezioen jarraipena egin dezakezu.
5. Aukerakoa: hegaldi jakin baten prezioaren jarraipena egiteko, aukeratu hegaldiak eta aktibatu Egin prezioen jarraipena aukera.

Edozein dataren prezioen jarraipena egiten duzunean, mezu elektroniko bat jasoko duzu ibilbidearen gutxieneko prezioa nabarmen jaisten denean hilabete batean zehar. Prezio-jaitsiera nabarmena ez bada, mezu elektroniko bat jasoko duzu eskuragarri dagoen prezio onenarekin.

Aurkitu jarraipena egiten diezun hegaldiak edo desaktibatu posta elektroniko bidezko jakinarazpenak

1. Joan Google Hegaldiak zerbitzura.
2. Goian ezkerrean, sakatu Menua  Hegaldien prezioen jarraipena.
   • Jarraipena egiten diezun hegaldiak aurkitzeko, sakatu gordetako hegaldietako bat.
   • Posta elektroniko bidezko jakinarazpenak aktibatu edo desaktibatzeko, sakatu Gehitu jakinarazpena .
3. Aukerakoa: ibilbide edo hegaldi baten jarraipena bertan behera uzteko, sakatu Kendu .

Lortu prezio-aldaketen estatistikak

Halaber, jakinarazpen bat Google Hegaldiak zerbitzuan, mezu elektroniko bat edo mugikor bidezko jakinarazpen bat jasoko duzu honako egoera hauetan:

• Litekeena denean jarraipena egiten diozun ibilbide baten prezioek gora egitea.
• Gutxi barru iraungiko denean hegaldia uneko prezioan eskuratzeko aukera eta, ziur asko, prezio berria garestiagoa izango denean.

Prezioek gora zenbat egin lezaketen ere kalkulatzen eta erakusten dizugu.