Read Along katika huduma ya Google Darasani

Kwa kutumia Read Along kama kipengele kwenye huduma ya Google Darasani, walimu wanaweza kukabidhi kwa urahisi mazoezi ya kusoma na kupata maarifa kuhusu alama ya jumla ya darasa na ya usomaji wa wanafunzi binafsi. Maarifa haya yanajumuisha data ya kila zoezi kuhusu usahihi, kasi na ufahamu. Kutumia Read Along kukabidhi simulizi kunaweza kuwasaidia walimu:

• Kuelewa vyema hatua wanazopiga wanafunzi kwa muda unaoendelea.
• Kuboresha mbinu zao za kufundisha kwa kutumia data ya mara kwa mara inayoweza kuchukuliwa hatua.
• Kuangazia uangalifu wao wa ndani ya darasa inavyofaa kwa wanafunzi kulingana na mahitaji yao ya kimasomo.
• Kuruhusu wazazi na viongozi wa shule wafikie maelezo ya hatua wanazopiga wanafunzi.

Read Along imesanidiwa ili kuwashirikisha wasomaji na:

• Ina maktaba ya nyenzo anuai za kusoma (za mambo halisi, za mambo ya kubuniwa), michoro inayovutia na hali ya usomaji unaoshirikisha.
• Inatoa maoni katika muda halisi.
• Inatoa usaidizi na njia za kupata usaidizi wanapotatizika.
• lnawahimiza na kuwatuza nyota na beji wanapofanya vizuri.
• Inawaongoza wanapopiga hatua.

Kuanza kutumia Read Along katika huduma ya Google Darasani

Muhimu: Inapatikana kote duniani kwenye matoleo yote ya Google Workspace for Education na Google Workspace kwa Mashirika Yasiyolenga Faida.

Read Along inapatikana katika:

• Kiarabu
• Kibahasa cha Indonesia
• Kireno cha Brazili
• Kiingereza (Marekani, Australia, Uingereza)
• Kigujarati
• Kihindi
• Kiitaliano
• Kimalay
• Kihispania
• Kitelugu
• Kithai
• Kiurdu

Jinsi walimu wanavyoitumia

Kutoa mazoezi yanayofurahisha ya kusoma na kufuatilia maendeleo ya usomaji ya wanafunzi katika hatua 3 rahisi.

1. Kukabidhi kutoka kwenye seti ya nyenzo anuai za kusoma zinazofaa darasa mahususi kama vile za mambo ya kubuniwa, mambo halisi na matini ya kudadisi. Pata maelezo kuhusu jinsi ya kukabidhi nyenzo za kusoma.
2. Kuangalia data ya usomaji ya wanafunzi binafsi, kama vile ufasaha, ufahamu na usahihi wa kusoma. Pata maelezo kuhusu jinsi ya kuangalia data ya usomaji.
3. Kufuatilia hatua wanazopiga wanafunzi kwenye mazoezi mbalimbali. Pata maelezo kuhusu jinsi ya kufuatilia hatua za usomaji kadiri muda unavyosonga.

   Kumbuka: Unahitaji kutumia toleo la Education Plus au Teaching and Learning Upgrade ili kufuatilia hatua wanazopiga wanafunzi kwenye mazoezi mbalimbali.

Ili upate maelezo zaidi kuhusu jinsi ya kutumia Read Along katika huduma ya Google Darasani, tazama video hizi:

• Pata maelezo zaidi kuhusu mazoezi ya kusoma na hali ya usomaji ya wanafunzi.
• Pata maelezo zaidi kuhusu data ya usomaji na hatua wanazopiga wanafunzi.

Kukabidhi nyenzo za kusoma

1. Nenda kwenye huduma ya Google Darasani.
2. Weka darasa lako.
3. Bofya Kazi ya darasani Tayarisha Zoezi.
4. Katika orodha ya viambatisho iliyo hapa chini, chagua Read Along.
5. Ili upate nyenzo mahususi za kusoma, katika sehemu ya juu kulia, kwenye upau wa “Tafuta kwenye maktaba“, weka neno kuu.

   Kidokezo: Utafutaji wa maneno makuu kupitia upau wa kutafutia unapatikana tu kwa maudhui yaliyopo ya Kiingereza.

6. Chagua maudhui kulingana na mahitaji yako: Katika upande wa kushoto, chini ya “Aina ya nyenzo za kujifunza,” chagua Matini ya kudadisi, Nyenzo za kusoma zilizopangwa kulingana na kiwango au Shughuli.
   • Ukichagua “Matini ya kudadisi” au “Nyenzo za kusoma zilizopangwa kulingana na kiwango,” unaweza kuchuja zaidi matokeo yako kulingana na:
     • Yanayoonyesha wenzo wa kujifunza:
       • Zote
       • Yenye maswali
     • Aina:
       • Dhahania
       • Halisi
       • Ushairi
   • Kiwango cha darasa linalolengwa au kipimo cha Lexile® kinachofaa.
7. Chagua hali ya kusoma:
   • Kusikiliza
   • Kusoma kwa sauti
   • Kimya
8. Usaidizi kwa ELL (wanaojifunza Kiingereza):
   • Kwa wanaojifunza Kiingereza, programu ya Read Along hutoa usaidizi katika lugha kadhaa. Mwanafunzi anaposoma kwa Kiingereza, anapokea usaidizi anaouhitaji katika lugha yake ya nyumbani (ikiwa inapatikana).
   • Utendaji huu unapatikana katika kikundi kidogo cha vitabu kwenye maktaba ya Read Along. Iwapo ungependa kuchagua maudhui yenye kipengele cha ELL:
     1. Chagua usaidizi wa lugha unayotafuta.
     2. Katika menyu ya kushoto, unaweza kupata vitabu ambavyo vina usaidizi wa lugha mahususi (pamoja na Kiingereza).
9. Bofya wenzo wa kusoma unaokufaa.
10. Ili uvinjari wenzo, bofya vishale vya kulia au kushoto.
11. Ili uangalie hali ya usomaji ya mwanafunzi, bofya Jaribu mwonekano wa mwanafunzi.
12. Bofya Ambatisha Kabidhi.

Kidokezo: Unaweza kuwakabidhi wanafunzi wachache, kuweka tarehe ya kukamilisha na alama ambayo ungependa kuwapatia wanafunzi.

Kuangalia data ya usomaji (Zoezi binafsi)

1. Nenda kwenye huduma ya Google Darasani.
2. Weka darasa lako.
3. Ili uangalie data ya usomaji, bofya Kazi ya darasani.
4. Chagua zoezi.
5. Bofya Kagua kazi.
   • Unaweza pia kumchagua mwanafunzi yeyote. Unaweza kupata orodha ya wanafunzi katika upande wa kushoto na data yao ya usomaji kwenye upande wa kulia.

Vidokezo:

• Hawajaanza: Hakuna data yoyote inayoonyeshwa karibu na majina ya wanafunzi ambao bado hawajaanza kufanya zoezi.
• Wanahitaji kusoma zaidi: Data hii huonekana karibu na majina ya wanafunzi ambao hawajasoma upeo wa chini zaidi, angalau maneno 100 au asilimia 50 ya idadi ya maneno ya wenzo wa kusoma, unaohitajika ili data ya mwanafunzi iweze kuonyeshwa kwenye dashibodi.

Ripoti ya usomaji ina sehemu 3.

• Usahihi: Ubora wa mwanafunzi wa kusoma kitabu. Sehemu hii hugawanywa katika sehemu ndogo, kama vile idadi ya maneno yaliyosomwa kwa usahihi bila usaidizi, yaliyosomwa kwa usaidizi wa programu, ambayo hayakusomwa kwa usahihi na yaliyorukwa. Asilimia ya usahihi hukokotolewa kwa kugawanya idadi ya maneno yaliyosomwa kwa usahihi kwa Idadi ya jumla ya maneno yaliyo kwenye kitabu. Data hii inajumuisha meneno 10 yaliyomtatiza sana mwanafunzi uliyemchagua. Data hii inaweza kukusaidia kuelewa na kuunda mitindo kuhusu aina ya maneno yanayomtatiza mwanafunzi.

• Ufahamu: Sehemu hii huonyesha maswali halisi, aina ya swali na iwapo mwanafunzi aliweza au hakuweza kulijibu katika jaribio la kwanza na iwapo lilikuwa rahisi au gumu kwa wanafunzi wengine katika darasa. Programu huwaruhusu wanafunzi kujaribu tena iwapo hawakulijibu kwa usahihi katika jaribio la kwanza, lakini haihesabu majibu hayo kuwa sahihi kwenye ripoti hii.
• Hatua za jumla: Sehemu hii huonyesha muhtasari wa hatua zilizopigwa kwenye simulizi. Huonyesha vipimo kama vile usahihi, ufahamu, ukamilishaji na kasi kwa simulizi tano zilizotangulia. Huonyesha pia data ya vipindi mbalimbali. Hukuruhusu ufuatilie utendaji wa simulizi zao kadiri muda unavyosonga na kutambua sehemu za kuboresha.

Kufuatilia hatua za usomaji kadiri muda unavyosonga

Muhimu: Dashibodi ya jumla ya hatua zilizopigwa pamoja na vipengele vya ufuatiliaji wa muda mrefu vinapatikana tu kwa watumiaji walio na matoleo ya Education Plus au Teaching and Learning Upgrade.

Ili uelewe jinsi mwanafunzi mahususi anavyokua katika ujuzi mbalimbali wa kusoma, tambua wanafunzi walio katika hatari na ufuatilie hatua wanazopiga za usomaji kadiri muda unavyosonga, sogeza chini hadi kwenye sehemu ya Hatua za jumla.

Sehemu hii huonyesha chati 4 kuhusu usahihi, ufahamu, kasi na ukamilishaji wa nyenzo 5 za kusoma zilizotangulia ambazo zilikabidhiwa mwanafunzi anayehusika.

Kufuatilia alama ya jumla ya darasa

Ili ufuatilie alama ya jumla ya darasa, katika kidirisha cha kushoto, bofya WANAFUNZI WOTE.

Alama ya wanafunzi mbalimbali katika darasa: Alama ya wanafunzi katika darasa lako kwenye zoezi husika kulingana na usahihi, kasi na ufahamu. Alama hii hupangwa kwenye makapu tofauti.

Maneno yanayohitaji kufanyiwa mazoezi: Data hii inajumuisha maneno 10 yaliyowatatiza sana wanafunzi. Data hii inaweza kukusaidia kuelewa na kuunda mitindo kuhusu aina ya maneno yanayolitatiza darasa lako.

Kidokezo: Orodha hii haijataja maneno yote yaliyowatatiza wanafunzi.

Ufahamu: Sehemu hii huonyesha maswali halisi, aina ya swali na idadi ya wanafunzi waliojibu au kutojibu katika jaribio la kwanza. Programu huwaruhusu wanafunzi kujaribu maswali tena iwapo hawakuyajibu kwa usahihi katika jaribio la kwanza, lakini haihesabu majibu hayo kuwa sahihi kwenye ripoti hii.

Masharti ya intaneti kwa lugha fulani

• Lugha nyingi katika programu ya Read Along huchakata data ya sauti moja kwa moja kwenye kifaa chako. Hata hivyo, baadhi ya lugha, kama vile Kiindonesia, Kimalasia na Kithai zinahitaji muunganisho wa intaneti unaofanya kazi ili zitumike.
• Kwa lugha hizi, data ya sauti hutumwa kwa muda kwenye seva za Google ili kutambua matamshi na kuchakata kipengele cha kusoma maandishi kwa sauti katika wakati halisi.
• Ili upate hali bora ya utumiaji unapotumia programu ya Read Along katika Kiindonesia, Kimalay au Kithai, ni lazima uwe na muunganisho thabiti wa intaneti.
• Ili upate maelezo kuhusu jinsi Google inavyoshughulikia data ya mtumiaji, nenda kwenye Ilani ya Faragha ya Google Workspace for Education.

Wanachoona wanafunzi wako

Wanafunzi wanapobofya zoezi, kiambatisho cha Read Along hufungua wenzo wa kusoma katika kichupo kipya. Ili uanze kusoma zoezi:

1. Bofya Anza Kusoma.
   • Kidokezo: Ikiwa usaidizi wa ELL umeonyeshwa kwenye kitabu katika lugha nyingine, mwanafunzi anaweza kuchagua miongoni mwa lugha zinazopatikana.

2. Wanapoanza, wanapaswa kusoma wenzo kwa sauti ili Diya isikie.
   • Kidokezo: Read Along inahitaji kufikia maikrofoni yako ili ifanye kazi inavyofaa. Pata maelezo kuhusu jinsi ya kutumia kamera na maikrofoni yako.

3. Tumia Diya ili ikusaidie kusoma simulizi. Ili utumie Diya:

   • Kusoma mstari katika simulizi: Bofya picha ya Diya.

   • Kusoma neno, ikueleze maana ya neno hilo kwa kina:Bofya neno hilo.

Kidokezo: Wanafunzi hutuzwa nyota wanapofanya vizuri.

4. Ili ufungue ukurasa katika simulizi:

   • Kusonga mbele: Bofya 'Soma ukurasa unaofuata wa simulizi'.

   • Kurudi nyuma: Bofya 'Soma ukurasa uliotangulia wa simulizi'.

Wakati wanafunzi wanaendelea kusoma simulizi, wataulizwa maswali ili kusaidia katika ufahamu wao wa kusoma. Ili wajibu swali, wanapaswa kuburuta jibu linalofaa kwenda kwenye sehemu ya kudondosha iliyo upande wa kushoto.​

Vidokezo:

• Ili waendelee kusoma simulizi, wanafunzi huombwa wajaribu tena hadi wajibu kwa usahihi.
• Kwa kila jibu sahihi katika jaribio la kwanza, wanafunzi watapata pointi za juu.
• Wakiondoka katikati mwa simulizi, wanaweza kurudi na kuendelea walikoachia.
• Wanafunzi wanapokamilisha usomaji wao, wanarudishwa katika huduma ya Google Darasani ili wawasilishe zoezi.

Kwa wasimamizi

Walimu na wanafunzi wanaweza kutumia akaunti yao ya Google Workspace for Education ili kufikia Read Along.

Muhimu: Read Along katika huduma ya Google Darasani sasa ni Huduma ya Workspace, ikiwa hujaiwasha katika kikoa chako, unaweza kwenda katika dashibodi ya msimamizi kuiwasha ili uweze kuifikia kwa kufuata hatua zilizobainishwa hapa chini.

Kuwasha Read Along

Muhimu: Read Along huwa IMEWASHWA kwa chaguomsingi kwa wateja wapya. Hata hivyo, ni sharti wateja waliopo WAWASHE huduma hiyo wenyewe kwenye dashibodi ya Wasimamizi wa Google ili wawaruhusu watumiaji wao waifikie.

1. Ili uwashe Read Along, hakikisha kuwa umeingia katika akauti ya msimamizi. Pata maelezo kuhusu jinsi ya kuingia katika dashibodi yako ya Msimamizi.
2. Katika dashibodi ya Msimamizi, nenda kwenye Menyu Programu Google Workspace.
3. Bofya Read Along.
4. Bofya Hali ya huduma.
5. Ili uwashe huduma kwa kila mtu aliye katika shirika lako, bofya Washa kwa kila mtu.
6. Bofya Hifadhi.

Pata maelezo zaidi kuhusu jinsi ya kuwasha au kuzima Google Read Along kwa watumiaji.