మీ Google స్టోరేజ్ పని చేసే విధానం

ప్రతి Google ఖాతాకు 15 GB స్టోరేజ్ కోటా ఉంటుంది. ఇది Gmail, Google Drive, Google Photosతో షేర్ చేసి ఉంటుంది. మీ స్టోరేజ్ కోటాకు యాడ్ చేయడం కోసం, మీరు Google One మెంబర్‌షిప్‌ని, మీకు అందుబాటులో ఉంటే కొనుగోలు చేయవచ్చు. అప్పుడప్పుడు, మీరు ప్రత్యేక ప్రమోషన్ లేదా సంబంధిత కొనుగోలు నుండి మరింత స్టోరేజ్‌ని పొందవచ్చు. మీ కోటా గురించి మరింత తెలుసుకోవడానికి, మీ స్టోరేజ్‌లో ఏయే ఐటెమ్‌లు లెక్కించబడతాయో చూడండి.

మీ Google ఖాతా స్టోరేజ్‌ని ప్రభావితం చేసేవి

మీ స్టోరేజ్ కోటాలో లెక్కించేవి

  • Google Photosకు బ్యాకప్ చేయబడిన ఒరిజినల్ క్వాలిటీ ఫోటోలు, వీడియోలు.
  • జూన్ 1, 2021 తర్వాత, Google Photosకు బ్యాకప్ చేయబడే హై క్వాలిటీ (ఇప్పుడు స్టోరేజ్ సేవర్ అనే పేరుతో ఉంది), అలాగే తక్కువ క్వాలిటీ ఫోటోలు, వీడియోలు. జూన్ 1, 2021కు ముందు మీరు హై క్వాలిటీ లేదా తక్కువ క్వాలిటీలో బ్యాకప్ చేసిన ఏవైనా ఫోటోలు, వీడియోలు మీ Google ఖాతా స్టోరేజ్‌లో భాగంగా లెక్కించబడవు. ఈ మార్పు గురించి మరింత తెలుసుకోండి.
  • మీ స్పామ్, ట్రాష్ ఫోల్డర్‌లతో సహా Gmail మెసేజ్‌లు, అటాచ్‌మెంట్‌లు.
  • Google Driveలోని PDFలు, ఇమేజ్‌లు, వీడియోలతో సహా అన్ని ఫైల్స్.
  • Google Docs, Sheets, Slides, Drawings, Forms, Recorder, Jamboard లాంటి, సహకారంతో కంటెంట్‌ను క్రియేట్ చేసే యాప్‌లలో క్రియేట్ చేసిన లేదా ఎడిట్ చేసిన ఫైల్స్. 
    • జూన్ 1, 2021 తర్వాత క్రియేట్ చేసిన లేదా ఎడిట్ చేసిన ఫైల్స్ మీ కోటాలో లెక్కించబడతాయి. 
    • జూన్ 1, 2021 కంటే ముందు అప్‌లోడ్ చేసిన లేదా చివరిగా ఎడిట్ చేసిన ఫైల్స్ మీ కోటాలో లెక్కించబడవు. 

మీరు కోటా దాటిపోయారు అంటే, మీకు అందుబాటులో ఉన్న దాని కంటే మరింత ఎక్కువ స్టోరేజ్ స్పేస్‌ని ఉపయోగిస్తున్నారని అర్థం. మీరు మీ స్టోరేజ్ కోటాను మించిపోతే:

  • మీరు Google Driveకు కొత్త ఫైల్స్‌ను లేదా ఇమేజ్‌లను అప్‌లోడ్ చేయలేరు.
  • మీరు Google Photosకు ఫోటోలను, వీడియోలను వేటినీ బ్యాకప్ చేయలేరు.
  • Gmailలో ఇమెయిల్‌ను పంపగల లేదా అందుకోగల మీ సామర్థ్యం ప్రభావితం కావచ్చు.
  • Google Docs, Sheets, Slides, Drawings, Forms, Jamboard లాంటి సహకార కంటెంట్ క్రియేషన్ యాప్‌లలో మీరు కొత్త ఫైల్స్‌ను క్రియేట్ చేయలేరు. మీ స్టోరేజ్ వినియోగాన్ని మీరు తగ్గించుకునే దాకా, ఇంకెవ్వరూ ప్రభావితమైన మీ ఫైల్స్‌ను ఎడిట్ లేదా కాపీ చేయలేరు.
  • కొత్త రికార్డర్ ఫైల్స్‌ను మీరు బ్యాకప్ చేయలేరు.
  • గమనిక: మీరు ఇప్పటికీ మీ Google ఖాతాకు సైన్ ఇన్ చేసి, యాక్సెస్ చేయవచ్చు.

మీరు 2 ఏళ్లు లేదా అంతకంటే ఎక్కువ కాలం మీ కోటాను మించిపోయి ఉంటే: కోటా పరిధిలోకి తిరిగి రావడానికి మీరు స్పేస్‌ను ఖాళీ చేయడం గానీ లేదా కొనడం గానీ చేయకపోతే, Gmail, Google Photos, Google Drive (Google Docs, Sheets, Slides, Drawings, Forms, Jamboard ఫైల్స్‌తో సహా) నుండి మీ కంటెంట్ మొత్తం తీసివేయబడవచ్చు. కానీ ఇలా జరగడానికి ముందే, మేము వీటిని చేస్తాము:

  • Google ప్రోడక్ట్‌లలోని ఇమెయిల్‌ను, నోటిఫికేషన్‌లను ఉపయోగించి మీకు నోటీస్ ఇస్తాము. కంటెంట్, తొలగింపునకు అర్హత పొందే తేదీకి కనీసం మూడు నెలల ముందు మేము మిమ్మల్ని సంప్రదిస్తాము. 
  • తొలగింపును నివారించడానికి మీకు అవకాశం ఇస్తాము (అదనపు స్టోరేజ్ కోసం పేమెంట్ చేయడం ద్వారా లేదా ఫైల్‌లను తీసివేయడం ద్వారా)
  • మా సర్వీస్‌ల నుండి మీ కంటెంట్‌ను డౌన్‌లోడ్ చేసుకోవడానికి మీకు అవకాశం ఇస్తాము. మీ Google డేటాను ఎలా డౌన్‌లోడ్ చేయాలి అనే దాని గురించి మరింత తెలుసుకోండి.

తిరిగి కోటా పరిధిలోకి ఎలా చేరుకోవాలి

https://one.google.com/storageలో స్టోరేజ్ స్పేస్‌ను ఖాళీ చేయడానికి వివిధ రకాల మార్గాలను గుర్తించడంలో మీకు సహాయపడే స్టోరేజ్ మేనేజ్‌మెంట్ టూల్స్‌కు మేము యాక్సెస్‌ను ఇస్తాము. మీ ఫైల్స్‌ను మీ వ్యక్తిగత పరికరంలోకి డౌన్‌లోడ్ చేసుకొని, ఆ తర్వాత వాటిని మీ cloud storage నుండి తొలగించడం అనేది మీ స్పేస్‌ను ఖాళీ చేయడానికి సంబంధించిన మరొక ఆప్షన్.

Gmail, Drive, Photosలకు మీకు మరింత స్టోరేజ్ స్పేస్ కావాలనుకుంటే, మీరు Google Oneతో మరింత పెద్ద స్టోరేజ్ ప్లాన్‌కు అప్‌గ్రేడ్ చేయవచ్చు.

తరచుగా అడిగే ప్రశ్నలు

G Suite/వర్క్‌స్పేస్ ఖాతాలకు, అలాగే కన్జ్యూమర్ ఖాతాలకు కూడా ఈ పాలసీలు వర్తిస్తాయా?
కోటాకు సంబంధించిన కొన్ని మార్పులు, కొన్ని Google Workspace, G Suite for Education, అలాగే G Suite for Nonprofits ప్లాన్‌లకు వర్తిస్తాయి. వాటిని ఈ మార్పులు ఎలా ప్రభావితం చేయవచ్చు అనే విషయాన్ని అర్థం చేసుకోవడానికి దయచేసి Google Workspace అప్‌డేట్‌లను చూడండి. 
ఇది ఇక్కడ లిస్ట్ చేయబడని Google Sites, Google Keep వంటి ఇతర క్రియేషన్ యాప్‌లకు కూడా వర్తిస్తుందా? Blogger, అలాగే YouTubeకు సంబంధించిన కంటెంట్ సంగతి ఏంటి?
లేదు, ఇది Google Sitesకు లేదా Google Keepకు వర్తించదు. ఇది Bloggerకు లేదా YouTube కంటెంట్‌కు కూడా వర్తించదు. 
నేను నా కోటాను మించిపోయాను. నా కంటెంట్ ఎప్పటిలోపు తొలగించబడుతుంది? 
ఒకవేళ మీ ఖాతా ఈ పాలసీ మార్పునకు లోబడి ఉన్నట్లయితే, మీ కంటెంట్ తొలగించబడటానికి ముందు, మేము మీకు ముందుగానే (కనీసం మూడు నెలల ముందు) నోటీస్‌ను అందజేయడానికి ప్రయత్నిస్తాము. 2 సంవత్సరాల పాటు మీ స్టోరేజ్ కోటాను మీరు మించిపోయి ఉన్నప్పుడు, మీ కంటెంట్, తొలగింపునకు అర్హత పొందుతుంది. మీ కంటెంట్ తొలగించబడకుండా చూసుకోవడానికి, మీరు ఉపయోగిస్తున్న స్టోరేజ్ మొత్తాన్ని తగ్గించుకోండి లేదా Google Oneతో మరింత స్టోరేజ్ ప్లాన్‌కు అప్‌గ్రేడ్ అవ్వండి.
నా డేటాను తొలగించే ముందు మీరు నాకు సమాచారం ఏమైనా ఇస్తారా? 
మీ ఖాతా ఈ పాలసీ మార్పునకు లోబడి ఉన్నట్లయితే, మీ కంటెంట్ తొలగించబడే ముందు, మేము మీకు నోటీస్‌ను చాలా ముందుగానే (కనీసం మూడు నెలల ముందు) అందజేస్తాము. మీ ఇమెయిల్ అడ్రస్ ద్వారా, అలాగే నోటిఫికేషన్‌ల ద్వారా మేము మిమ్మల్ని సంప్రదించే ప్రయత్నం చేస్తాము. మీ Google ఖాతా కోసం ఇమెయిల్ అడ్రస్‌లను మేనేజ్ చేయడం గురించి మరింత తెలుసుకోండి.
ప్రతి 2 ఏళ్ళకు ఒకసారి నేను యాక్టివ్‌గా ఉండగలనో లేదో నాకు తెలియదు. నేను ఏమి చేయాలి?

జీవితంలో జరిగే కొన్ని సంఘటనల వల్ల, మీరు మీ ఫోన్‌కు లేదా కంప్యూటర్‌కు చాలా ఎక్కువ కాలం పాటు దూరంగా ఉండాల్సి రావచ్చు అని మేము అర్థం చేసుకోగలము. అందుకనే, మేము మీ ఖాతాను ఇన్‌యాక్టివ్ ఖాతాగా పరిగణించే ముందు 2 సంవత్సరాల వ్యవధిని సెట్ చేశాము. 

మీరు ఇన్‌యాక్టివ్ అయిన పక్షంలో, మీ డేటాను మేనేజ్ చేసుకోవడానికి మరో మార్గం కోసం ఇన్‌యాక్టివ్ ఖాతా మేనేజర్‌ను ఉపయోగించడాన్ని పరిశీలించండి. ఖాతా గురించి మీకు రిమైండర్‌లను పంపించడంతో పాటు, మీరు ఇకపై మీ ఖాతాను ఉపయోగించలేకపోతే, దానికి ఏమి జరగాలో మీరు ఈ టూల్ ద్వారా మేనేజ్ చేయవచ్చు. మీరు మీ ఖాతాను ఉపయోగించడం ఆపివేస్తే, మీ డేటాను డౌన్‌లోడ్ చేయడానికి మీరు ఒక విశ్వసనీయ కాంటాక్ట్‌ను కూడా సెటప్ చేసుకోవచ్చు, తొలగింపునకు మీ ఖాతా అర్హత పొందడానికి ముందే మీరు ఇలా చేయవచ్చు. 

అదనంగా, మీరు ముందుగానే మీ డేటాను డౌన్‌లోడ్ చేసుకొని, ఏ సమయంలో అయినా దాన్ని బ్యాకప్ చేసుకోవచ్చు.

నాకు ప్రియమైన వారు చనిపోతే నేను వారి కంటెంట్‌ను ఎలా భద్రపరచాలి?

వారి ఆన్‌లైన్ ఖాతాలను ఎలా మేనేజ్ చేయాలి అనే విషయానికి సంబంధించి స్పష్టమైన సూచనలను ఇవ్వకుండా మరణించే వ్యక్తులు చాలా మంది ఉంటారని మేము గుర్తించాము. మరణించిన యూజర్ ఖాతాలోని కంటెంట్‌ను అందించడానికి, Google వారి రక్తసంబంధీకులతో లేదా ప్రతినిధులతో (కొన్ని సందర్భాలలో) కలిసి పని చేయగలదు. మరణించిన యూజర్‌కు చెందిన డేటాను రిక్వెస్ట్ చేయడానికి సంబంధించిన మా ప్రాసెస్ గురించి మరింత తెలుసుకోండి. 

మీరు మరణించినప్పుడు లేదా చాలా కాలం పాటు మీ ఖాతా ఇన్‌యాక్టివ్‌గా ఉన్నప్పుడు, మీ డేటాతో ఏ విధంగా వ్యవహరించాలో ముందుగానే మాకు తెలియజేయడానికి, ఇన్‌యాక్టివ్ ఖాతా మేనేజర్ గురించి మరింత తెలుసుకోండి.  

  • గమనిక: ఇన్‌యాక్టివ్ ఖాతా మేనేజర్ సెట్టింగ్‌లు, మా ఇన్‌యాక్టివ్, కోటాకు మించి వినియోగానికి సంబంధించిన పాలసీలను ఓవర్‌రైడ్ చేయవు.
ఇది సహాయకరంగా ఉందా?
మేము దీన్ని ఏ విధంగా మెరుగుపరచగలము?
సెర్చ్
శోధనను తీసివేయి
శోధనను మూసివేయి
Google యాప్‌లు
ప్రధాన మెనూ
సహాయ కేంద్రాన్ని వెతకండి
true
35
false