வரம்புகளை இன்னும் சிறப்பாக டிராக் செய்யவும் தெளிவான சூத்திரங்களை உருவாக்கவும் Google Sheetsஸில் அவற்றுக்குப் பெயரிடலாம்.
உதாரணத்திற்கு கலங்களின் வரம்பை விவரிக்க "A1:B2" எனப் பயன்படுத்துவதற்குப் பதிலாக அதற்கு "budget_total எனப் பெயரிடலாம்". இப்படிப் பெயரிடுவதால் "=SUM(A1:B2, D4:E6)" என்பது போன்ற சூத்திரத்தை "=SUM(budget_total, quarter2)" என எழுதலாம்.
வரம்பிற்குப் பெயரிடுதல்
- Google Sheetsஸில் விரிதாளைத் திறக்கவும்.
- பெயரிட விரும்பும் கலங்களைத் தேர்ந்தெடுக்கவும்.
- தரவு பெயரிட்ட வரம்புகள் என்பதைக் கிளிக் செய்யவும். வலதுபுறத்தில் மெனு தோன்றும்.
உதவிக்குறிப்பு: இந்த மெனுவை விரைவாகத் திறக்க, மேல் இடதுபுறத்தில் உள்ள வரம்புப் பெட்டியில் 'கீழ் தோன்றும் மெனு > பெயரிட்ட வரம்புகளை நிர்வகி' என்பதைக் கிளிக் செய்யவும்.
- நீங்கள் விரும்பும் வரம்புப் பெயரை உள்ளிடவும்.
- வரம்பை மாற்ற விரிதாள் என்பதைக் கிளிக் செய்யவும்.
- விரிதாளில் வரம்பைத் தேர்ந்தெடுக்கவும் அல்லது உரைப் பெட்டியில் புதிய வரம்பை உள்ளிடவும், பிறகு சரி என்பதைக் கிளிக் செய்யவும்.
- முடிந்தது என்பதைக் கிளிக் செய்யவும்.
வரம்புப் பெயர்கள்:
- எழுத்துகள், எண்கள், அடிக்கோடுகள் ஆகியவற்றை மட்டுமே கொண்டிருக்க வேண்டும்.
- எண்ணிலோ” "true"/"false” என்ற சொற்களிலோ தொடங்கக்கூடாது.
- இடைவெளிகளோ நிறுத்தற்குறிகளோ இருக்கக்கூடாது.
- 1-2500 எழுத்துகள் இருக்க வேண்டும்.
- A1/R1C1 தொடரியலில் இருக்கக்கூடாது. உதாரணம்: வரம்பிற்கு ”A1:B2"/"R1C1:R2C2." என்பது போன்ற பெயரிட்டால் பிழை நேரிடலாம்.
பெயரிட்ட வரம்பைத் திருத்துதல்/நீக்குதல்
- Google Sheetsஸில் விரிதாளைத் திறக்கவும்.
- தரவு பெயரிட்ட வரம்புகள் என்பதைக் கிளிக் செய்யவும்.
- திருத்த/நீக்க விரும்பும் பெயரிட்ட வரம்பில் திருத்து என்பதைக் கிளிக் செய்யவும்.
- வரம்பைத் திருத்த புதிய பெயரையோ வரம்பையோ உள்ளிட்டு முடிந்தது என்பதைக் கிளிக் செய்யவும்.
- பெயரிட்ட வரம்பை நீக்க பெயருக்கு அருகில் வரம்பை நீக்கு என்பதைக் கிளிக் செய்யவும்.
- அதன்பின் திறக்கும் மெனுவில் அகற்று என்பதைக் கிளிக் செய்யவும்.
கவனத்திற்கு:பெயரிட்ட வரம்பை நீக்கினால் அதைக் குறிக்கும் எந்தச் சூத்திரமும் வேலை செய்யாது. பெயரிட்ட வரம்பைக் குறிக்கும் பாதுகாக்கப்பட்ட வரம்புகள், கல மதிப்புகளைப் பயன்படுத்தித் தொடர்ந்து வேலை செய்யும்.