உங்கள் ஆவணம், விளக்கக்காட்சி, தாள்கள் ஆகியவற்றுக்கான அணுகலை இன்னும் எளிதாக்குதல்

மாற்றுத்திறனாளிகள் உள்ளிட்ட அனைவரும் எளிதில் படிக்கக்கூடிய வகையிலான ஆவணத்தையோ விளக்கக்காட்சியையோ உருவாக்க கீழே உள்ள உதவிக்குறிப்புகளைப் பின்பற்றவும்.

மாற்று வார்த்தைகளைச் சேர்த்தல்

படங்கள், வரைபடங்கள் மற்றும் பிற கிராஃபிக்ஸிற்கான மாற்று வார்த்தைகளின் உதவியுடன் ஸ்கிரீன் ரீடர் பயனர்கள் ஸ்கிரீனில் என்னென்ன இருக்கின்றன என்பதை ஆடியோ மூலம் தெரிந்துகொள்ளலாம். இல்லையென்றால், படம் குறித்த காட்சி விவரங்களைத் தவறவிட்டு “படம்” என்ற வார்த்தையை மட்டுமே பயனர்கள் கேட்பார்கள்.

காட்சி விவரங்களுக்கென வார்த்தைக் குறிப்புகள் ஏதும் இல்லையென்றால், எப்போதும் அதற்கான மாற்று வார்த்தைகளை வழங்கவும். சில படங்களில் மாற்று வார்த்தைகள் தானாகவே சேர்க்கப்பட்டிருக்கும். தானாகவே சேர்க்கப்பட்டிருக்கும் மாற்று வார்த்தைகளைச் சரிபார்த்துக்கொள்வது நல்லது.

மாற்று வார்த்தைகளைச் சேர்த்தல் அல்லது மாற்றுதல்

1. படம், வரைபடம் அல்லது கிராஃபிக்கைத் தேர்ந்தெடுக்கவும்.
2. பின்வரும் விருப்பங்களில் ஒன்றைப் பயன்படுத்தவும்:
   • Docsஸிற்கு: பட விருப்பங்கள் மாற்று வார்த்தைகள் என்பதைக் கிளிக் செய்யவும்.
     • Macகிற்கு: + Option + y அழுத்தவும்.
     • பிற பிளாட்ஃபார்ம்கள் அனைத்திற்கும்: Ctrl + Alt + y அழுத்தவும்.
   • Slidesஸிற்கு: வடிவமைப்பு விருப்பங்கள் மாற்று வார்த்தைகள் என்பதைக் கிளிக் செய்யவும்.
     • Macகிற்கு: + Option + y அழுத்தவும்.
     • பிற பிளாட்ஃபார்ம்கள் அனைத்திற்கும்: Ctrl + Alt + y அழுத்தவும்.
   • Sheetsஸிற்கு: மேல் வலது மூலையில், Sheetடில் படத்தைச் சேர்த்ததும், மூன்று புள்ளி மெனு ஐகானை கிளிக் செய்து  மாற்று வார்த்தைகள் என்பதைக் கிளிக் செய்யவும்.
3. விளக்கத்தை டைப் செய்யவும்.
4. தலைப்பைச் சேர்க்க, மேம்பட்ட விருப்பங்கள் என்பதைத் தேர்ந்தெடுக்கவும்.

தரவிற்காக அட்டவணைகளைப் பயன்படுத்துதல்

பக்கத்தின் காட்சித் தளவமைப்பை மாற்றுவதற்காக அல்லாமல், தரவை வழங்குவதற்காக அட்டவணைகளைப் பயன்படுத்தவும். அட்டவணையில், முதல் வரிசையில் உள்ள தரவுடன் தொடங்குவதற்குப் பதிலாகத் தலைப்பு வரிசையைச் சேர்க்கவும்.

கருத்துகளையும் பரிந்துரைகளையும் பயன்படுத்துதல்

ஆவணத்தின் அல்லது விளக்கக்காட்சியின் வார்த்தைகள் உள்ள இடத்திலேயே குறிப்புகளை எழுதுவதற்குப் பதிலாகக் கருத்து தெரிவித்தல் மற்றும் பரிந்துரைத்தல் அம்சங்களைப் பயன்படுத்தவும். ஸ்கிரீன் ரீடர் பயனர்கள் உங்கள் ஃபைலில் சிரமப்பட்டுத் தேடுவதற்குப் பதிலாக, கீபோர்டு ஷார்ட்கட்களைப் பயன்படுத்தி கருத்துகளுக்குச் செல்லலாம். ஃபைலின் உரிமையாளரும் மின்னஞ்சல் அறிவிப்புகளைப் பெறவோ கருத்துத் தொடர்களை மதிப்பாய்வு செய்யவோ முடியும்.

வண்ண மாறுபாடு அதிகமாக உள்ளதா என்பதைப் பார்த்தல்

வண்ண மாறுபாடு அதிகமாக இருந்தால் வார்த்தைகளையும் படங்களையும் எளிதாகப் படித்துப் புரிந்துகொள்ளலாம். பெரிய அளவிலான எழுத்துகளுக்கு 4.5:1 என்ற விகிதத்தையும், மற்ற எழுத்துகளுக்கும் படங்களுக்கும் 7:1 என்ற விகிதத்தையும் குறைந்தபட்சமாகப் பயன்படுத்துமாறு இணைய உள்ளடக்க அணுகல்தன்மைக்கான வழிகாட்டுதல்கள் (WCAG) 2.0 பரிந்துரைக்கிறது. உதாரணமாக வெள்ளை நிறப் பின்னணியில் வெளிர் சாம்பல் நிற வார்த்தைகளைப் பயன்படுத்துவதைத் தவிர்க்கவும்.

வண்ண மாறுபாட்டைச் சரிபார்க்க, இவற்றில் ஏதேனும் ஒரு கருவியைப் பயன்படுத்தவும்:

• WebAIM வண்ண மாறுபாட்டுச் சரிபார்ப்பான்: Pantone, எழுத்து வடிவத் தரவு ஆகியவற்றை வழங்கி WCAG 2.1 இணக்கத்தின் அடிப்படையில் தேர்ச்சி/தோல்வி மதிப்பீட்டைப் பெற இந்த இணையதளம் உதவுகிறது.
• அணுகல்தன்மை அடங்கிய இணைய வண்ண மாறுபாட்டுச் சரிபார்ப்பான்: வண்ண மதிப்புகளை வழங்கி வண்ண மாறுபாட்டைச் சரிபார்க்க இந்த இணையதளம் உதவுகிறது.

தகவல்கள் அடங்கிய இணைப்பு வார்த்தைகளைப் பயன்படுத்துதல்

ஸ்கிரீன் ரீடர்களால் இணைப்புகளை ஸ்கேன் செய்ய முடியும் என்பதால் தகவல்கள் அடங்கிய இணைப்பு வார்த்தைகள் உதவிகரமாக இருக்கும். பக்கத்தின் தலைப்பை இணைப்பு வார்த்தைகளாகப் பயன்படுத்துவது சிறந்தது. உதாரணமாக, உங்கள் சுயவிவரப் பக்கத்துடன் இணைத்தால் அந்த இணைப்பு வார்த்தைகள் "எனது சுயவிவரம்" என்றுதான் இருக்க வேண்டுமே தவிர "இங்கே கிளிக் செய்க" என்று இருக்கக்கூடாது.

வார்த்தைகளின் அளவையும் சீரமைப்பையும் சரிபார்த்தல்

ஆவணமோ விளக்கக்காட்சியோ எளிதாகப் படிக்கும் வகையில் இருக்க, கூடுமானவரை இடதுபுறமாகச் சீரமைக்கப்பட்ட, பெரிய எழுத்து அளவுள்ள வார்த்தைகளைப் பயன்படுத்தவும். ஓரச்சீரமைக்கப்பட்ட வாக்கியங்களில் உள்ள வார்த்தைகளுக்கு இடையே கூடுதல் இடைவெளி இருப்பதால் அவற்றைப் படிப்பது மிகவும் கடினமாக இருக்கும். சீரமைப்பை மாற்ற Ctrl + Shift + L (Windows அல்லது Chrome OS) அல்லது ⌘ + Shift + L (Mac) அழுத்தவும்.

வடிவமைப்பிற்கு உதவ வார்த்தைகளைப் பயன்படுத்துதல்

அர்த்தத்தைத் தெரியப்படுத்த தனிப்பட்ட முறையில் காட்சி வடிவமைப்பைச் சாராமல் இருப்பது சிறந்தது. போல்ட்ஃபேஸ், ஹைலைட்டிங் போன்ற வடிவமைப்பு மாற்றங்களை ஸ்கிரீன் ரீடர்கள் தெரிவிக்காமல் போகக்கூடும்.

உதாரணமாக, வார்த்தைகளின் முக்கியமான பிரிவைக் குறிக்க "முக்கியமானவை" என்ற சொல்லைச் சேர்க்கவும்.

எண்ணிடப்பட்ட மற்றும் பொட்டுகுறியிடப்பட்ட பட்டியல்களைப் பயன்படுத்துதல்

Google Docs, Google Slides ஆகியவை அணுகல்தன்மைக்கான சில பட்டியல்களைத் தானாகவே கண்டறிந்து வடிவமைக்கும். உதாரணமாக, ஆவணத்தில் 1 என டைப் செய்தபிறகு புள்ளியை டைப் செய்து புதிய வரியைத் தொடங்கினால் எண்ணிடப்பட்ட பட்டியலில் அந்த வரி தானாகவே முதலாவதாகக் காட்டப்படும். பொட்டுக்குறியிடப்பட்ட மற்றும் எண்ணிடப்பட்ட பட்டியல்களை வடிவமைப்பது எவ்வாறு என்பதை அறிக.

ஆவணத்தை ஒருங்கமைக்க தலைப்பைப் பயன்படுத்துதல்

தலைப்புகளை வழங்குவதன் மூலம் உங்கள் ஆவணத்தைப் பிரிவுகளாகப் பிரிக்கலாம். இதனால் பயனர்கள் (குறிப்பாக, கீபோர்டு ஷார்ட்கட்களைப் பயன்படுத்தினால்) ஒவ்வொரு பிரிவிற்கும் எளிதாகச் செல்ல முடியும். இயல்பான தலைப்பு நடைகளையோ சொந்தமாக உருவாக்கிய ஒன்றையோ பயன்படுத்தலாம். தலைப்புகளைச் சேர்த்துப் பிரத்தியேகமாக்குவது எப்படி என்று தெரிந்துகொள்ளுங்கள்.

வழிகாட்டும் இட அடையாளங்களை ஆவணத்தில் சேர்த்தல்

வாசகர்கள் ஆவணத்தில் தாங்கள் எங்குள்ளனர் என்பதைக் கண்டறிய ஆவணத்தில் உள்ள மேற்குறிப்புகள், அடிக்குறிப்புகள், பக்க எண்கள், பக்க எண்ணிக்கைகள் போன்ற லேண்ட்மார்க்குகள் உதவுகின்றன. அணுகல்தன்மையை மேம்படுத்த, குறிப்பாக நீண்ட ஆவணங்களில் உள்ளவற்றை எளிதாக அணுக 'செருகு' என்ற மெனுவில் உள்ள இந்த லேண்ட்மார்க்குகளில் ஒன்று அல்லது அதற்கு மேற்பட்டவற்றைச் சேர்க்கவும்.

வசனங்களுடன் ஸ்லைடுகளின் ஸ்கிரீனைப் பகிர்தல்

Google Slides பயன்படுத்தி ஸ்கிரீனைப் பகிர்ந்தால் தானியங்கி வசனங்களை இயக்கலாம். இதனால், பேசுபவர் என்ன கூறுகிறார் என்பது நிகழ்நேரத்தில் திரையின் கீழ்ப்பகுதியில் காட்டப்படும். தலைப்புகளுடன் ஸ்லைடுகளை வழங்குவது எவ்வாறு என்பதை அறிக.

உங்கள் விளக்கக்காட்சியின் HTML பக்கத்திற்கான இணைப்பைப் பகிர்தல்

Google Slides HTML காட்சி உங்கள் விளக்கக்காட்சியில் உள்ள ஸ்லைடுகளை ஒவ்வொன்றாகக் காட்டுவதற்குப் பதிலாக விளக்கக்காட்சியை ஒரே HTML பக்கத்தில் காட்டும். அதில் ஸ்க்ரோல் செய்து வெவ்வேறு அடுத்தடுத்த ஸ்லைடுகளைப் பார்க்கலாம். சில ஸ்கிரீன் ரீடர் பயனர்களுக்கு HTML பக்கங்களுக்குச் செல்வது எளிதாக இருக்கும்.

உங்கள் விளக்கக்காட்சியின் HTML பக்கத்திற்கான இணைப்பைப் பகிர:

1. Ctrl + Alt + Shift + p (Windows அல்லது Chrome OS) அல்லது ⌘ + Option + Shift + p (Mac) கீபோர்டு ஷார்ட்கட்டைப் பயன்படுத்தவும்.
2. உங்கள் உலாவியில் இருந்து URLலை நகலெடுத்து ஒட்டவும்.

இணையத்தில் வெளியிடுதல்

ஆவணம், விரிதாள், விளக்கக்காட்சி ஆகியவை இணையத்தில் வெளியிடப்பட்டால் வெளியிடப்பட்ட அந்த உள்ளடக்கத்தை ஒரே HTML பக்கத்தில் பார்க்கலாம். அதில் ஸ்க்ரோல் செய்து அடுத்தடுத்து பார்க்கலாம். ஸ்கிரீன் ரீடர் பயனர்கள் பெரும்பாலும் HTML பதிப்புகளைப் படிப்பது எளிதாக இருப்பதாகக் கருதுகின்றனர்.

ஒரு ஃபைலை வெளியிடும்போது உங்கள் கணக்கின் அமைப்புகளைப் பொறுத்து, ஃபைலைப் பார்க்க இவர்களை அனுமதிக்கலாம்:

• இணையத்தில் உள்ள அனைவரும்
• உங்கள் நிறுவனத்தில் உள்ள அனைவரும்
• உங்கள் நிறுவனத்தில் உள்ள ஒரு குழு

இணையத்தில் வெளியிடுவது எப்படி என அறிக.