Google Driveவிலிருந்து கோப்புகளைப் பகிர்தல்

Google Driveவில் நீங்கள் சேகரித்த கோப்புகளையும் கோப்புறைகளையும் எவருடனும் பகிரலாம்.

Google Driveவிலிருந்து கோப்பைப் பகிரும்போது பிறர் அதைத் திருத்த முடியுமா, கருத்துத் தெரிவிக்க முடியுமா அல்லது பார்க்க மட்டுமே முடியுமா என்பதை நீங்கள் கட்டுப்படுத்தலாம். Google Driveவிலிருந்து உள்ளடக்கத்தைப் பகிரும்போது Google Drive திட்டக் கொள்கைகள் பொருந்தும்.

படி 1: நீங்கள் பகிர விரும்பும் கோப்பைக் கண்டறியவும்

ஒற்றைக் கோப்பைப் பகிர்தல்

  1. கம்ப்யூட்டரில் Google Drive, Docs, Sheets அல்லது Slidesஸிற்குச் செல்லவும்.
  2. நீங்கள் பகிர விரும்பும் கோப்பை கிளிக் செய்யவும்.
  3. பகிர் அல்லது பகிர் பகிர் என்பதை கிளிக் செய்யவும்.
ஒன்றுக்கு மேற்பட்ட கோப்புகளைப் பகிர்தல்
  1. கம்ப்யூட்டரில் drive.google.comமிற்குச் செல்லவும்.
  2. விசைப்பலகையில் Shift விசையை அழுத்திப் பிடித்து இரண்டு அல்லது அதற்கு மேற்பட்ட கோப்புகளைத் தேர்ந்தெடுக்கவும்.
  3. மேல் வலதுபுறத்தில் பகிர் பகிர் என்பதை கிளிக் செய்யவும்.

கோப்புறையில் கோப்புகளைச் சேர்ப்பது பற்றியும் முழுக் கோப்புறையையும் பகிர்வது பற்றியும் அறிக.

படி 2: யாருக்குப் பகிர வேண்டும் & உங்கள் கோப்புகளை அவர்கள் எப்படிப் பயன்படுத்த வேண்டும் என்பதைத் தேர்வுசெய்யவும்

குறிப்பிட்டவர்களுடன் பகிர்தல்

  1. "பிறர்" என்பதற்குக் கீழ் யாருடன் பகிர விரும்புகிறீர்களோ அவர்களின் மின்னஞ்சல் முகவரியை உள்ளிடவும். 
    • கவனத்திற்கு: Google கணக்காக இல்லாத மின்னஞ்சல் முகவரியுடன் பகிர்ந்தால் அவர்களால் கோப்பைப் பார்க்க மட்டுமே முடியும்.
  2. மற்றவர் உங்கள் கோப்பில் என்ன செய்யலாம் என்பதைத் தேர்வுசெய்ய கீழ்நோக்கிய அம்புக்குறியை கீழே கிளிக் செய்யவும்.
  3. பகிரப்போகும் நபர்களுக்கு மின்னஞ்சலை அனுப்ப விரும்பவில்லையெனில் மேம்பட்டவை என்பதை கிளிக் செய்து அவர்களுக்குத் தெரிவி என்ற பெட்டியைத் தேர்வுநீக்கவும் . அதைத் தேர்வு செய்தால் நீங்கள் உள்ளிடும் ஒவ்வொரு மின்னஞ்சல் முகவரியும் மின்னஞ்சலில் சேர்க்கப்படும்.
  4. அனுப்பு என்பதை கிளிக் செய்யவும்.
கோப்பிற்கான இணைப்பைப் பகிர்தல்

உங்கள் கோப்பிற்கான இணைப்பைப் பிறருக்கு அனுப்புவதன் மூலம் இணையத்தில் உள்ள எவரும் இந்த இணைப்பின் மூலம் அதைப் பயன்படுத்த முடியும். கோப்பிற்கான இணைப்பைப் பகிரும்போது கோப்பின் உரிமையாளர் என உங்கள் பெயர் காட்டப்படும்.

  1. மேல் வலதுபுறத்தில் பகிரக்கூடிய இணைப்பைப் பெறுக என்பதை கிளிக் செய்யவும்.
  2. "இணைப்பை உடைய அனைவரும்" என்பதற்கு அடுத்துள்ள கீழ்நோக்கிய அம்புக்குறியை கீழே கிளிக் செய்யவும்.
  3. மின்னஞ்சல் அல்லது நீங்கள் பகிர விரும்பும் ஏதேனும் இடத்தில் இணைப்பை நகலெடுத்து ஒட்டவும்.
கோப்பைப் பொதுவில் பகிர்தல்

இணையத்தில் உள்ள எவரும் உங்கள் கோப்புகளைத் தேடி, கண்டறிந்து, திறக்க வேண்டுமென விரும்பினால் கோப்பைப் பொதுவில் பகிரலாம். கோப்பைப் பொதுவில் பகிரும்போது கோப்பின் உரிமையாளர் என உங்கள் பெயர் காட்டப்படும்.

  1. பகிரக்கூடிய இணைப்பைப் பெறுக என்பதை கிளிக் செய்யவும்.
  2. "இணைப்பை உடைய அனைவரும்" என்பதற்கு அடுத்துள்ள கீழ்நோக்கிய அம்புக்குறியை கீழே கிளிக் செய்யவும்.
  3. மேலும்அதன் பிறகு இணையத்தில் பொதுவில் அமை என்பதை கிளிக் செய்யவும்.
  4. சேமி என்பதைக் கிளிக் செய்யவும்.
  5. முடிந்தது என்பதை கிளிக் செய்யவும்.

உங்கள் கோப்பில் Google கணக்கில் உள்நுழையாதவர்களுக்கு ஏதேனும் விலங்குகளின் படங்கள் அவதார்களாகக் காட்டப்படும். பெயரில்லாதவர்களுக்கான விலங்குகளின் அவதார்கள் பற்றி மேலும் அறிக.

ஒரு கோப்பினை 100க்கும் அதிகமானோருடன் பகிர்தல் & அதில் கூட்டுப்பணி செய்தல்

Google Docs, Sheets அல்லது Slides கோப்பினை அதிகபட்சமாக 100 பேர் (பார்க்க, திருத்த அல்லது கருத்து தெரிவிக்க அனுமதி உள்ளவர்கள்) ஒரே நேரத்தில் பயன்படுத்தலாம். ஒரு கோப்பினை 100 பேருக்கு மேல் பயன்படுத்துகிறபோது, உரிமையாளரும் அதைத் திருத்துவதற்கு அனுமதியுள்ள சிலரும் மட்டுமே கோப்பினைத் திருத்த முடியும்.

100க்கும் அதிகமானோருடன் கோப்பினைப் பகிர்வதற்கும் அதில் கூட்டுப்பணி செய்வதற்கும்: 

கோப்பினை வெளியிடுதல்

Google தளத்தை உருவாக்குதல் 

Google Forms மூலம் கருத்துகளைப் பெறுதல்

  • நிறைய தகவல்களைச் சேகரிக்க வேண்டியிருந்தால் ஒரு Google படிவத்தை உருவாக்கவும். பயனர்களின் பதில்கள் Google விரிதாளில் பதிவுசெய்யப்படும். பயனர்களின் பதில்களை வைத்துப் பணியாற்ற வேண்டியிருப்பவர்களுக்கு மட்டும் திருத்துவதற்கான அணுகலை வழங்கவும். பயனர்களின் பதில்களை 100க்கும் அதிகமானோர் பார்க்க வேண்டுமென்றால் விரிதாளை இணையத்தில் வெளியிட்டு, அதைப் பார்வையாளர்களுடன் பகிர்வதற்கான இணைப்பை உருவாக்கவும். கோப்பினை எப்படி வெளியிடுவது என அறிக

பலருடன் பகிரப்பட்ட ஆவணங்களில் உள்ள சிக்கல்களைச் சரிசெய்தல்

உங்கள் ஆவணம் பலருடன் பகிரப்பட்டு, சிதைவடைகிறது என்றாலோ விரைவாகப் புதுப்பிக்கப்படாமல் இருந்தாலோ பிழையறிந்து திருத்துவதற்கான இந்த உதவிக்குறிப்புகளைப் பின்பற்றிப் பாருங்கள்: 

  • ஆவணத்திலோ விரிதாளிலோ பயனர்களைக் கருத்து தெரிவிக்க அனுமதிப்பதற்குப் பதிலாக, கருத்துகளைப் பெறும் வகையில் ஒரு Google படிவத்தை உருவாக்கவும். Google படிவத்தை எப்படி உருவாக்குவது என அறிக.
  • ஆவணத்தை நகலெடுக்கிறீர்கள் என்றால் தீர்க்கப்பட்ட கருத்துகளையும் பரிந்துரைகளையும் அதில் சேர்க்காதீர்கள். நகலெடுப்பது எப்படி என அறிக
  • பழைய தகவல்களை நீக்கவும் அல்லது தரவைப் புதிய ஆவணத்திற்கு நகர்த்தவும். 
  • பயன்படுத்தாதபோது ஆவணத்தை மூடச் சொல்லி பார்வையாளர்களுக்கு அறிவுறுத்தவும். 
  • வெளியிட்ட ஆவணத்தில் மிக முக்கியமான தகவல்களை மட்டுமே சேர்க்கவும். சிறிய ஆவணங்கள் வேகமாக ஏற்றப்படும்.
  • ஆவணத்தைத் திருத்துவதற்கான அணுகல் உள்ள பயனர்களின் எண்ணிக்கையைக் குறைக்கவும். 
  • பல ஆவணங்களில் இருந்து தகவல்களைச் சேகரிக்கிறீர்கள் என்றால் அதிகமான பயனர்களுடன் பகிரும் வகையில் பார்க்க மட்டும் அனுமதியுள்ள புதிய ஆவணத்தை உருவாக்கவும். 

கோப்பு பகிரப்படும் விதத்தைக் கட்டுப்படுத்துதல்

பிறர் பார்க்க முடியுமா, கருத்துத் தெரிவிக்க முடியுமா அல்லது திருத்த முடியுமா என்பதைத் தேர்வுசெய்யலாம்

ஒரு கோப்பை ஒருவருக்குப் பகிரும்போது அதில் அவர் என்ன செய்யலாம் என்பதை நீங்கள் தேர்வுசெய்ய முடியும்.

  • பார்த்தல்: கோப்பை பிறர் பார்க்கலாம். ஆனால் மாற்றம் செய்யவோ பிறருடன் பகிரவோ முடியாது.
  • கருத்து தெரிவித்தல்: கருத்துகளையும் பரிந்துரைகளையும் தெரிவிக்கலாம். ஆனால் கோப்பில் மாற்றம் செய்யவோ பிறருடன் பகிரவோ முடியாது.
  • திருத்துதல்: மாற்றங்களை மேற்கொள்ளலாம், பரிந்துரைகளை ஏற்கவோ மறுக்கவோ செய்யலாம், பிறருடன் கோப்பைப் பகிரலாம்.
உங்கள் இணைப்பு யாருடன் பகிரப்படுகிறது என்பதை மாற்றலாம்

ஒரு கோப்பிற்கான இணைப்பைப் பகிரும்போது அது எந்த அளவிற்குப் பகிரப்படலாம் என்பதைக் கட்டுப்படுத்தலாம். இந்த விருப்பங்கள் உங்கள் Google கணக்கு பணிக் கணக்கா, பள்ளிக் கணக்கா அல்லது Gmail மூலமான கணக்கா என்பதைப் பொறுத்தவை.

  • இணையத்தில் பொதுவில் என அமைக்கப்பட்டிருந்தால்: Google கணக்கில் உள்நுழையாமலே எவரும் Googleளில் தேடி உங்கள் கோப்பிற்கான அணுகலைப் பெறலாம்.
  • இணைப்பை உடைய அனைவரும் என அமைக்கப்பட்டிருந்தால்: இணைப்பை உடைய எவரும் Google கணக்கில் உள்நுழையாமலே உங்கள் கோப்பை அணுகலாம். 
  • குறிப்பிட்ட பயனர்கள் மட்டும் என அமைக்கப்பட்டிருந்தால்: நீங்கள் யாருடன் கோப்பினைப் பகிர்கிறீர்களோ அவர்களால் மட்டுமே அதைப் பயன்படுத்த முடியும்.

தொடர்புடைய கட்டுரைகள்

இது பயனுள்ளதாக இருந்ததா?
இதை எவ்வாறு மேம்படுத்தலாம்?