உங்கள் ஃபைல் Googleளின் சேவை விதிமுறைகள் அல்லது திட்டக் கொள்கைகளை மீறவில்லை எனக் கருதினால் அதை மதிப்பாய்வு செய்யக் கோரலாம். விதிமீறல் இருப்பதாகக் கொடியிடப்பட்டுள்ள ஃபைல் உங்களுக்குச் சொந்தமானது என்றால், ஃபைலின் பெயருக்கு அருகில் ஒரு கொடி தோன்றும். அந்த ஃபைலை உங்களால் பகிர முடியாது. உங்கள் ஃபைலைப் பொதுவில் யாராலும் அணுக முடியாது. ஃபைலின் இணைப்பு இருந்தாலும் அதை அணுக முடியாது. பொதுவாக ஃபைல் மதிப்பாய்வுக்கு 5 நாட்கள் வரை ஆகும். சரியாக எவ்வளவு நேரம் எடுக்கும் என்பது மதிப்பாய்வுக் கோரிக்கையின் தன்மையைப் பொருத்தே அமையும்.
மதிப்பாய்வைக் கோருதல்
விதிமீறலுக்காகக் கொடியிடப்பட்ட ஃபைலை நீங்கள் பகிர முயலும்போது அந்த ஃபைலை மதிப்பாய்வு செய்யக் கோரிக்கை விடுப்பதற்கான விருப்பத்தைக் காண்பீர்கள். ஃபைலை மதிப்பாய்வு செய்யக் கோரிக்கை விடுக்க:
- ஃபைலைத் திறக்கவும்.
- பகிர் என்பதைக் கிளிக் செய்யவும்.
- மதிப்பாய்வைக் கோருக என்பதைக் கிளிக் செய்யவும்.
உதவிக்குறிப்பு:
- மதிப்பாய்வைக் கேட்க, நீங்கள் ஃபைலின் உரிமையாளராக இருப்பதுடன் உரிமையாளர் கணக்கில் உள்நுழைந்திருக்கவும் வேண்டும்.
- நீங்கள் மொபைலைப் பயன்படுத்துவதுடன் பல கணக்குகளில் உள்நுழைந்திருந்தால், உங்கள் உலாவியில் மதிப்பாய்வைக் கேட்பதற்குப் பயன்படுத்தும் கணக்கும் ஆப்ஸில் உள்நுழைந்திருக்கும் கணக்கும் ஒரே கணக்குதான் என்பதை உறுதிசெய்துகொள்ளுங்கள்.
முடக்கப்பட்ட கணக்குகள்
கணக்கு உங்களுடையது என்றால், அதை மீண்டும் அணுக கோரிக்கை விடுக்கலாம்.
- Chrome போன்ற உலாவியில் உங்கள் Google கணக்கில் உள்நுழையவும்.
- மறுபரிசீலனை கோருக என்பதைத் தேர்ந்தெடுக்கவும்.
- வழிமுறைகளைப் பின்பற்றவும்.
மீறலைப் புகாரளித்தல்
ஃபைலைக் கொடியிட விரும்பினால் மீறலைப் புகாரளிப்பது எப்படி என அறிக.