Site na naka-enable para sa Chromecast kumpara sa pag-cast ng tab

Naka-enable para sa Chromecast ang ilang website para makapaghatid ng pinakamagandang karanasan sa entertainment na posible. Sa kasalukuyan, ang YouTube, Netflix, Google Play Movies, Google Play Music at higit pa ay naka-enable para sa Chromecast at patuloy pa naming dinaragdagan ang mga ito!

Paano mo malalaman kung naka-enable para sa Chromecast ang isang website?

Makikita mo ang Cast button  sa video o audio player ng website. Para sa mga site na hindi naka-enable para sa Chromecast, puwede mong i-cast ang tab para makita ang content.

Mga pakinabang ng paggamit ng site na naka-enable para sa Chromecast

Sa mga site na naka-enable para sa Chromecast, maraming benepisyo sa paggamit ng mga kontrol na ibinigay ng site kumpara sa pag-cast lang ng tab para sa site na iyon. 

• Mas mataas na kalidad: Nakakapaghatid ang mga site na naka-enable para sa Chromecast ng content na may mataas na kalidad na pinakamainam para sa panonood sa TV. Kadalasan, ang ibig sabihin nito, makakapanood ka ng buong 1080p high definition na palabas, at posible ka ring makakuha ng 5.1 surround sound para sa ilang content (kung sinusuportahan ng iyong TV o receiver). Sa tuwing magka-cast ka ng tab, malilimitahan ka sa maximum na 720p (kung sinusuportahan ng iyong computer).
• Tagal ng baterya at load ng computer: Direktang nagpe-play ang mga site na naka-enable para sa Chromecast sa mga Chromecast device at hindi ito nagdaragdag ng load sa iyong computer. Sa pag-cast ng tab, kakailanganin ng maraming power ng computer mo, na dahilan kung bakit hindi ito sinusuportahan sa lahat ng computer.
• Nagpe-play nang hiwalay: Kapag nagpe-play ka mula sa isang site na naka-enable para sa Chromecast, puwede mong i-shut down ang iyong computer o isara ang lid. Sa pag-project ng tab, kakailanganin mong panatilihing naka-on ang iyong computer habang nagka-cast.

Karaniwan, susubukan ng mga site na naka-enable para sa Chromecast na awtomatikong lumipat mula sa pag-cast ng tab patungo sa isang naka-optimize na mode ng pagpapatakbo kung nagka-cast ka na ng tab kapag binisita mo ang site.

Lubos pa ring kapaki-pakinabang ang pag-cast ng tab para sa mga site na hindi naka-enable para sa Chromecast. Gayunpaman, kapag nakakita ka ng Cast button sa video player ng isang site, iyon muna ang dapat mong piliin.