Pamahalaan ang mga extension na nagbabago ng iyong mga setting

Naaangkop lang ang artikulong ito sa Chrome para sa Windows at Mac.

Kung papahintulutan mo, makakagawa ng mga pagbabago sa iyong mga setting ng Chrome ang mga extension na ii-install mo mula sa Chrome Web Store. Mapapaganda ng karamihan ng mga pagbabago ang iyong karanasan sa pag-browse at mapapadali ng mga ito ang paggamit sa extension. Puwedeng maapektuhan ng mga pagbabago ang mga setting gaya ng iyong homepage, page ng bagong tab, search engine, o panimulang page.

Tip: Bago ka mag-install ng extension, tingnan kung aling mga setting ng Chrome ang mababago ng extension. Kung babaguhin ng extension ang page ng bagong tab at default na search engine mo, hihilingin sa iyo na kumpirmahing sinadya mong baguhin ang iyong search engine.

Ibalik sa normal ang iyong mga setting

Kung ayaw mong mabago ang iyong mga setting, i-uninstall o i-disable ang extension. Hindi mo magagamit ang extension nang hindi ito pinapahintulutang baguhin ang iyong mga setting.

Kapag inalis mo ang extension, babalik ang iyong mga setting sa pagkakatakda ng mga ito bago mo i-install ang extension.

1. Sa iyong computer, buksan ang Chrome.
2. Sa kanang bahagi sa itaas, piliin ang Higit pa Mga Extension Pamahalaan ang mga extension.
3. Sa extension na gusto mong alisin, piliin ang Alisin.
4. Para kumpirmahin, piliin ang Alisin.

Hanapin ang mga setting na binago ng isang extension

1. Sa iyong computer, buksan ang Chrome.
2. Sa kanang bahagi sa itaas, piliin ang Higit pa   Mga Setting.
3. Maghanap ng parihabang kahong nagsasabing "Kinokontrol ng isang extension, ang [pangalan ng extension], ang setting na ito."