Ayusin ang mga problema sa mga app, extension, o tema

Kung nagkakaproblema ka sa iyong mga app, extension, at tema, subukan ang mga hakbang na ito.

Kung hindi ka makapag-install ng extension o tema

• Bersyon ng Chrome: Tiyaking ginagamit mo ang pinakabagong bersyon ng Chrome.Alamin kung paano i-update ang Chrome.
• Compatibility ng device: Puwede ka lang gumamit ng mga extension at tema sa mga computer. Hindi ka puwedeng mag-install ng mga extension at tema kapag gumagamit ka ng mobile device, kahit na itakda mo ito sa desktop mode.
• Mga pinapamahalaang device at user ng Enterprise: Kung gumagamit ka ng pinapamahalaang device, posibleng kailanganing i-update ng iyong administrator ang Chrome. Makipag-ugnayan sa iyong IT administrator para sa tulong.
• Mga browser na batay sa Chromium: I-update ang iyong browser sa pinakabagong bersyon para sa compatibility.
• Incognito o Guest mode: Hindi ka puwedeng mag-install ng mga extension at tema sa Incognito o Guest mode.

Kung hindi ka makapag-install ng app

• Hindi ka na makapag-download ng app sa Mac, Windows, o Linux.
• Tiyaking ginagamit mo ang pinakabagong bersyon ng Chrome. Alamin kung paano i-update ang Chrome.
• Kung gumagamit ka ng computer sa trabaho o paaralan, posibleng hindi ka payagan ng iyong administrator na mag-install ng mga item mula sa Chrome Web Store. Para sa higit pang tulong, makipag-ugnayan sa iyong administrator.

Kung hindi mo makita ang lahat ng iyong app, extension, at tema sa Chrome

Kakailanganin mong mag-sign in sa iisang account sa Chrome at sa Chrome Web Store. Narito kung paano:

1. Sa Chrome, sa kanang bahagi sa itaas, i-click ang Menu   Mga Setting.
2. Sa ilalim ng "Mga Tao," makikita mo ang email address na ginamit para mag-sign in sa Chrome.
3. Pumunta sa Chrome Web Store.
4. Sa kanang bahagi sa itaas, i-click ang iyong email address.
5. I-click ang Mag-sign in sa isa pang account.
6. Mag-sign in sa parehong Google Account na ginagamit mo sa Chrome.

Kung kailangan mo ng tulong sa isang bagay na binili mo gamit ang Google Payments

1. Pumunta sa Google Payments.
2. I-click ang Mga subscription at serbisyo  Tingnan ang mga binili.
3. I-click ang binili.
4. Sa kanang bahagi sa ibaba, i-click ang link sa pakikipag-ugnayan.

Humingi pa ng tulong

Makipag-ugnayan sa developer ng app, extension, o tema:

1. Buksan ang Chrome Web Store.
2. Sa kanang bahagi sa itaas, i-click ang Mga Setting Aking Mga Extension at App.
3. I-click ang app, extension, o tema.
4. Sa lalabas na kahon, i-click ang Suporta sa itaas.
5. Sagutan ang form na "Sabihin sa Developer," o i-click ang link para pumunta sa website ng developer.