Magpadala ng mga istatistika sa paggamit at ulat ng pag-crash

Tulungan kaming gawing priyoridad ang mga feature at pagpapahusay na dapat naming pagtuunan ng pansin sa pamamagitan ng pagbibigay-daan sa Chrome na awtomatikong ipadala ang mga istatistika sa paggamit at ulat ng pag-crash na ito sa Google.

Maaari mong baguhin ang pagpapadala ng mga istatistika sa paggamit at ulat ng pag-crash sa Google anumang oras. Ganito ito gawin:

Computer o Chromebook
  1. Buksan ang Chrome.
  2. Sa kanang bahagi sa itaas, i-click ang Menu Chrome menu.
  3. I-click ang Mga Setting.
  4. Sa ibaba, i-click ang Ipakita ang mga advanced na setting.
  5. Upang ma-on o ma-off ang setting na ito, sa ilalim ng "Privacy," piliin ang checkbox na Awtomatikong ipadala ang mga istatistika sa paggamit at ulat ng pag-crash sa Google.
Android phone o tablet
  1. Buksan ang Chrome app Chrome logo.
  2. Pindutin ang Menu More.
  3. Piliin ang Mga Setting.
  4. Sa ilalim ng "Advanced," pindutin ang Privacy.
  5. Upang i-on o i-off ang setting na ito, lagyan o alisan ng check ang Mga ulat ng paggamit at pag-crash.
iPhone o iPad
  1. Buksan ang Chrome app Chrome logo.
  2. Pindutin ang Menu More.
  3. Piliin ang Mga Setting.
  4. Sa ilalim ng "Advanced," pindutin ang Privacy.
  5. Pindutin ang Ipadala ang Data ng Paggamit.
  6. Pumili ng isa sa mga sumusunod na opsyon: Sa Lahat ng Pagkakataon, Kapag gumagamit lang ng Wi-Fi o Hindi Kailanman.

Ang kasamang impormasyon sa mga istatistika sa paggamit at ulat ng pag-crash 

Maaaring kasama sa mga istatistika sa paggamit ang sumusunod na impormasyon:

  • Mga Kagustuhan
  • Mga pag-click sa button
  • Paggamit sa memory
  • Address ng website, kung gagamit ka ng pag-input sa pamamagitan ng pagsasalita o kaya ay bibisita sa isang webpage ng phishing o malware
  • Iyong operating system at ang manufacturer at modelo ng computing device. Kung gagamit ka ng pag-input sa pamamagitan ng pagsasalita, maaaring may kasama itong hardware ng audio

Walang kasamang anumang personal na impormasyon ang mga istatistika sa paggamit.

Ang mga ulat ng pag-crash ay naglalaman ng impormasyon ng system noong nangyari ang pag-crash, at maaaring maglaman ang mga ito ng mga address sa web o personal na impormasyon, depende sa nangyayari noong nagkaroon ng pag-crash.

Matuto nang higit pa tungkol sa patakaran sa privacy ng Chrome.