Kufuta, kuruhusu na kudhibiti vidakuzi katika Chrome

Unaweza kuchagua kufuta vidakuzi vilivyopo, kuruhusu au kuzuia vidakuzi vyote na kuweka mapendeleo kwenye tovuti fulani.

Muhimu: Ikiwa unashiriki katika kikundi cha majaribio kinachodhibiti vidakuzi vya washirika wengine kwa chaguomsingi, unaweza kupata mipangilio tofauti ya kudhibiti vidakuzi vya washirika wengine. Pata maelezo ya jinsi ya kudhibiti mipangilio ya vidakuzi vya washirika wengine kwa watumiaji wa kikundi cha majaribio.

Vidakuzi ni nini

Vidakuzi ni faili zinazoundwa na tovuti unazotembelea. Kwa kuhifadhi maelezo kuhusu shughuli yako ya kutembelea tovuti, vinarahisisha hali yako ya utumiaji mtandaoni. Kwa mfano, tovuti zinaweza kukufanya usalie ukiwa umeingia katika akaunti, kukumbuka mapendeleo yako ya tovuti na kukupatia maudhui muhimu ya eneo ulipo.

Kuna aina 2 za vidakuzi:

• Vidakuzi vilivyowekwa na vikoa unavyotembelea: Vinaundwa na tovuti unayotembelea. Tovuti inaonyeshwa kwenye sehemu ya anwani.
• Vidakuzi vya washirika wengine: Vinaundwa na tovuti nyingine. Tovuti unayotembelea inaweza kupachika maudhui kutoka tovuti nyingine, kwa mfano picha, matangazo na maandishi. Tovuti zozote zingine kati ya hizi zinaweza kuhifadhi vidakuzi na data nyingine ili kuwekea mapendeleo hali yako ya utumiaji.

Kidokezo: Huenda baadhi ya tovuti zikakuomba ukubali au ukatae vidakuzi.

Kufuta vidakuzi vyote

Muhimu: Ukifuta vidakuzi, unaweza kuondolewa kwenye akaunti katika tovuti zinazokukumbuka na mapendeleo uliyohifadhi yanaweza kufutwa. Hali hii hutokea wakati wowote ukifuta kidakuzi.

1. Kwenye kifaa chako cha Android, fungua Chrome .
2. Kwenye sehemu ya juu kulia, gusa Zaidi Mipangilio.
3. Gusa Faragha na usalama Futa data ya kuvinjari.
4. Chagua kipindi cha muda, kama vile Saa iliyopita au Kila wakati.
5. Chagua Vidakuzi na data ya tovuti na ubatilishe uteuzi wa vipengee vingine vyote.
6. Gusa Futa data Futa.

Kufuta vidakuzi kwenye tovuti moja

1. Kwenye kifaa chako cha Android, fungua Chrome .
2. Nenda kwenye tovuti.
3. Kwenye sehemu ya anwani, upande wa juu kushoto, gusa Maelezo ya ukurasa Vidakuzi na data ya tovuti.
4. Karibu na idadi ya vidakuzi vinavyotumika, gusa Futa .

Kuruhusu au kuzuia vidakuzi vya washirika wengine

Muhimu: Ikiwa hutaruhusu tovuti zihifadhi vidakuzi, huenda tovuti zisifanye kazi unavyotarajia. Ili udhibiti vidakuzi vilivyowekwa na vikoa unavyotembelea, pata maelezo zaidi kuhusu data ya tovuti iliyo kwenye kifaa.

Unaweza kuruhusu au kuzuia vidakuzi vya washirika wengine kwenye tovuti yoyote:

1. Kwenye kifaa chako cha Android, fungua Chrome .
2. Kwenye sehemu ya juu kulia, gusa Zaidi Mipangilio.
3. Gusa Mipangilio ya tovuti Vidakuzi vya washirika wengine.
   • Kidokezo: Ikiwa unashiriki katika kikundi cha majaribio kinachodhibiti vidakuzi vya washirika wengine kwa chaguomsingi, pata maelezo kuhusu jinsi ya kudhibiti mipangilio ya vidakuzi vya washirika wengine kwa watumiaji wa kikundi cha majaribio.
4. Teua chaguo:
   • Ruhusu vidakuzi vya washirika wengine.
   • Zuia vidakuzi vya washirika wengine katika Hali ya kutumia faraghani.
   • Zuia vidakuzi vya washirika wengine.
     • Ukizuia vidakuzi vya washirika wengine, vidakuzi vyote vya washirika wengine kwenye tovuti zingine vitazuiwa isipokuwa kama tovuti inaruhusiwa kwenye orodha yako ya tovuti zisizofuata kanuni.

Ruhusu vidakuzi vya washirika wengine katika tovuti mahususi

Ukizuia vidakuzi vya washirika wengine kwa chaguomsingi, bado unaweza kuviruhusu kwenye tovuti mahususi.

1. Kwenye kifaa chako cha Android, fungua Chrome .
2. Kwenye sehemu ya juu kulia, gusa Zaidi Mipangilio.
3. Gusa Faragha na usalama Vidakuzi vya washirika wengine.
4. Gusa + Weka kwenye orodha ya tovuti zisizofuata kanuni
5. Weka anwani ya wavuti.
   • Ili uunde orodha ya tovuti zisizofuata kanuni kwenye kikoa kizima, weka [*.] kabla ya jina la kikoa. Kwa mfano, [*.]google.com italingana na drive.google.com na calendar.google.com.
   • Unaweza pia kuweka Anwani ya IP au anwani ya wavuti ambayo haianzi na http://.
6. Gusa Weka.

Ili uondoe orodha ya tovuti zisizofuata kanuni usiyohitaji tena, gusa orodha husika kisha uguse Ondoa.

Kuruhusu kwa muda vidakuzi vya washirika wengine katika tovuti mahususi

Ukizuia au udhibiti vidakuzi vya washirika wengine, baadhi ya tovuti huenda zisifanye kazi kama ulivyotarajia. Unaweza kuruhusu kwa muda vidakuzi vya washirika wengine kwenye tovuti mahususi unayotembelea.

1. Kwenye kifaa chako cha Android, fungua Chrome .
2. Kwenye sehemu ya anwani, upande wa juu kushoto:
   • Ili uruhusu vidakuzi vya washirika wengine: Gusa Maelezo ya ukurasa Vidakuzi na data ya tovuti kisha uwashe Vidakuzi vya washirika wengine.
   • Ili uzuie au udhibiti vidakuzi vya washirika wengine: Gusa Maelezo ya ukurasa Vidakuzi na data ya tovuti kisha uzime Vidakuzi vya washirika wengine.

Vidokezo:

• Chaguo hili ni la muda na ni la tovuti unayotumia tu.
• Tovuti huwekwa kiotomatiki kwenye orodha ya tovuti zisizofuata kanuni.
• Ukiruhusu kwa muda vidakuzi vya washirika wengine kwenye tovuti, mipangilio hiyo itaendelea hadi katika Hali ya kutumia faraghani na huwezi kuibadilisha kwenye Hali ya kutumia faraghani.

Kuruhusu tovuti zinazohusiana zifikie shughuli yako

Kampuni inaweza kubainisha kikundi cha tovuti zinazohusiana. Kwa mfano, kampuni inaweza kutaka usalie ukiwa umeingia katika akaunti unapovinjari kati ya acme-music.example na acme-video.example.

Ukiruhusu au udhibiti vidakuzi vya washirika wengine: Huruhusu tovuti zinazohusiana zifikie shughuli zako ili ziweke mapendeleo kwenye maudhui au zikufanye usalie ukiwa umeingia katika akaunti kwenye tovuti mbalimbali.

Ukizuia vidakuzi vya washirika wengine: Mara nyingi hatua hio huzuia aina hii ya uhusiano kati ya tovuti. Unaweza kuzuia vidakuzi vya washirika wengine huku ukiruhusu tovuti katika kikundi sawa ili uboreshe hali yako ya utumiaji.

Unaweza kupata orodha kamili ya kampuni zinazobainisha vikundi vya tovuti zinazohusiana kwenye GitHub. Pata maelezo zaidi kuhusu tovuti zinazohusiana na vidakuzi vya washirika wengine.

Ili uruhusu tovuti zinazohusiana zipate shughuli zako kwenye kikundi:

1. Kwenye kifaa chako cha Android, fungua Chrome .
2. Kwenye sehemu ya juu kulia, gusa Zaidi Mipangilio.
3. Gusa Faragha na usalama Vidakuzi vya washirika wengine Zuia vidakuzi vya washirika wengine.
   • Kidokezo: Ikiwa unashiriki katika kikundi cha majaribio kinachodhibiti vidakuzi vya washirika wengine kwa chaguomsingi, pata maelezo kuhusu jinsi ya kudhibiti mipangilio ya vidakuzi vya washirika wengine kwa watumiaji wa kikundi cha majaribio.
4. Gusa kishale kando ya "Zuia vidakuzi vya washirika wengine."
5. Washa au uzime kipengele cha Ruhusu tovuti zinazohusiana ziangalie shughuli zako kwenye kikundi.

Ili uonyeshe tovuti zinazohusiana kwenye kikundi sawa:

1. Kwenye kifaa chako cha Android, fungua Chrome .
2. Kwenye sehemu ya juu kulia, gusa Zaidi Mipangilio.
3. Gusa Mipangilio ya tovuti Tovuti zote.
4. Chagua tovuti.
5. Chini ya “Tovuti zinazosimamiwa na [kiungo cha tovuti],” tafuta tovuti katika kikundi sawa.

Dhibiti mipangilio ya vidakuzi vya washirika wengine kwa watumiaji wa kikundi cha majaribio

Kwa kikundi mahususi cha watumiaji, Google hujaribu vipengele kwenye Chrome ambavyo vinazuia kwa kiasi kikubwa tovuti zisitumie vidakuzi vya washirika wengine kukufuatilia unapovinjari. Ikiwa unashiriki katika kikundi cha kujaribu, vidakuzi vya washirika wengine hudhibitiwa kwa chaguomsingi isipokuwa vinapohitajika kuruhusu huduma za msingi za tovuti zifanye kazi.

Ukiamua, unaweza kuzuia kabisa vidakuzi vya washirika wengine katika mipangilio yako. Unaweza kudhibiti mapendeleo yako ya vidakuzi vya washirika wengine kwenye mipangilio ya “Faragha na Usalama”.

1. Kwenye kifaa chako cha Android, fungua Chrome .
2. Kwenye sehemu ya juu kulia, gusa Zaidi Mipangilio.
3. Gusa Faragha na usalama Vidakuzi vya washirika wengine.
4. Ili kuwekea mapendeleo mipangilio ya vidakuzi vya washirika wengine, unaweza:
   • Kuzuia vidakuzi vyote vya washirika wengine: Unapowasha kitufe hiki, vipengele vilivyo kwenye baadhi ya tovuti huenda visifanye kazi. Chrome huzuia vidakuzi vyote vya washirika wengine kwenye tovuti unazotembelea, ikiwa ni pamoja na tovuti zinazohusiana.
   • Tuma ombi la "Do not track" kwenye data yako ya kuvinjari: Ukiwasha kitufe hiki, unaomba tovuti zisikufuatilie. Tovuti hutumia hiari yazo ikiwa zitatii ombi. Pata maelezo zaidi kuhusu ombi la "Do Not Track".
   • Chagua tovuti unazoruhusu zitumie vidakuzi vya washirika wengine: Unaweza pia kuangalia na kubadilisha tovuti zipi unazoruhusu zitumie vidakuzi vya washirika wengine chini ya "Tovuti zinazoruhusiwa kutumia vidakuzi vya washirika wengine.” Pata maelezo kuhusu jinsi ya kuruhusu vidakuzi vya washirika wengine.

Nyenzo zinazohusiana

• Badilisha ruhusa za mipangilio ya tovuti
• Futa data ya kuvinjari kwenye Chrome
• Futa vidakuzi na data iliyo kwenye akiba
• Dhibiti faragha yako ya matangazo kwenye Chrome
• Pata maelezo zaidi kuhusu data ya tovuti ya kwenye kifaa katika Chrome