Mag-browse sa Incognito mode

Puwede kang mag-browse sa web nang mas pribado sa Incognito mode.

Nililimitahan ng Incognito kung ano ang mase-save sa iyong device

Kapag nagba-browse ka sa Incognito, nililimitahan ng Chrome ang impormasyong mase-save sa iyong device. Puwede itong maging kapaki-pakinabang, halimbawa, kapag gumagamit ka ng naka-share na computer o namimili ka ng regalo.

Kapag nagbukas ka ng Incognito window, magsisimula ang Chrome ng hiwalay na session ng pag-browse. Matatapos ang iyong Incognito session kapag isinara mo ang lahat ng Incognito window.

Kapag nag-browse ka sa Incognito:

• Hindi ka awtomatikong sina-sign in ng Chrome sa iyong Google Account o iba pang website: Hindi nito babaguhin kung paano kinokolekta ang data ng mga website na binibisita mo at ng mga serbisyong ginagamit ng mga ito, kabilang ang Google. Posibleng makapangalap pa rin ang mga site ng impormasyon tungkol sa iyo kahit na hindi ka naka-sign in.
• Pagkatapos ng iyong Incognito session, hindi ire-retain ng Chrome ang data ng site o ang record ng mga site na binisita mo: Sa iyong Incognito session, pansamantalang nagtatabi ang Chrome ng ilang impormasyon, tulad ng cookies at data ng site, para makatulong na mapagana ang mga website at suportahan ang pag-navigate. Aalisin ang impormasyong ito kapag natapos ang Incognito session.
• Nire-retain ng Chrome ang mga bookmark na sine-save mo at ang mga file na dina-download mo kapag lumabas ka sa Incognito: Magiging available sa iyong mga regular na session sa pag-browse ang mga bookmark na idinaragdag mo at ang mga item sa listahan ng babasahing sine-save mo. Mananatili sa iyong device ang mga file na dina-download mo hanggang sa i-delete mo ang mga ito.

Bagama't makakatulong ang Incognito na panatilihing pribado ang iyong pag-browse sa device mo, hindi ka nito ginagawang invisible. Posibleng makita ang iyong aktibidad sa Incognito ng mga website na binibisita mo, kabilang ang mga site ng Google, at mga organisasyong namamahala sa iyong network, tulad ng paaralan, employer, o internet service provider mo. Nagshe-share din ng impormasyon ang mga website na binibisita mo na gumagamit ng mga serbisyo ng Google tungkol sa iyong aktibidad sa mga site ng mga ito sa Google, kabilang ang para sa mga layunin ng pag-advertise, tulad ng inilalarawan sa Patakaran sa Privacy.

Buksan ang Incognito mode

Para magsimula ng Incognito session:

1. Sa iyong computer, buksan ang Chrome.
2. Sa kanang bahagi sa itaas, piliin ang Higit pa Bagong Incognito window.
   • May bubukas na bagong window.
   • Sa kanan ng address bar, makikita mo ang icon ng Incognito .

Para magbukas ng Incognito window, puwede kang gumamit ng keyboard shortcut:

• Windows, Linux, o Chrome OS: Pindutin ang Ctrl + Shift + n.
• Mac: Pindutin ang ⌘ + Shift + n.

Sa Incognito mode, naka-block bilang default ang third-party na cookies. Kung hindi gumagana tulad ng inaasahan ang isang site na umaasa sa third-party na cookies, puwede mong subukang pansamantalang payagan ang mga ito para sa site na iyon. Alamin kung paano pansamantalang payagan ang third-party na cookies para sa isang partikular na site.

Isara ang Incognito mode

Kung nagba-browse ka sa isang Incognito window at nagbukas ka ng panibago, magpapatuloy sa bagong window ang iyong Incognito session. Para tapusin ang iyong Incognito session, dapat mong isara ang lahat ng Incognito window.

Kung may nakikita kang numero, sa kanang bahagi sa itaas, sa tabi ng icon ng Incognito, marami kang nakabukas na Incognito window. Para magsara ng Incognito window:

1. Sa iyong computer, buksan ang Incognito window.
2. Isara ang window:
   • Windows o Chromebook: Sa kanang bahagi sa itaas, piliin ang Isara .
   • Mac: Sa kaliwang bahagi sa itaas, piliin ang Isara .

Mga kaugnay na resource

• Mag-browse sa Chrome bilang bisita
• I-delete ang data mula sa pag-browse sa Chrome