Kumuha ng mga paglalarawan ng larawan sa Chrome

Kapag gumagamit ka ng screen reader sa Chrome, makakakuha ka ng mga paglalarawan ng mga walang label na larawan, halimbawa, mga larawang walang alt text.  

Ipinapadala ang mga larawan sa Google para magawa ang mga paglalarawan. Kung hindi mailarawan ng Google ang larawan, sasabihin ng screen reader ang “Walang available na paglalarawan.” 

Mahalaga: Available ang mga paglalarawan ng larawan sa Croatian, Czech, Dutch, English, Finnish, French, German, Hindi, Indonesian, Italian, Norwegian, Portuguese, Russian, Spanish, Swedish, at Turkish.

I-on o i-off ang Mga Paglalarawan ng Larawan

Puwede mong i-on ang mga paglalarawan ng larawan sa Mga Setting ng Chrome o sa page kung nasaan ka.

I-on ang mga paglalarawan ng larawan mula sa Google sa menu ng konteksto

Pwede mong i-on ang mga paglalarawan ng larawan para sa lahat ng page o para lang sa isang partikular na page.

1. Sa iyong computer, buksan ang Chrome browser.
2. Buksan ang menu ng konteksto.
   • Windows: Shift+F10.
   • Mac: VoiceOver+Shift+ m o Ctrl + Alt + Shift + m.
   • Chromebook: Search  + m. O Launcher  + m.
3. Gamitin ang pataas o pababang arrow key para piliin ang "Kumuha ng Mga Paglalarawan ng Larawan mula sa Google."
4. Gamitin ang pakanan o pakaliwang arrow para buksan ang menu ng paglalarawan ng larawan.
5. Kapag na-on o na-off mo ang mga paglalarawan ng larawan, posibleng hilingin sa iyong sumang-ayon sa mga paglalarawan ng larawan mula sa Google. I-on o i-off ang mga paglalarawan ng larawan:
   • Para sa isang page: Pindutin ang space para piliin ang Isang beses lang.
   • Para sa lahat ng page: Pindutin ang space para piliin ang Palagi. 

Kung mayroon kang mga paglalarawan ng larawang pinahintulutan lang para sa isang page, umalis o i-refresh ang page para i-off ito.

Kung io-on ang “Kumuha ng mga paglalarawan ng larawan mula sa Google” para sa lahat ng page, may check mark sa tabi ng opsyon sa menu ng konteksto.

Kung naka-sign in ka at nagsi-sync ka sa Chrome, magkakaroon ka ng mga paglalarawan ng larawan sa lahat ng naka-sign in at naka-sync na device.

I-on ang paglalarawan ng larawan sa mga setting ng Chrome

Puwede mo ring i-on o i-off ang mga paglalarawan ng larawan para sa lahat ng page sa mga setting ng Chrome. Pareho ang paggana ng mga paglalarawan ng larawan para sa lahat ng page kung na-on ang mga ito sa mga setting o sa menu ng konteksto.

1. Sa iyong computer, buksan ang Chrome.
2. Sa kanang bahagi sa itaas, i-click ang Higit pa   Mga Setting  Accessibility.
3. I-on o i-off ang Kumuha ng mga paglalarawan ng larawan mula sa Google.

Kung io-on ang “Kumuha ng mga paglalarawan ng larawan mula sa Google,” may check mark sa tabi ng feature.

Ang mga paglalarawan ng larawan ay available lang sa mga user ng screen reader sa pamamagitan ng pasalitang feedback o braille, at hindi visual na lumalabas sa screen. Posibleng hindi ganap na tumpak ang mga paglalarawan ng larawan.

Kung mayroon kang feedback, makipag-ugnayan sa aming team ng suporta sa Google Accessibility.

Ipinapadala ang mga larawan sa mga server ng Google para maibigay ang paglalarawan pero hindi sine-save ng Google ang mga ito. Hindi binabago ng Google ang mga web page kapag naglalarawan ang Google ng isang larawan. Para sa iyong privacy, idinisenyo ang feature na ito sa paraang hindi malalaman ng isang site, ng screen reader mo, at ng iyong operating system na ginagamit ang feature na ito. Para matuto pa, basahin ang aming Patakaran sa Privacy ng Google.