Nagbibigay-daan sa iyo ang Chrome na magkonekta ng website sa iyong mga Bluetooth at USB device. Halimbawa, kung mayroon kang heart monitor na may naka-enable na Bluetooth, maaari mong payagan ang isang website na kumonekta rito. Pagkatapos, maaaring magtala at magpakita ang page ng impormasyon tungkol sa pag-monitor.
Kailan dapat bigyan ng access ang iyong device
Bigyan lang ng access ang device sa isang pinagkakatiwalaang site. Kung ipapares mo ang isang website sa iyong device, makukuha ng site ang lahat ng impormasyon sa device at maaari ding i-reprogram itong muli.
Magpares ng isang webpage sa Chrome gamit ang iyong device
- Ikonekta ang iyong mga device.
- Bluetooth device: Sa iyong computer o telepono, siguraduhing naka-on ang Bluetooth. Sa Bluetooth device, i-on ang mode na "katuklas-tuklas."
- USB device: Ikonekta ang iyong mga device gamit ang isang USB cable.
- Sa Chrome, magbukas ng webpage na maaaring ikonekta sa iyong device.
- I-click o i-tap ang page. Hihilingin sa iyo na magdagdag ng device.
- Pumili ng device mula sa listahan.
- Piliin ang Ipares o Ikonekta.
Mag-troubleshoot ng mga problema sa pagpapares ng Bluetooth
Sa kasalukuyan, hindi sinusuportahan ng mga iPhone at iPad device ang mga koneksyon sa pagitan ng mga Bluetooth device at website sa Chrome.