Ayusin ang mga video at laro na hindi nagpe-play

Kung hindi gumagana ang isang video sa YouTube, laro sa Facebook, o iba pang media, subukan ang mga hakbang sa ibaba para ayusin ito.

Makakatulong ang mga hakbang na ito para sa:

• Isang video o laro na hindi ma-load
• Isang video o laro na blangko
• Isang gray na kahong lumalabas sa halip na isang video o laro
• Nagfi-freeze o nagka-crash ang Chrome habang naglo-load ng video o laro
  

Hakbang 1: I-update ang Chrome

Kung minsan, kailangan ng mga video at laro ang pinakabagong bersyon ng Chrome.

1. Sa iyong Android phone o tablet, buksan ang Play Store app .
2. Sa kaliwang bahagi sa itaas, i-tap ang Menu Aking mga app at laro.
3. Sa ilalim ng "Mga Update," hanapin ang Chrome .
4. Kung nakalista ang Chrome, i-tap ang I-update.
5. Kapag tapos nang mag-update, bumalik sa site kung nasaan ang video o laro. Sa kanang bahagi sa itaas, i-tap ang Higit pa I-reload .

Hakbang 2: I-on ang JavaScript

Kailangan ng ilang media ng JavaScript.

1. Sa iyong Android phone o tablet, buksan ang Google Chrome app .
2. Sa kanan ng address bar, i-tap ang Higit pa Mga Setting.
3. I-tap ang Mga Setting ng Site.
4. I-tap ang JavaScript, pagkatapos ay i-on ang setting.
5. Bumalik sa site kung nasaan ang video o laro. I-tap ang Higit pa I-reload .

Hakbang 3: I-reset ang iyong koneksyon sa Internet

Maaaring nagdudulot ng mga problema sa video o laro ang iyong Internet network.

1. I-off ang iyong Android phone o tablet.
2. Alisin sa pagkakasaksak ang iyong modem. Kung hiwalay na device ang iyong wireless router, alisin din ito sa pagkakasaksak.
3. Maghintay sa loob ng humigit-kumulang isang minuto.
4. Isaksak ang iyong modem at maghintay hanggang sa huminto sa pagpatay-sindi ang lahat ng ilaw. Kung hiwalay na device ang iyong wireless router, isaksak itong muli at maghintay hanggang sa huminto sa pagpatay-sindi ang lahat ng ilaw.
5. I-on ang iyong Android phone o tablet.
6. Bumalik sa site kung nasaan ang video o laro. I-tap ang Higit pa I-reload .

Hakbang 4: Tingnan ang iyong cache at cookies

Ang ilang isyu sa video o laro ay dahil sa isang bagay na naka-save sa iyong data ng browser.

1. Sa iyong Android phone o tablet, buksan ang Chrome app .
2. Sa kanan ng address bar, i-tap ang Higit pa Bagong tab na Incognito.
3. Sa tab na Incognito, pumunta sa site kung nasaan ang video o laro.

Kung hindi gagana ang video o laro, i-clear ang iyong data mula sa pag-browse. Kapag na-clear ang iyong data mula sa pag-browse, mabubura ang ilan sa mga setting mo para sa mga website. Matuto pa tungkol sa pag-clear sa iyong data mula sa pag-browse.

1. Sa kanan ng address bar, i-tap ang Higit pa Mga Setting.
2. I-tap ang Privacy at seguridad  I-clear ang data mula sa pagba-browse.
3. Pumili ng hanay ng oras, tulad ng Nakaraang oras o Lahat ng oras.
4. Piliin ang Cookies at data ng site at Mga naka-cache na larawan at file. Alisin sa pagkakapili ang anumang iba pang uri ng impormasyong ayaw mong alisin.
5. I-tap ang I-clear ang data.