Ayusin ang mga video at laro na hindi nagpe-play

Kung hindi gumagana ang isang video sa YouTube, laro sa Facebook, o iba pang media, subukan ang mga hakbang sa ibaba para ayusin ito.

Makakatulong ang mga hakbang na ito para sa:

• Isang video o laro na hindi ma-load
• Isang video o laro na blangko
• Isang gray na kahong lumalabas sa halip na isang video o laro
• Nagfi-freeze o nagka-crash ang Chrome habang naglo-load ng video o laro
  

Mahalaga: Mula 2021, tinapos na ng Adobe ang suporta para sa plugin ng Flash Player. Hindi na magpe-play back ang Flash na content, kabilang ang audio at video, sa anumang bersyon ng Chrome.

Bisitahin ang blog ng Chrome para matuto pa.

Hakbang 1: I-on ang JavaScript

Kailangan ng ilang media ng JavaScript. Halimbawa, ang mga video sa YouTube ay hindi tatakbo nang walang JavaScript.

1. Sa iyong computer, buksan ang Chrome .
2. Sa kanang bahagi sa itaas, i-click ang Higit pa Mga Setting.
3. I-click ang Privacy at seguridad Mga setting ng site.
4. I-click ang Javascript Puwedeng gumamit ng Javascript ang mga site.
5. Bumalik sa site kung nasaan ang video o laro. Sa kaliwang bahagi sa itaas, i-click ang I-reload .

Hakbang 2: Tingnan ang iyong mga extension, plugin, cache, at cookies

Ang ilang isyu sa video o laro ay dahil sa mga extension ng Chrome, plugin, o isang bagay na naka-save sa iyong data sa cache o browser.

1. Sa iyong computer, buksan ang Chrome.
2. Sa kanang bahagi sa itaas, i-click ang Higit pa Bagong Incognito Window.
3. Sa Incognito window, pumunta sa site kung nasaan ang video o laro.

Kung gagana ang video o laro

1. Isara ang Incognito window at bumalik sa karaniwang window ng Chrome.
2. I-click ang Higit pa Higit pang tool Mga Extension.
3. I-off ang lahat ng iyong extension.
4. Pumunta sa site kung nasaan ang video o laro. Sa kaliwang bahagi sa itaas, i-click ang I-reload .

Kung gumagana ang video o laro, paisa-isang subukan ang bawat extension:

1. Mag-on ng isang extension.
2. Pumunta sa site kung nasaan ang video o laro. Sa kaliwang bahagi sa itaas, i-click ang I-reload .
3. Kung magpe-play ang video o laro, subukan ang susunod na extension.
4. Kapag nahanap mo ang extension na dahilan ng problema, i-click ang Alisin.

Kung hindi gumagana ang video o laro, puwede mong i-on ulit ang iyong mga extension at i-clear ang data mo mula sa pag-browse. Kapag na-clear ang iyong data mula sa pag-browse, mabubura ang ilan sa mga setting mo para sa mga website. Matuto pa tungkol sa pag-clear sa iyong data mula sa pag-browse.

1. Sa kanang bahagi sa itaas, i-click ang Higit pa Higit pang tool I-clear ang data mula sa pag-browse.
2. Sa kahong lalabas, sa itaas, pumili ng oras, tulad ng Nakalipas na oras o Nakalipas na 24 na oras. Para i-delete lahat, piliin ang Lahat ng oras.
3. Piliin ang Mga naka-cache na larawan at file at Cookies at iba pang data ng site. Alisin sa pagkakapili ang anumang iba pang uri ng impormasyong ayaw mong alisin.
4. I-click ang I-clear ang data mula sa pag-browse.

Kung hindi gagana ang video o laro

1. Sa iyong computer, buksan ang Chrome.
2. Sa kanang bahagi sa itaas, i-click ang Higit pa Mga Setting.
   • Sa Chromebook, Linux, at Mac: I-click ang I-reset ang mga setting I-restore ang mga setting sa mga orihinal na default ng mga ito I-reset ang mga setting.
   • Sa Windows: I-click ang I-reset at linisin I-restore ang mga setting sa mga orihinal na default ng mga ito I-reset ang mga setting.
3. Bumalik sa site kung nasaan ang video o laro. Sa kaliwang bahagi sa itaas, i-click ang I-reload .

Hakbang 3: I-update ang Chrome

Kung minsan, kailangan ng mga video at laro ang pinakabagong bersyon ng Chrome.

1. Sa iyong computer, buksan ang Chrome.
2. Sa kanang bahagi sa itaas, i-click ang Higit pa .
3. I-click ang I-update ang Google Chrome. Kung hindi mo nakikita ang button na ito, nasa pinakabagong bersyon ka.
4. I-click ang Muling Ilunsad.
5. Bumalik sa site kung nasaan ang video o laro. Sa kaliwang bahagi sa itaas, i-click ang I-reload .

Hakbang 4: I-reset ang mga setting ng Chrome

1. Sa iyong computer, buksan ang Chrome.
2. Sa kanang bahagi sa itaas, i-click ang Higit pa Mga Setting.
3. I-click ang I-reset ang mga setting I-restore ang mga setting sa mga orihinal na default ng mga ito I-reset ang Mga Setting.
4. Bumalik sa site kung nasaan ang video o laro. Sa kaliwang bahagi sa itaas, i-click ang I-reload .

Matuto pa tungkol sa pag-reset sa iyong mga setting ng Chrome.

Hakbang 5: I-reset ang iyong koneksyon sa Internet

Posibleng nagdudulot ng mga problema sa video o laro ang iyong Internet network.

1. I-off ang iyong computer.
2. Alisin sa pagkakasaksak ang iyong modem. Kung hiwalay na device ang iyong wireless router, alisin din ito sa pagkakasaksak.
3. Maghintay sa loob ng humigit-kumulang isang minuto.
4. Isaksak ang iyong modem at maghintay hanggang sa huminto sa pagpatay-sindi ang lahat ng ilaw. Kung hiwalay na device ang iyong wireless router, isaksak itong muli at maghintay hanggang sa huminto sa pagpatay-sindi ang lahat ng ilaw.
5. I-on ang iyong computer.
6. Bumalik sa site kung nasaan ang video o laro. Sa kaliwang bahagi sa itaas, i-click ang I-reload .