Kapag gumamit ka ng pampublikong computer o kapag nakikihati ka ng computer sa iba, hindi lalabas ang mga website na binisita mo sa Guest mode sa history ng pag-browse.
Sa Guest mode, hindi mo makikita o mababago ang impormasyon ng anupamang profile sa Chrome. Kapag lumabas ka sa Guest mode, made-delete sa computer ang iyong aktibidad sa pag-browse.
Gamitin ang Guest mode para sa:
- Pagpapahiram ng iyong computer sa iba, o paghiram ng computer ng ibang tao.
- Paggamit ng pampublikong computer, tulad ng nasa library o cafe
Kung gusto mong mag-browse nang pribado sa iyong sariling computer, gamitin ang Incognito mode. Makikita mo ang iyong impormasyon at mga setting nang hindi nagse-save ng anumang history ng pag-browse.
Tip: Mag-log in lang sa mga sensitibong website sa mga pinagkakatiwalaang device.
Buksan ang Guest mode
- Sa iyong computer, buksan ang Chrome.
- Sa kanang bahagi sa itaas, piliin ang Profile
.
- Buksan ang Profile ng bisita.
.Mga Tip:
-
Kung may pinangangasiwaang user sa iyong computer, hindi available ang Guest mode kapag naka-lock ang lahat ng hindi pinangangasiwaang profile.
-
Hindi available ang Guest mode sa Mga Chromebook. Alamin kung paano gamitin ang Chromebook bilang bisita.
Lumabas sa Guest mode
Para isara ang Guest mode:- Sa Windows at Linux: Sa kanang sulok sa itaas, piliin ang Isara
.
- Sa Mac: Sa kaliwang sulok sa itaas, piliin ang Isara
.- Sa kanang bahagi sa itaas, piliin ang Profile
- Mula sa menu, piliin ang Isara ang bisita.
Made-delete ang iyong history ng pag-browse, cookies, at data ng site.
Impormasyong puwedeng tingnan ng iba sa Guest mode
Pipigilan ng Guest mode ang Chrome na i-save ang iyong aktibidad sa pag-browse sa lokal na history mo, pero dapat ka lang mag-log in sa mga sensitibong website sa mga device ng mga taong pinagkakatiwalaan mo. Posibleng magkaroon ng access sa iyong data ang mga may-ari ng device, gaya ng iyong aktibidad at lokasyon. Posibleng makita pa rin ang data na ito ng:
- Mga website na binibisita mo, kasama na ang mga ad at resource na ginamit sa mga site na iyon
- Mga website kung saan ka nagsa-sign in
- Iyong employer, paaralan, o sinumang nagpapatakbo ng network na ginagamit mo
- Iyong internet service provider
- Mga search engine
- Posibleng magpakita ang mga search engine ng mga suhestyon sa paghahanap batay sa iyong lokasyon o aktibidad sa kasalukuyan mong session ng Incognito na pag-browse. Kapag naghanap ka sa Google, palaging tatantyahin ng Google ang general area kung mula saan ka naghahanap. Matuto pa tungkol sa lokasyon kapag naghanap ka sa Google.