Kutumia Gemini kwenye Chrome

Ukitumia Gemini kwenye Chrome, unaweza kupata usaidizi wa AI katika kivinjari chako ili upate kwa urahisi hoja muhimu, kufafanua dhana, kupata majibu na zaidi. Ili kukupa majibu yanayokufaa zaidi, Gemini kwenye Chrome hutumia maudhui kutoka kwenye kichupo cha kivinjari unachotumia sasa. Kwenye kompyuta, unaweza pia kuiruhusu Gemini ifikie hadi vichupo 10 ulivyofungua.

Unachohitaji

Muhimu: Gemini kwenye Chrome haipatikani kwa watumiaji wote kwa sasa. Tunazindua Gemini kwenye Chrome kwa utaratibu, kwa hivyo huenda bado usiipate kwa sasa.

Ili utumie Gemini kwenye Chrome katika kompyuta yako, unahitaji:

• Uwe na umri wa miaka 13 au zaidi (au umri unaoruhusiwa katika nchi uliko) na uwe katika eneo ambako inapatikana.
• Kutumia kompyuta ya Windows, Chromebook Plus au Mac.
• Kutumia toleo jipya kabisa la Chrome. Pata maelezo kuhusu jinsi ya kusasisha Chrome.
• Kuingia katika Chrome. Kipengele hiki hakipatikani Faraghani. Pata maelezo kuhusu jinsi ya kuingia katika Chrome.
• Kuweka mipangilio kwenye kifaa chako ili utumie lugha inayotumika.

Ikiwa una umri wa zaidi ya miaka 18 na unatumia Gemini kwenye Chrome katika Akaunti ya Google ya kazini au ya shuleni, ni sharti msimamizi wako aruhusu ufikiaji. Pata maelezo zaidi kuhusu kutumia Programu za Gemini katika akaunti ya Google ya shuleni au ya kazini.

Wazazi wanaochagua kuendelea kuwasimamia watoto walio na umri wa miaka 13 au zaidi (au umri unaoruhusiwa katika nchi waliko) wanaweza kuzima uwezo wa mtoto wao wa kufikia Gemini kwenye Chrome wakitumia Family Link.

Kupiga gumzo na Gemini kwenye Chrome

1. Kwenye kompyuta yako, fungua Chrome.
2. Katika sehemu ya juu ya kivinjari chako, bofya Uliza Gemini .
   • Utahitaji kujijumuisha mara ya kwanza kutumia Gemini kwenye Chrome. Ili ujijumuishe, fuata maagizo yaliyo kwenye skrini.
3. Katika kisanduku cha maandishi, weka swali au ombi lako.
   • Kwa chaguomsingi, Gemini kwenye Chrome hutumia maudhui kutoka kwenye kichupo unachotumia sasa katika jibu lake. Pata maelezo kuhusu jinsi Gemini kwenye Chrome inavyotumia data yako.
     • Vichupo ulivyofungua kwenye gumzo au kichupo kilicho na idhini ya kufikiwa pia hufikiwa na Gemini.
     • Katika Gemini Live, kichupo unachotumia sasa kinaruhusiwa kufikiwa kwa chaguomsingi, lakini unaweza kuruhusu vichupo vingine vifikiwe. Pata maelezo kuhusu jinsi ya kudhibiti vichupo kwenye Gemini Live.
   • Ili uweke kichupo kilichofunguliwa moja kwa moja kwenye kidokezo chako, weka @ kisha uchague kichupo hicho. Unaweza pia kuruhusu hadi vichupo 10 ulivyofungua vifikiwe. Pata maelezo kuhusu jinsi ya kudhibiti vichupo unavyoruhusu Gemini ifikie.

Kidokezo: Baada ya kujijumuisha katika Gemini kwenye Chrome , huwa inawekwa kwenye upau wa menyu wa Mac au ubao wa aikoni wa Windows na unaweza kutumia mikato ya kibodi.

Unachoweza kufanya ukitumia Gemini kwenye Chrome

Baada ya kujijumuisha katika Gemini kwenye Chrome katika kidirisha cha pembeni, unaweza kupiga gumzo moja kwa moja na Gemini. Kwa mfano, jaribu kuiomba Gemini kwenye Chrome:

• Iandae muhtasari wa mambo muhimu kutoka kwenye makala
• Ifafanue mada changamano kwa njia tofauti
• Ikusaidie kupima uelewa wako kuhusu mada mpya unayojifunza
• Irekebishe mapishi ili yafae mahitaji ya lishe
• Ilinganishe au iunganishe maelezo kutoka kwenye kurasa mbalimbali
• Itoe mapendekezo kulingana na mapendeleo yako
• Ikamilishe vitendo vya hatua nyingi kwa niaba yako
• Iandike rasimu za barua pepe za kutuma kwa wengine ukitumia Gmail
• Itafute picha na albamu zako za awali

Kuuliza maswali kuhusu sauti na video uliyocheza

Unaweza kuuliza kuhusu maudhui ya sauti na video ambayo tayari umecheza kwenye tovuti za maudhui. Baada ya kutazama au kusikiliza, unaweza kutumia Gemini kwenye Chrome:

• Kukusaidia kuelewa na kukagua maudhui kwa haraka.
• Kupata muhtasari wa maudhui.
• Kukumbuka maelezo mahususi kwenye maudhui.

Kidokezo:  Mipangilio hii huwa imewashwa kwa chaguomsingi. Ili uwashe au uzime, tembelea chrome://settings/ai/gemini kisha ubofye swichi iliyo karibu na “Uelewa wa maudhui.”

Kudhibiti gumzo lako na Gemini kwenye Chrome

Katika Gemini kwenye Chrome, unaweza:

• Kupiga Gumzo Moja kwa Moja na kuzungumza unapoendelea kuvinjari: katika sehemu ya chini, bofya Piga Gumzo Moja kwa Moja . Pata maelezo zaidi kuhusu kupiga Gumzo Moja kwa Moja na Gemini kwenye Chrome.
  • Kumbuka:: Kwa watumiaji walio na umri wa chini ya miaka 18, kipengele cha Kupiga Gumzo la Moja kwa Moja hakipatikani.
• Kuruhusu ufikiaji au kuacha kuruhusu ufikiaji wa kichupo: katika kisanduku cha maandishi, bofya Sasisha vichupo kisha uchague kichupo ambacho ungependa kuweka au kuondoa. Kichupo kilicho na idhini ya kufikiwa huonyesha Alama ya tiki .
• Kuchomoza nje au kupachika Gemini kwenye Chrome: katika sehemu ya juu, bofya Chomoza nje gumzo au Pachika kwenye kichupo halisi .
• Kuanzisha gumzo jipya: katika sehemu ya juu, bofya Anzisha gumzo jipya . Ikiwa hakipo, bofya kwanza Chaguo zaidi .
  • Unapoanzisha gumzo jipya, kwa chaguomsingi, Gemini huruhusiwa kufikia kichupo unachotumia sasa. Ili ubadilishe hili, unaweza kuzima Ruhusu ufikiaji wa kichupo cha sasa kwa chaguomsingi katika mipangilio yako ya Chrome. Pata maelezo kuhusu jinsi ya kuizima katika mipangilio ya Chrome.
• Kubadilisha kati ya mifumo ya Gemini: katika kisanduku cha maandishi, bofya jina la mfumo , kisha uchague mfumo.
• Kutafuta magumzo yako ya hivi majuzi na Gemini: katika sehemu ya juu, bofya Chaguo zaidi .

Kudhibiti vichupo ulivyoiruhusu Gemini kwenye Chrome ifikie

Unapofungua Gemini kwenye Chrome, maudhui ya ukurasa kutoka kwenye kichupo unachotumia sasa hufikiwa kwa chaguomsingi. Gemini hutumia maudhui hayo ya ukurasa kujibu. Unaweza kuacha kuruhusu kichupo unachotumia sasa kifikiwe wakati wowote. Pata maelezo kuhusu jinsi Gemini kwenye Chrome inavyotumia data yako.

Kuacha kuruhusu kichupo kifikiwe

1. Katika Gemini kwenye Chrome, juu ya kisanduku cha maandishi, bofya Onyesha vichupo vilivyo idhini ya kufikiwa .
2. Karibu na kichupo ambacho ungependa kuacha kuruhusu kifikiwe, bofya Ondoa kichupo .
   • Unapoacha kuruhusu kichupo kifikiwe, mstari unaong'aa chini ya kichupo hutoweka.

Kidokezo: Ukianzisha gumzo jipya, kwa chaguomsingi, Gemini itaruhusiwa kufikia kichupo unachotumia sasa. Ili ubadilishe hili, unaweza kuzima Ruhusu ufikiaji wa kichupo cha sasa kwa chaguomsingi katika mipangilio yako ya Chrome. Pata maelezo kuhusu jinsi ya kuzima katika mipangilio ya Chrome.

Kuruhusu kichupo kifikiwe

Kando na kichupo unachotumia sasa, unaweza kuruhusu ufikiaji wa hadi vichupo 10 ulivyofungua hivi majuzi kwenye madirisha yako ya kivinjari. Pata maelezo kuhusu jinsi Gemini kwenye Chrome inavyotumia data yako.

1. Katika sehemu ya juu ya kivinjari chako cha Chrome, bofya Uliza Gemini .
2. Katika kisanduku cha maandishi, bofya Weka vichupo .
3. Chagua vichupo ambavyo ungependa kuweka.
   • Kichupo kilicho na idhini ya kufikiwa huonyesha Alama ya tiki .
   • Kufanya hivi huruhusu Gemini ifikie maudhui ya ukurasa kutoka kwenye vichupo unavyoiruhusu ifikie na kuyatumia kujibu.
   • Wakati Gemini inatumia ukurasa, kichupo chake huonyesha mstari unaong'aa.

Kidokezo: Unaweza pia kutafuta na kuweka vichupo ulivyofungua kwa kuweka @ kisha uchague kichupo.

Unaporuhusu ukurasa wa wavuti wa Workspace ufikiwe

Gemini inaweza kufikia moja kwa moja akaunti yako ya Workspace ili ikujibu kuhusu ukurasa wa wavuti wa Workspace (kama vile docs.google.com) ulioruhusu ufikiwe kwenye Chrome. Kufanya hivi huhakikisha kuwa Gemini inaweza, kwa mfano, kurejelea Hati yote ya Google uliyoiulizia badala ya yale tu yanayopatikana kwenye kichupo. Ili utumie maudhui yako binafsi zaidi kutoka Workspace, unganisha programu ya Workspace. Pata maelezo kuhusu jinsi ya kuunganisha programu pamoja na huduma za Google Workspace na Programu za Gemini.

Kudhibiti mipangilio ya Gemini kwenye Chrome

Kuficha au kuonyesha aikoni ya Gemini kwenye kivinjari na kompyuta ya mezani

1. Kwenye kompyuta yako, fungua Chrome.
2. Katika sehemu ya juu, bofya Zaidi Mipangilio.
3. Kwenye menyu ya Mipangilio, bofya Uvumbuzi wa AI Gemini kwenye Chrome .
   • Ikiwa menyu imefichwa, kwanza bofya Menyu .
4. Chini ya “Mapendeleo,” washa au uzime mipangilio ifuatayo:
   • Onyesha Gemini katika sehemu ya juu ya kivinjari
   • Onyesha Gemini kwenye upau wa menyu wa Mac kisha uwashe mikato ya kibodi kwenye Mac
   • Onyesha Gemini kwenye ubao wa aikoni kisha uwashe mikato ya kibodi kwenye Windows

Kidokezo: Unaweza pia kubofya kulia sehemu ya juu ya kivinjari chako kisha ubofye Bandua Gemini au Bandika Gemini.

Kudhibiti ruhusa za Gemini kwenye Chrome

1. Kwenye kompyuta yako, fungua Chrome.
2. Katika sehemu ya juu, bofya Zaidi Mipangilio.
3. Kwenye menyu ya Mipangilio, bofya Uvumbuzi wa AI Gemini kwenye Chrome .
   • Ikiwa menyu imefichwa, kwanza bofya Menyu .
4. Chini ya “Ruhusa,” unaweza kuwasha au kuzima ruhusa zifuatazo:
   • Eneo mahususi
   • Maikrofoni
     • ​​​​​​​Watumiaji walio na umri wa chini ya miaka 18 hawawezi kuwasha Maikrofoni au Manukuu yenye Maelezo.
   • Ruhusu kichupo unachotumia sasa kifikiwe kwa chaguomsingi
   • Ruhusu Gemini ivinjari kwa niaba yako
     • ​​​​​​​​​​​​​​Watumiaji walio na umri wa chini ya miaka 18 hawawezi kutumia kipengele cha kuvinjari kiotomatiki.

Kidokezo: Ikiwa umewasha kipengele cha Eneo mahususi , Gemini kwenye Chrome inaweza kufikia na kutumia data ya eneo mahususi ulipo. Ikiwa umezima , Gemini kwenye Chrome haiwezi kufikia wala kutumia data ya eneo mahususi ulipo. Itaweza tu kukadiria eneo kutokana na anwani yako ya IP.

Kurekebisha au kuripoti tatizo na kutoa maoni

Ikiwa huwezi kupata au kutumia Gemini kwenye Chrome

Muhimu: Gemini kwenye Chrome inasambazwa kwa watumiaji kadiri muda unavyosonga, kwa hivyo huenda bado isipatikane katika nchi au eneo uliko.

Ikiwa Gemini kwenye Chrome inapatikana katika nchi au eneo uliko, jaribu hatua hizi:

1. Ingia katika Chrome ukiwa mtumiaji anayetimiza masharti.
   • Kipengele hiki hakipatikani katika hali ya Faraghani au kwenye wasifu wa Chrome ambako hujaingia. Pata maelezo kuhusu jinsi ya kuingia katika Chrome.
   • Ili utumie Gemini kwenye Chrome, ni sharti uwe na umri wa miaka 13 au zaidi (au umri unaoruhusiwa katika nchi uliko). Ikiwa unatimiza masharti ya umri wa chini zaidi, unaweza kuthibitisha umri wako. Pata maelezo zaidi kuhusu uthibitishaji wa umri 
2. Hakikisha kuwa uko katika nchi ambako Gemini kwenye Chrome inapatikana
   • Gemini kwenye Chrome inapatikana katika maeneo mahususi. Ikiwa uko katika eneo ambako Gemini kwenye Chrome inatumika lakini bado huwezi kuitumia, jaribu hatua zifuatazo:
     • Funga kisha ufungue kivinjari chako na ujaribu tena. Ikiwa ulisafiri hivi majuzi nje ya nchi hizi, huenda data ya mahali ulipo haijasasishwa kutoka eneo la awali.
     • Zima VPN yako. Ili ufanye hivyo, mara nyingi unahitaji kufungua programu ya VPN kisha uchague "Tenganisha" au "Uzime" swichi.
   • Ikiwa tatizo litaendelea baada ya kujaribu yote yaliyo hapo juu, sasisha utumie toleo linalofuata la Chrome litakapopatikana kisha uangalie ikiwa tatizo limerekebishwa.
3. Hakikisha kuwa umeweka mipangilio ya kivinjari cha Chrome kwa usahihi:
   • Hakikisha kuwa unatumia kifaa cha Windows, Mac au Chromebook ambacho kimewekwa katika lugha inayotumika.
   • Sasisha kivinjari chako cha Chrome kiwe toleo jipya kabisa. Pata maelezo kuhusu jinsi ya kusasisha Chrome.
   • (Kina) Jaribu kuweka upya vitia alama vyako vya Chrome. Kisha, funga kisha ufungue kivinjari chako.
4. Mambo mengine ya kujaribu
   Ikiwa bado unatatizika kufikia Gemini kwenye Chrome, jaribu hatua zifuatazo:
   • Bofya kulia kidirisha cha pembeni cha Gemini kwenye Chrome au kisanduku cha gumzo kinachoelea kisha uchague Pakia upya.
   • Zima mazingira yaliyowekwa katika mfumo pepe: Ikiwa unafikia Chrome kupitia mashine pepe, huenda baadhi ya vipengele vimezuiwa.
   • Wasiliana na msimamizi wako wa mfumo: Hakikisha kuwa shirika lako halijazima matumizi ya Gemini kwenye Chrome.

Kuripoti tatizo au kutuma maoni kuhusu Gemini kwenye Chrome

1. Katika sehemu ya juu ya Gemini kwenye Chrome, bofya Zaidi Mipangilio na usaidizi Tuma maoni.
2. Weka maelezo ya tatizo au maoni yako.
3. Ukipenda, weka picha ya skrini ili utusaidie kuelewa vyema tatizo hilo.
4. Bofya Tuma.

Pata maelezo zaidi kuhusu jinsi Google inavyotumia maoni yako.

Kuripoti au kutoa maoni kuhusu majibu ya Gemini

Maoni yako hutusaidia kufanya Programu za Gemini ziwe sahihi, salama na zifae zaidi.

Ili utoe maoni kuhusu jibu:

1. Chini ya jibu la Gemini, bofya Jibu zuri au Jibu baya .
2. Ukipenda, unaweza kuchagua sababu.
   • Kwa mfano, Ukipata jibu ambalo si sahihi au unalohisi kuwa si salama, unaweza kuchagua Si la kweli au Linakera au Si salama, mtawalia.

Ili uripoti tatizo la kisheria, chini ya jibu la Gemini, bofya Ripoti tatizo la kisheria .

Pata maelezo zaidi kuhusu jinsi Google inavyotumia maoni yako.

Hakikisha kuwa umeweka lugha inayotumika kwenye kifaa chako

Gemini kwenye Chrome haipatikani katika lugha zote. Hakikisha kuwa umeweka mojawapo ya lugha zifuatazo kwenye kifaa chako:

Kiafrikana Kiamhariki Kibaski Kibengali Kibulgaria Kikatalani Kichina Kikroeshia Kicheki Kidenmarki Kiholanzi Kiingereza Kiestonia Kifilipino Kifini Kifaransa Kigalisia Kijerumani Kigiriki Kigujarati Kihindi Kihungari Kiaislandi Kiindonesia Kiitaliano Kijapani

Kikannada Kikorea Kilatvia Kilithuania Kimalaysia Kimalayalam Kimarathi Kinorwe Kipolandi Kireno Kiromania Kirusi Kiserbia Kislovakia Kislovenia Kihispania Kiswahili Kiswidi Kitamil Kitelugu Kithai Kituruki Kiukrania Kivietinamu Kizulu (Chrome OS pekee)

Hakikisha kuwa umeweka eneo inakopatikana kwenye kifaa chako

Kwa watumiaji walio na umri wa miaka 18 au zaidi, Gemini kwenye Chrome inapatikana katika maeneo yafuatayo:

Aljeria Samoa ya Marekani Angola Anguila Antaktika Antigua na Barbuda Ajentina Armenia Australia Azabajani Bahareni Bangladeshi Babadosi Belize Benin Bamuda Butani Bolivia Bosnia na Hezegovina Botswana Brazili Himaya ya Uingereza katika Bahari Hindi Visiwa vya Virgin vya Uingereza Brunei Bukinafaso Burundi Kepuvede Kambodia Kameruni Kanada Visiwa vya Cayman Jamhuri ya Afrika ya Kati Chadi Chile Kisiwa cha Krismasi Visiwa vya Cocos (Keeling) Kolombia Komoro Visiwa vya Cook Kostarika Kodivaa Jamhuri ya Kidemokrasia ya Kongo Jibuti Dominika Jamhuri ya Dominika Ekwado Misri Elsalvado Ginekweta Eritrea Eswatini Ethiopia Visiwa vya Falkland (Visiwa vya Malvinas) Fiji Polinesia ya Kifaransa Gaboni Jojia Ghana Jibraltari Grenada Guam Guatemala Gansi Gine Ginebisau Guyana Haiti Visiwa vya Heard na McDonald Hondurasi Hong Kong India Indonesia Iraki Kisiwa cha Man Israeli Jamaika Japani Jersey Yordani Kazakistani Kenya Kiribati Kosovo Kuwaiti Kirigizistani Laosi Lebanoni Lesotho Liberia Libya Makau Madagaska Malawi Malesia

Maldova Mali Visiwa vya Marshall Moritania Morisi Meksiko Maikronesia Moldova Mongolia Montenegro Montserati Moroko Msumbiji Myanmar Namibia Nauru Nepali New Caledonia Nyuzilandi Nikaragua Nijeri Nigeria Niue Kisiwa cha Norfolk Masedonia Kaskazini Visiwa vya Mariana Kaskazini Omani Pakistani Palau Palestina Panama Papua Paragwai Peru Ufilipino Visiwa vya Pitcairn Pwetoriko Katari Jamhuri ya Kongo Rwanda Santahelena, Ascension na Tristan da Cunha Santa Kitts na Nevis Santa Lusia Santa Visenti na Grenadini Samoa Saotome na Prinsipe Saudia Senegali Serbia Ushelisheli Siera Leoni Singapoo Visiwa vya Solomoni Somalia Afrika Kusini Visiwa vya Georgia Kusini na Sandwich Kusini Korea Kusini Sudan Kusini Sri Lanka Sudan Surinamu Taiwani Tajikistani Tanzania Thailand Bahama Gambia Timor Mashariki Togo Tokelau Tonga Trinidad na Tobago Tunisia Turkmenistan Turki na Kaikosi Tuvalu Visiwa vya Virgin vya Marekani Uganda Ukraini Muungano wa Falme za Kiarabu Uingereza Marekani Visiwa Vidogo vya Nje vya Marekani Urugwai Uzbekistani Vanuatu Venezuela Vietnamu Wallis na Futuna Sahara Magharibi Yemeni Zambia Zimbabwe

Nyenzo zinazohusiana

• Kupiga Gumzo Moja kwa Moja na Gemini kwenye Chrome
• Kutafuta historia yako kwenye Chrome ukitumia Gemini kwenye Chrome
• Ask Gemini in Chrome to complete tasks for you with auto browse
• Kituo cha Faragha cha Programu za Gemini
• Google terms of service