Ang mga passkey ay simple at secure na paraan para mag-sign in sa iyong Google Account at sa mga site at app na pinapahalagahan mo — nang walang password. Para mapahusay ang seguridad ng iyong account, hihilingin sa iyo ng isang website o app na gumamit ng passkey para mag-sign in o gumawa ng bago.
Alamin kung paano mag-sign in gamit ang passkey sa halip na password.
Tip: Binuo ang mga passkey ayon sa mga pamantayan sa industriya, kaya puwede mong gamitin ang mga ito sa maraming platform.
Maunawaan ang mga passkey
Ang passkey ay isang secure na alternatibo sa password at nakakatulong sa pagpapahusay ng seguridad ng iyong mga online account. Pinoprotektahan ka nito laban sa phishing at natatangi ito para sa bawat site at app na ginagamit mo. Kapag nag-save ka ng passkey, puwede itong i-save sa iyong device o sa password manager mo.
Puwede mong i-save ang iyong mga passkey sa Google Password Manager para magamit ang mga ito sa lahat ng device mo, hangga't naka-sign in ka sa parehong Google Account sa mga Chrome o Android device.
Kasama sa mga benepisyo ng mga passkey ang:
- Hindi mo kakailanganing magtanda ng isang sequence ng mga titik, numero, at character para sa bawat site.
- Para mag-sign in sa iyong mga account, i-scan ang fingerprint o mukha mo o maglagay ng maikling PIN. Sino-store sa iyong device ang biometric data mo at hindi ito sine-share sa Google.
- Puwede kang gumamit ng mga passkey sa iba't ibang operating system sa mga website at app.
- Sapat ang lakas ng mga passkey para hindi kailanman mahulaan o magamit ulit, kaya ligtas ang mga ito laban sa mga pagtatangka ng hacker.
- Nakakonekta ang mga passkey sa app o website kung para saan ginawa ang mga ito, kaya hindi ka kailanman malolokong gamitin ang iyong passkey para mag-sign in sa isang mapanlokong app o website.
- Available sa lahat ng iyong device ang mga passkey na naka-save sa Google Password Manager. Puwede mong gamitin ang mga ito sa lahat ng platform kung saan available ang Chrome kapag naka-sign in ka sa parehong Google Account.
I-store at gamitin ang mga passkey gamit ang Google Password Manager
Puwede kang mag-store ng mga passkey sa Google Password Manager kung gumagamit ka ng:
- Computer na may Windows 10 o mas bago.
- Chromebook na may Chrome OS 129 o mas bago.
- Mac.
- Linux.
Naka-store sa Google Account mo ang mga passkey at pinoprotektahan ang mga ito ng PIN sa lock screen, pattern, o password ng iyong Android device, o ng PIN sa Google Password Manager.
Para mag-save ng mga passkey sa Google Password Manager, tiyaking naka-sign in ka sa iyong Google Account sa kwalipikadong device. Kapag bumisita ka sa site na sumusuporta sa mga passkey, tatanungin ka kung gusto mong gumawa ng passkey sa Google Password Manager.
Secure na naka-back up at naka-sync ang iyong mga passkey sa Google Account mo. Para magamit ang mga ito sa iba't ibang device, mag-sign in sa Chrome o Android gamit ang parehong Google Account sa bawat device. Para mag-unlock ng passkey na nagawa mo na, kailangan mo ang iyong PIN sa Google Password Manager o ang PIN sa lock screen ng Android device mo.
Gumawa ng passkey- Kapag pumunta ka sa site na gumagamit ng mga passkey, posibleng itanong nito kung gusto mong gumawa ng passkey sa Google Password Manager, kasama ang pangalan ng website, iyong email, at pangalan ng account.
- Para payagan ang paggawa ng passkey, piliin ang Gumawa.
- Kung ito ang una mong passkey, makakakita ka ng prompt para gumawa ng PIN sa Google Password Manager.
- Ire-request ang PIN na ito sa tuwing magla-log in ka sa isang website kung saan mayroon kang passkey na naka-save sa Google Password Manager.
Tip: Kung mayroon ka nang ginawang passkey para sa iyong naka-sign in na Google Account, posibleng hilingin sa iyo ang password, PIN, o fingerprint ng desktop mo. Ito ang parehong pag-authenticate na ginagamit para mag-sign in sa desktop na ginagamit mo.
Kapag nagla-log in sa website, posibleng ma-prompt kang gumamit ng passkey.
Kung gumagamit ka ng passkey, posibleng mag-require ang Chrome ng karagdagang kumpirmasyon sa pamamagitan ng paghingi ng isa sa mga sumusunod:
- Ang password o PIN ng iyong desktop.
- Ang iyong fingerprint.
- Ang iyong PIN sa Google Password Manager.
Tip: Kung makakakuha ka ng “Hindi na gumagana ang passkey na ito. Na-delete ito sa [website link] at malapit na itong i-delete dito." na notification:
- Isinasaad ng website na hindi na valid ang iyong passkey.
- Mare-restore ng website ang passkey kung kinakailangan.
- Kung gusto mo ng bagong passkey, puwede kang pumunta sa website at gumawa ng bago.
- Sa iyong computer, buksan ang Chrome.
- Piliin ang Higit pa
Mga password at autofill
Mga password at autofill Kapag nag-sign in ka sa site gamit ang password na naka-save sa Google Password Manager, posibleng awtomatikong gumawa ang site ng passkey para sa iyo. Ipapaalam sa iyo ng Google Password Manager kapag nangyari ito. Naka-save ang passkey para sa site na ito sa Google Password Manager kasama ng iyong password.
Para i-off ang awtomatikong paggawa ng passkey:
- Sa iyong computer, buksan ang Chrome.
- Sa kanang bahagi sa itaas, piliin ang Higit pa
- Sa kaliwa, piliin ang Mga Setting
.
- I-off ang Awtomatikong gumawa ng passkey para mas mabilis na makapag-sign in.
.Tip: Kung walang “Awtomatikong gumawa ng passkey para mas mabilis na makapag-sign in” sa mga setting ng Google Password Manager, i-on ang Mag-alok na mag-save ng mga password at passkey. Magiging opsyon ang “Awtomatikong gumawa ng passkey para mas mabilis na makapag-sign in” sa ilalim ng setting na ito.
Puwede mong i-delete ang iyong data ng Google Password Manager, na kinabibilangan ng mga password at passkey, mula sa mga setting ng Google Password Manager.
- Sa iyong computer, buksan ang Chrome.
- Sa kanang bahagi sa itaas, piliin ang Higit pa
- Sa kaliwa, piliin ang Mga Setting
- Sa kanang bahagi ng "I-delete ang lahat ng data ng Google Password Manager," piliin ang I-delete ang data
Pamahalaan ang iyong PIN sa Google Password Manager
Tungkol sa PIN sa Google Password ManagerKapag gumawa ka ng passkey sa iyong computer, posibleng hilingin sa iyong gumawa ng PIN sa Google Password Manager.
Magagawa ng iyong PIN na:
- Tulungan kang i-recover ang iyong mga passkey sa bagong device.
- Tiyaking walang sinuman ang makaka-access sa iyong naka-encrypt na data.
- Gamitin para kumpirmahin ang iyong pagkakakilanlan para sa mga passkey mo.
Puwede mong i-reset ang iyong PIN mula sa device mo kung saan dati kang gumamit ng passkey sa Google Password Manager.
Para i-reset ang iyong PIN sa Google Password Manager:
- Sa iyong computer, buksan ang Chrome.
- Piliin ang Higit pa
- Sa kaliwa, piliin ang Mga Setting
- Piliin ang Palitan ang PIN sa Google Password Manager.
Alamin kung paano pamahalaan ang iyong PIN sa Google Password Manager.
Iba pang paraan para pamahalaan at i-store ang mga passkey
Mag-store ng mga passkey sa Windows HelloMahalaga:
- Kung magse-save ka ng mga passkey sa Windows Hello, hindi mo mare-recover ang mga ito kung mawala ang iyong computer o ma-install ulit ang operating system.
- Para magamit ang pamamahala ng passkey at pag-autofill ng passkey, dapat may Windows 11, bersyon 22H2 o mas bago, ang iyong computer.
Puwede mo ring i-save ang iyong mga passkey sa Windows Hello, pero hindi sinusuportahan ang pag-synchronize o pag-back up. Sa iyong computer lang mase-save ang mga passkey.
Sa Windows, para i-save at gamitin ang iyong mga passkey sa lahat ng device mo, puwede mong gamitin ang Google Password Manager. Ginagawa nitong available ang iyong mga passkey sa anumang device kung saan naka-sign in ka sa Chrome o Android gamit ang parehong Google Account. Alamin kung paano i-save at gamitin ang mga passkey gamit ang Google Password Manager.
- Sa iyong computer, buksan ang Chrome.
- Piliin ang Higit pa
- Sa kaliwa, piliin ang Mga Setting
Tip: Lalabas lang ang “Pamahalaan ang mga passkey” kapag may nagawang isa o higit pang passkey.
Sa macOS, para i-save at gamitin ang iyong mga passkey sa lahat ng device mo, puwede mong i-save ang iyong mga passkey sa Google Password Manager. Alamin kung paano i-save at gamitin ang mga passkey gamit ang Google Password Manager.
Puwede mong i-save ang iyong mga passkey sa Apple Passwords sa halip na sa Google Password Manager, basta naka-sign in ka sa iCloud account. Para magamit ang mga passkey mula sa Apple Passwords, hihilingin sa iyo ng macOS na kumpirmahin ang access ng Chrome.
Kung wala kang iCloud account, puwede kang mag-save ng mga passkey sa iyong profile sa Chrome, kung saan pinoprotektahan ang mga ito ng macOS Keychain.
Kung magse-save ka ng mga passkey sa iyong Profile sa Chrome, hindi mo mare-recover ang mga ito kung mawala ang iyong computer o ma-delete ang profile sa Chrome.
- Sa iyong computer, buksan ang Chrome.
- Piliin ang Higit pa
- Sa kaliwa, piliin ang Mga Setting
Mga Tip:
- Lalabas lang ang “Pamahalaan ang mga passkey sa iyong profile sa Chrome” kapag may nagawang isa o higit pang passkey.
- Puwede kang mag-delete ng mga naka-save na passkey sa profile mo sa Chrome kapag nag-delete ka ng iyong data mula sa pag-browse.
Puwede kang gumamit ng security key para i-store ang iyong mga passkey.
Mahalaga: Hindi naka-back up ang mga passkey na naka-store sa mga security key. Kung mawawala o ire-reset mo ang security key, hindi mo mare-recover ang iyong mga passkey.
Puwede mong gamitin ang Chrome sa iyong computer para gumawa at gumamit ng mga passkey sa ibang mobile device. Mananatili sa ibang device ang iyong mga passkey.
- Sa iyong computer, buksan ang Chrome.
- Pumunta sa page sa pag-sign in ng isang site kung saan mo gustong mag-log in.
- Kapag na-prompt na gamitin ang iyong passkey, piliin ang Gumamit ng Passkey mula sa Ibang Device o Gumamit ng telepono o tablet.
- Kung hindi lumabas ang opsyong passkey, piliin ang Sumubok ng ibang paraan.
- I-scan ang QR code gamit ang iyong mobile device.
- Sundin ang mga tagubilin sa screen sa iyong mobile device.