Jira app para sa Google Chat

Gamitin ang Jira app sa Chat para makatanggap ng mga mensahe tungkol sa mga update sa iyong mga proyekto sa Jira Software. Magpapadala ng mga mensahe ang app mula sa Jira papunta sa Chat.

Bago ka magsimula

• Kailangan mo ng pahintulot mula sa iyong administrator ng Google Workspace para makapag-install ka ng mga app.
• Kailangan mong idagdag ang app sa Chat. Alamin kung paano maghanap ng mga app at idagdag ang mga ito sa Chat.
• Sa pamamagitan ng iyong mga pribilehiyong pang-administrator sa Jira, i-install ang plugin ng Jira sa Chat mula sa Marketplace ng Atlassian.

I-set up ang Jira app sa Chat

1. Buksan ang Chat.
2. Magbukas ng direktang mensahe gamit ang app o pumunta sa isang space gamit ang app.
3. Ilagay ang domain.atlassian.net, kung saan ang domain ay ang iyong Jira cloud site. Sa mga space, ilagay ang @Jira domain.atlassian.net.
4. I-click ang I-configure.
   Magbubukas ang window ng configuration.
5. Sa ilalim ng Pumili ng Proyekto, i-click ang Pababang arrow at piliin ang proyekto ng Jira kung saan makakatanggap ng mga notification.
6. Sa ilalim ng Thread messages by, piliin ang Thread by project, o Thread by issue.
7. Lagyan ng check ang mga kahon ng mga item kung saan mo gustong makatanggap ng mga notification sa Chat.
8. I-click ang I-save.

Kailangan mong i-set up ang mga notification sa bawat space kung saan mo idaragdag ang app. Magpapadala ang app ng mga notification sa lahat ng space kung saan ito miyembro.

Baguhin ang mga setting ng app

1. Buksan ang Chat.
2. Magbukas ng direktang mensahe gamit ang app o pumunta sa isang space gamit ang app.
3. Ilagay ang configure. Sa mga space, ilagay ang @Jira configure.
   Magbubukas ang page ng mga setting.
4. Baguhin ang mga setting kung kinakailangan.
5. I-click ang I-save.

I-delete ang mga setting ng app

1. Buksan ang Chat.
2. Magbukas ng direktang mensahe gamit ang app o pumunta sa isang space gamit ang app.
3. Ilagay ang delete config. Sa mga space, ilagay ang @Jira delete config.

Kapag inalis ang app sa isang space, made-delete ang mga setting ng app.

Paggamit ng app sa mga space

Para magamit ang app sa mga space, kailangan mong tahasang @banggitin ang app sa bawat mensahe sa app (pati sa mga sagot sa mga mensahe mula sa app). Kukumpirmahin ng @pagbanggit na sa app mo ipinapadala ang mensahe, at hindi sa iba pang nasa space.

_{Ang Google, Google Workspace, at mga kaugnay na marka at logo ay mga trademark ng Google LLC. Ang lahat ng iba pang pangalan ng kumpanya at produkto ay mga trademark ng mga kumpanya kung saan nauugnay ang mga ito.}