Matuto tungkol sa mga space

Mahalaga: Ang mga pangalan ng space ay nakikita ng lahat ng miyembro ng domain na may access sa serbisyo sa Chat.

Para makipag-ugnayan sa isang grupo ng mga tao o organisasyon tungkol sa isang paksa, proyekto, o magkaparehong interes, gumawa ng space sa Google Chat. Halimbawa, puwede kang gumawa ng space para magtalakay ng mga timeline para sa isang marketing campaign sa hinaharap.

Sa mga space, magagawa mong:

Ituon ang iyong pag-uusap sa magkaparehong aspeto ng interes o mga proyekto mo, o gumawa ng mga anunsyo para sa organisasyon.
Gumawa ng mga thread para sa mga bagay na nangangailangan ng detalyadong pagtatalakay.
Magbahagi ng mga file at magtalaga ng mga gawain sa mga miyembro.
Magdagdag ng mga app para makagawa ng madadaling workflow sa iyong space.

Gumamit ng mga space para sa pakikipag-collaborate o mga anunsyo

Mahalaga: Kung ginagamit mo ang Chat sa iyong personal na Google Account, puwede ka lang gumawa ng mga space para sa pakikipag-coollaborate.

Gumamit ng mga space para sa pakikipag-collaborate

Available para sa mga personal na account o account sa trabaho o paaralan.
Gamitin ang ganitong uri ng space para sa mahahalagang update sa proyekto o team, o makipag-ugnayan tungkol sa magkakaparehong interes tulad ng paglalakbay o pagluluto.
Puwedeng mag-post, mag-react, at tumugon sa mga mensahe ang lahat ng nasa grupo.
Puwede kang magpadala ng mensahe sa buong grupo sa window ng pangunahing pag-uusap o direktang sumagot sa isang mensahe at gumawa ng thread.

Gumamit ng mga space para sa mga anunsyo

Available para sa mga account sa trabaho o paaralan
Gamitin ang ganitong uri ng space para magbahagi ng mahahalagang balita at update sa iyong team.
Bilang manager ng space, magagawa mong:
- Mag-post ng mga anunsyo sa window ng pangunahing pag-uusap.
- Sumagot sa mga komento ng mga miyembro ng space sa iyong anunsyo.
- I-off ang pagsagot.
Bilang miyembro ng space, puwede ka lang mag-react at direktang sumagot sa mga anunsyo.
Pagkatapos mong gumawa ng space para sa mga anunsyo, hindi mo na mababago ang uri ng space.

Panatilihing maayos ang mga space gamit ang mga thread

Bukod pa sa pangunahing pag-uusap sa space, puwede kang sumagot sa anumang mensahe at gumawa ng hiwalay na thread. Magagamit mo ang mga thread para subabayan ang mahahalagang talakayan at panatilihing maayos ang pangunahing pag-uusap.

Sa isang thread, magagawa mong:

Magpadala ng mga mensahe at sumagot sa mga mensahe.
Sumubaybay o huminto sa pagsubaybay sa thread.
Baguhin kung paano ka aabisuhan tungkol sa mga bagong mensahe sa thread.

Gumamit ng mga thread sa isang space.

Pamahalaan ang access sa space

Sa mga account sa trabaho o paaralan, puwede mong gawing pribado ang space o gawin itong nahahanap ng sinuman o ng target na audience sa iyong organisasyon.

Matuto tungkol sa mga pribadong space

Mainam para sa pagtatalakay sa pagitan ng mga team, proyekto, at grupo.
Para sumali sa isang space, kailangang imbitahan o idagdag ka sa space ng isang miyembro ng space.
Kung hindi ka miyembro o inimbitahan sa space, hindi mo ito maba-browse sa Chat.

Matuto tungkol sa mga nahahanap na space

Mainam para sa mga paksang hindi limitado sa mga partikular na indibidwal o team.
Kapag nahahanap ang isang space, magagawa mong i-browse, i-preview, at salihan ang space.
Kung may link ka sa space, makakasali ka rito gamit ang link.

Mga pagkakaiba sa pagitan ng mga space at direktang mensahe

Puwede kang makipag-ugnayan sa isang grupo ng mga tao sa pamamagitan ng mga space o mga direktang mensahe sa Chat. Gumagana sa magkaibang paraan at may magkaibang layunin ang dalawang anyo ng pakikipag-ugnayan na ito:

Spaces: Isang pangunahing lugar kung saan magagawa ng mga taong magbahagi ng mga file, magtalaga ng mga gawain, at patuloy na makipag-ugnayan.
Mga direktang mensahe: Direktang makipag-chat sa isang grupo. Halimbawa, gamitin ang mga direktang mensahe para mabilisang makipag-usap pagkatapos ng isang meeting.

	Mga space	Mga direktang mensahe
History ng mensahe	Naka-on ang history bilang default, at pinapanatili ito batay sa patakaran ng iyong organisasyon. Matuto pa tungkol sa history ng mensahe.	Para sa mga personal na account, puwede mong i-on o i-off ang history. Para sa mga Google Workspace account, nakadepende ang history sa mga setting ng iyong organisasyon. Matuto pa tungkol sa history ng mensahe.
Pangalan	Pipili ang manager ng space ng pangalan ng space. Kung gumagamit ka ng Google Workspace account at isang tao mula sa iyong organisasyon ang gumawa sa space, puwede kang magpalit ng pangalan ng space. Kung ginawa ang space sa pamamagitan ng personal na account, mapapalitan ng sinumang miyembro ng space ang pangalan ng space.	Nakalista ang mga pangalan ng miyembro.
Paglalarawan	Pipili ng paglalarawan ng kuwarto ang manager ng space.	Walang paglalarawan ang mga direktang mensahe.
Mga Default na Notification	Aabisuhan ang mga miyembro para sa mga pag-uusap na kinabibilangan nila o kapag may @pagbanggit sa kanila.	Aabisuhan ang mga miyembro para sa bawat mensahe.
Membership	Puwedeng umalis sa space ang mga miyembro. Para makasali ulit sa space, kailangan silang idagdag o imbitahan ulit ng ibang miyembro. Tip: Kung nahahanap ang space, puwede kang sumali ulit anumang oras.	Puwedeng umalis at sumali ulit ang mga miyembro. Tip: Para sa mga direktang mensaheng ginawa bago sumapit ang Disyembre 2020, hindi makakaalis ang mga miyembro.
Maraming chat space na may magkakaparehong tao	Puwedeng magkaroon ng 2 space o higit pa na may iisang grupo.	Puwedeng magkaroon ng 2 pag-uusap o higit pa na may iisang grupo.
Gumawa at magtalaga ng mga gawain	Puwedeng gumawa at magtalaga ng mga gawain sa iba pang miyembro ng space.	Walang feature para sa gawain ang mga panggrupong pag-uusap na walang pangalan.
Mga nakabahaging file	Magagawang magbahagi ng mga file at tumingin sa listahan ng mga file na nakabahagi sa space.	Magagawang magbahagi ng mga file sa grupo, pero hindi makakatingin sa listahan ng mga file.