Puwede mong gamitin ang Meet app sa Chat at Chat sa Gmail para mag-iskedyul, magbago, at magkansela ng mga meeting, o para tingnan ang iyong iskedyul.
Bago ka magsimula
- Kailangan mo ng pahintulot mula sa iyong administrator ng Google Workspace para makapag-install ka ng mga app.
- Kailangan mong idagdag ang app sa Chat. Alamin kung paano maghanap ng mga app at idagdag ang mga ito sa Chat.
Paggamit ng Meet app sa mga space
Kung ikaw ay nasa isang space at gusto mong magpadala ng mensahe o mag-iskedyul ng meeting gamit ang Meet app, ilagay ang @meet sa bawat mensahe sa app (pati na rin sa mga sagot para sa mga tanong ng app). Kapag ginamit ang @meet sa bawat mensahe, matitiyak na matatanggap ng app ang iyong mensahe at maaaksyunan nito ito.
Kung gusto mong gumawa ang @meet ng meeting kasama ang mga miyembro ng space, ilagay ang "@meet Schedule a meeting for us (Mag-iskedyul ng meeting para sa amin)."
Tip: Gumagana ang ilang feature ng app ng @meet sa mga direktang mensahe, pero hindi sa mga space. Halimbawa, puwede mong gamitin ang @meet sa isang space para mag-iskedyul ng meeting, pero hindi para sa iba pang pakikipag-ugnayan sa kalendaryo, gaya ng pagtatanong para sa iyong iskedyul.
Mga halimbawa ng paggamit ng Meet app
Para mag-iskedyul ng meeting (kasama ang pagtatakda ng pamagat, petsa at oras, tagal, at mga bisita), ilagay ang:
- Mag-iskedyul ng meeting kasama si Cynthia bukas nang 3pm
- Mag-iskedyul ng meeting kasama si cynthia@yourdomain.com
- Maglaan ng 45 minuto kasama si Cynthia sa susunod na linggo, bigyan ito ng pamagat na "1:1”
Magbago ng kakaiskedyul lang na meeting
- Ilipat sa bukas ang meeting na ito
- I-rename ang meeting na ito sa “Session ng pagpaplano ng team”
Baguhin ang iskedyul o magkansela ng meeting
- Baguhin ang iskedyul ng aking meeting kasama si Cynthia
- Kanselahin ang aking meeting kasama si Cynthia
Tingnan ang iyong iskedyul
- Ano ang iskedyul ko bukas?
- May mga meeting ba ako sa Lunes?
- Libre ba ako bukas nang hapon?
- Ano-ano ang mga meeting ko sa susunod na linggo?