வரவிருக்கும் நிகழ்வுகள் பற்றி உங்களுக்கு நினைவூட்ட உங்கள் மொபைல், கம்ப்யூட்டர், மின்னஞ்சல் மூலம் அறிவிப்புகளைப் பெறலாம். ஒரு நிகழ்வுக்கான/பல நிகழ்வுகளுக்கான அறிவிப்பு அமைப்புகளை மாற்றலாம்.
அறிவிப்பு அமைப்புகளை மாற்றுதல்
நிகழ்வு அறிவிப்புகளை இவ்வாறு பெறலாம்:
- மின்னஞ்சல்கள்.
- உங்கள் வலை உலாவிகளுக்கு வெளியே காட்டப்படும் டெஸ்க்டாப் அறிவிப்புகள். உங்கள் கேலெண்டர் திறந்த நிலையில் இருக்க வேண்டும்.
- உங்கள் Google Calendar சாளரத்தில் காட்டப்படும் விழிப்பூட்டல்கள்.
உதவிக்குறிப்பு: Google Calendarரைப் பயன்படுத்தாத பயனர்கள் அழைக்கப்பட்ட நிகழ்வுகள் உருவாக்கப்படும்போதும் புதுப்பிக்கப்படும்போதும் நீக்கப்படும்போதும் அதுகுறித்து அவர்களுக்கு Google Calendar மின்னஞ்சல் அறிவிப்புகளை அனுப்பும்.
எல்லா நிகழ்வுகளுக்கும்
கவனத்திற்கு: அறிவிப்பு அமைப்புகளை மாற்ற, Google Chrome, Safari போன்ற இணைய உலாவியில் Google Calendarரைத் திறக்க வேண்டும். அறிவிப்புகளைக் காட்ட calendar.google.comமை அனுமதிக்குமாறு உங்களிடம் கேட்கப்படலாம்.
உங்கள் எல்லா நிகழ்வுகளுக்குமான அறிவிப்பு விருப்பத்தேர்வுகளை Google Calendarரில் மாற்றலாம்.
- கம்ப்யூட்டரில் Google Calendarரைத் திறக்கவும்.
- மேல் வலதுபுறத்தில் உள்ள அமைப்புகள் ஐகானை கிளிக் செய்து அமைப்புகள் என்பதைக் கிளிக் செய்யவும்.
- இடதுபுறத்தில் உள்ள “பொது” என்பதற்குக் கீழ் அறிவிப்பு அமைப்புகள் என்பதைக் கிளிக் செய்யவும்.
- “அறிவிப்பு அமைப்புகள்” என்பதற்குச் சென்று நீங்கள் இவற்றைச் செய்யலாம்:
- அறிவிப்புகளை இயக்குதல் அல்லது முடக்குதல்: அறிவிப்புகள் கீழ் தோன்றும் மெனுவைக் கிளிக் செய்து அறிவிப்புகளை எப்படிப் பெற விரும்புகிறீர்கள் என்பதைத் தேர்ந்தெடுக்கவும்.
- ஒத்திவைத்த அறிவிப்புகளின் நேரத்தை மாற்றுதல்: “டெஸ்க்டாப் அறிவிப்புகள்” என்பதை இயக்கி ஒத்திவைத்த அறிவிப்புகளைக் காட்டு என்பதைக் கிளிக் செய்து நேரத்தைப் பிரத்தியேகப்படுத்தவும்.
- நிகழ்வுக்கு "ஆம்" அல்லது "பங்கேற்கலாம்" எனப் பதிலளித்திருந்தால் மட்டுமே அறிவிப்புகளைப் பெறுதல்:"ஆம்" அல்லது "பங்கேற்கலாம்" என்று பதிலளித்திருந்தால் மட்டும் எனக்குத் தெரிவி என்பதற்கு அருகிலுள்ள பெட்டியில் கிளிக் செய்யவும்.
முக்கியம்: ஒத்திவைத்த அறிவிப்புகள் Google Chrome உலாவியில் மட்டுமே காட்டப்படும். ஒரே நிகழ்விற்குக் குறிப்பிட்ட கால இடைவெளியில் பல அறிவிப்பு விழிப்பூட்டல்களைப் பெறுகிறீர்கள் எனில் கடைசி அறிவிப்பில் மட்டுமே ’ஒத்திவை’ விருப்பம் காட்டப்படும்.
ஒற்றை நிகழ்வுகளுக்கு
- Google Calendarரைத் திறக்கவும்.
- நிகழ்வு என்பதைக் கிளிக் செய்து, நிகழ்வைத் திருத்து என்பதைக் கிளிக் செய்யவும்.
- அறிவிப்புகள் என்பதற்கு அடுத்து:
- அறிவிப்புகளைத் திருத்த: அறிவிப்பையோ மின்னஞ்சலையோ பெற விரும்பினால் தேர்வுசெய்யவும். எந்தக் கால இடைவெளியில் முன்கூட்டியே விழிப்பூட்டல்கள் பெற விரும்புகிறீர்கள் என்பதை மாற்றலாம்.
- மற்றொரு வகை அறிவிப்பைச் சேர்க்க: அறிவிப்பைச் சேர் என்பதைக் கிளிக் செய்யவும்.
- அறிவிப்பை அகற்ற: அகற்று என்பதைக் கிளிக் செய்யவும்.
- பக்கத்தின் மேற்புறத்தில் உள்ள சேமி என்பதைக் கிளிக் செய்யவும்.
உதவிக்குறிப்பு: மின்னஞ்சல், டெஸ்க்டாப் விழிப்பூட்டல் அல்லது இந்த இரண்டின் மூலமாகவும் அறிவிக்குமாறு தேர்வுசெய்யலாம். நீங்கள் செய்யும் மாற்றங்கள் நிகழ்விற்கு அழைக்கப்பட்ட எவரையும் பாதிக்காது.
குறிப்பிட்ட கேலெண்டர்களுக்கு
உங்களின் குறிப்பிட்ட கேலெண்டர்களுக்கான அறிவிப்பு விருப்பத்தேர்வுகளை மாற்றிக்கொள்ளலாம்.
- Google Calendarரைத் திறக்கவும்.
- மேல் வலதுபுறத்திலுள்ள அமைப்புகள் அமைப்புகள் என்பதைக் கிளிக் செய்யவும்.
- இடதுபுறத்தில் "எனது கேலெண்டர்களுக்கான அமைப்புகள்" என்பதற்குக் கீழ், மாற்ற விரும்பும் கேலெண்டரைக் கிளிக் செய்து கேலெண்டர் அமைப்புகள் என்பதைக் கிளிக் செய்யவும்.
- "நிகழ்வு அறிவிப்புகள்" மற்றும் "முழு நாள் நிகழ்வு குறித்த அறிவிப்புகள்” என்பதன் கீழ்:
- அறிவிப்புகளைத் திருத்த: அறிவிப்பையோ மின்னஞ்சலையோ பெற விரும்பினால் தேர்வுசெய்யவும். எந்தக் கால இடைவெளியில் முன்கூட்டியே விழிப்பூட்டல்கள் பெற விரும்புகிறீர்கள் என்பதை மாற்றலாம்.
- மற்றொரு வகை அறிவிப்பைச் சேர்க்க: அறிவிப்பைச் சேர் என்பதைக் கிளிக் செய்யவும்.
- அறிவிப்பை நீக்க: அறிவிப்பை நீக்கு என்பதைக் கிளிக் செய்யவும்.
"அறிவிப்புகளை உலாவி ஆதரிக்கவில்லை" பிழை
இந்தப் பிழைச் செய்தி காட்டப்பட்டால் நிகழ்விற்கான அறிவிப்புகளைப் பெற, உங்கள் உலாவியைப் புதுப்பிக்க வேண்டும்.
அறிவிப்பு கிடைக்கவில்லையா?- உங்கள் கேலெண்டரில் அறிவிப்புகளை இயக்கியுள்ளீர்கள் என்பதை உறுதிப்படுத்திக்கொள்ளவும். மேலே உள்ள படிகளைப் பின்பற்றவும்.
- உங்கள் உலாவியின் அனுமதி அமைப்புகளில் ’அறிவிப்புகளைக் காட்டு’ விருப்பத்தைத் தேர்வுசெய்துள்ளீர்களா என்பதைச் சரிபார்க்கவும். அவ்வாறு செய்யவில்லை எனில் டெஸ்க்டாப் அறிவிப்புகளை இயக்கவும்.
- உங்கள் இணைய உலாவியில் Google Calendar திறந்த நிலையில் இருப்பதை உறுதிப்படுத்திக்கொள்ளவும்.
Google Chrome
- Google Chromeமைத் திறக்கவும்.
- மேல் வலதுபுறத்திலுள்ள மேலும் அமைப்புகள் என்பதைக் கிளிக் செய்யவும்.
- பக்கத்தின் கீழ்ப்புறத்தில் உள்ள மேம்பட்டவை ஐகானை கிளிக் செய்யவும்.
- தனியுரிமையும் பாதுகாப்பும் தள அமைப்புகள் அறிவிப்புகள் என்பதைக் கிளிக் செய்யவும்.
- "அனுமதி" என்பதற்கு அடுத்துள்ள சேர் என்பதைக் கிளிக் செய்யவும்.
- calendar.google.com என்பதை உள்ளிட்டு, சேர் என்பதைக் கிளிக் செய்யவும்.
பிற எல்லா உலாவிகளுக்கும்
குறிப்பிட்ட வழிமுறைகளை அறிய, உங்கள் உலாவியின் உதவித் தளத்தைப் பார்க்கவும்.
- வலை உலாவியைத் திறக்கவும்.
- உலாவியின் அறிவிப்பு விருப்பத்தேர்வுகளுக்குச் செல்லவும்.
- calendar.google.comமிற்கான அனுமதிகளைச் சேர்க்கவும்.
கவனத்திற்கு: உங்கள் கேலெண்டருக்கான பொறுப்பை உங்கள் நிறுவனத்தில் உள்ள ஒருவரிடம் ஒப்படைத்தால், கேலெண்டரில் அவர் நிகழ்வை மாற்றும்போது அது குறித்த அறிவிப்பைப் பெறமாட்டீர்கள்.