Puwede kang maghanap sa iyong kalendaryo para makakita ng mga event sa nakaraan at hinaharap.
Paano maghanap
- Sa iyong computer, buksan ang Google Calendar.
- Sa kanang bahagi sa itaas, piliin ang Maghanap
.
- Ilagay ang iyong mga termino para sa paghahanap.
- Lalabas ang mga resulta habang naglalagay ka ng text, kasama ang mga resultang mula sa ibang produkto ng Google na ginagamit mo, tulad ng Gmail at Google Drive.
- Mag-click sa isang resulta para makita ang mga detalye para sa event na iyon.
Tandaan: Para mapahusay ang mga suhestyon sa paghahanap, sine-save sa Aking Aktibidad ang iyong mga paghahanap at aktibidad sa pag-browse sa Calendar kung naka-on ang Aktibidad sa Web at App.
I-filter ang iyong mga resulta
Para gawing partikular ang iyong mga resulta, sa kanan ng box para sa paghahanap, i-click ang Pababang arrow 
Mula rito, maaari mong piliin ang:
- Mga kalendaryo kung saan maghahanap
- Ano (impormasyon mula sa event, kasama ang pangalan nito)
- Sino (ang mga pangalan ng mga nag-iimbita o kaya ang mga may-ari ng event)
- Saan (lokasyon para sa iyong event)
- Walang kasamang
- Hanay ng petsa
Hindi ko nakikita ang lahat ng nakaraang event sa aking mga resulta ng paghahanap
Kung hindi mo nakikita ang mga nakaraang event kapag naghahanap ka, subukang gamitin ang advanced na paghahanap sa iyong computer para makita lang ang mga resulta mula sa isang partikular na yugto ng panahon.
- Sa iyong computer, buksan ang Google Calendar.
- Sa box para sa paghahanap, i-click ang Pababang arrow
.
- Magdagdag ng impormasyong gusto mong gamitin sa pag-filter, kasama ang mga petsa.
- Sa ibaba ng kahon, i-click ang Maghanap.