Mag-export ng mga event mula sa iyong Google Calendar

Puwede kang mag-export sa computer mo ng kopya ng iyong mga event mula sa Google Calendar. Puwede mong i-download ang lahat ng iyong kalendaryo nang sabay-sabay o i-export ang mga ito nang paisa-isa. Ang mae-export na file ay isang .ics file, na puwede mong i-import sa iba pang app na kalendaryo.

Alamin ang kailangan mo para ma-export ang iyong kalendaryo

• Hindi ka puwedeng mag-export mula sa Google Calendar app. Sa isang computer ka lang makakapag-export mula sa Google Calendar.
• Dapat ay mayroon kang pahintulot na "Gumawa ng mga pagbabago at pamahalaan ang pag-share" para sa kalendaryong gusto mong i-export. Alamin kung paano kontrolin ang access sa isang naka-share na kalendaryo.
• Kung gumagamit ka ng Google Calendar sa pamamagitan ng trabaho, paaralan, o iba pang organisasyon, puwedeng paghigpitan ng iyong administrator ang mga setting ng pag-export. Kung hindi mo ma-export ang iyong kalendaryo, makipag-ugnayan sa administrator mo.

I-export ang lahat ng kalendaryo

1. Sa iyong computer, buksan ang Google Calendar.
2. Sa kanang bahagi sa itaas, i-click ang Mga Setting   Mga Setting.
3. Sa kaliwa, i-click ang Mag-import at mag-export.
4. Sa ilalim ng "Mag-export," i-click ang I-export.
   • May ida-download na .zip file sa iyong computer.

Tip: Para ma-import ang mga file pabalik sa Google Calendar, dapat ay buksan mo ang .zip file para ma-access ang mga indibidwal na .ics file.

Mag-export ng isang kalendaryo

1. Sa iyong computer, buksan ang Google Calendar.
2. Sa kaliwa, sa ilalim ng "Aking mga kalendaryo," hanapin ang kalendaryong gusto mong i-export.
3. Itapat ang cursor sa pangalan ng kalendaryo.
4. I-click ang Higit pa   Mga setting at pag-share.
5. Sa ilalim ng "Mga setting ng kalendaryo," i-click ang I-export ang kalendaryo.
   • May ida-download na .ics file sa iyong computer.

Ayusin ang mga isyu sa pag-export

• Mensaheng "Nagka-error sa pagpoproseso ng feed":

  • Kung matatanggap mo ang mensaheng ito ng error kapag ginamit mo ang link na "Pampublikong address na nasa iCal na format," ang "Lihim na address na nasa iCal na format" na lang ang gamitin.
  • Kung hindi mo makikita ang lihim na address, hindi mo mae-export ang kalendaryo. Alamin kung paano i-sync ang iyong kalendaryo sa mga program sa computer

Mga kaugnay na resource

• Mag-import ng mga event sa Google Calendar
• I-sync ang iyong kalendaryo sa mga program sa computer