Paano magdagdag at mag-alis ng mga may-ari at manager para sa iyong Profile ng Negosyo

Magpa-verify

Puwedeng mag-imbita ang mga may-ari ng Mga Profile ng Negosyo ng mga user para maging mga may-ari at manager. Magkakaroon ng sarili nilang access ang bawat tao at hindi nila kailangang magbahagi ng impormasyon sa pag-sign in. May magkaibang antas ng access sa profile ang mga may-ari at manager.

• Mga may-ari lang ang puwedeng magdagdag o mag-alis ng mga user.
• Puwedeng alisin ng mga manager ang mga sarili nila sa isang profile.
• Hindi puwedeng idagdag bilang mga manager o may-ari ang Google Groups.
• Ang pangunahing may-ari lang ang puwedeng maglipat ng pangunahing pagmamay-ari.

Magdagdag ng mga may-ari at manager

1. Pumunta sa iyong Profile ng Negosyo. Alamin kung paano hanapin ang iyong profile.
2. I-click ang Menu   Mga setting ng Profile ng Negosyo  Mga tao at access.
3. Sa kaliwang bahagi sa itaas, i-click ang Magdagdag .
4. Maglagay ng pangalan o email address.
5. Sa "Access," piliin ang May-ari o Manager.
6. I-click ang Imbitahan.

Mga Tip:

• Ang mga inimbitahan ay magkakaroon ng opsyong tanggapin ang imbitasyon at maging mga user kaagad. Kapag natanggap na nila ang iyong imbitasyon, makakatanggap ka ng email na notification. Makikita ng mga user sa account ang mga pangalan at email address ng mga may-ari at manager.
• Makikita mo ang lahat ng aktibong user at ang mga taong inimbitahan para maging mga user. Para kanselahin ang mga nakabinbing imbitasyon, i-click ang  sa row.
• Kung gusto mong ilipat ang pagmamay-ari ng iyong profile, puwede mong alamin kung paano maglipat ng pagmamay-ari ng profile.

Unawain ang mga limitasyon sa bagong may-ari at manager

Dapat maghintay nang 7 araw ang bagong may-ari o manager ng isang Profile ng Negosyo bago niya mapapamahalaan ang lahat ng feature. Sa 7 araw na panahong ito, makakatanggap siya ng error kung gagawin niya ang sumusunod:

• Mag-delete o mag-undelete ng profile.
• Mag-alis ng iba pang may-ari o manager sa profile.
• Maglipat ng pangunahing pagmamay-ari sa sarili niya o sa iba pang user.

Kung ide-delete ng bagong may-ari o manager ang account niya sa loob ng unang 7 araw, aalisin siya sa profile. Kung magbabago ang kanyang isip, dapat siyang idagdag ulit.

Tip: Kung susubukan ng kasalukuyang may-ari o manager na maglipat ng pangunahing pagmamay-ari ng profile sa bagong may-ari o manager na nasa una pa niyang 7 araw, makakatanggap siya ng error.

Mag-alis ng mga may-ari at manager

1. Pumunta sa iyong Profile ng Negosyo. Alamin kung paano hanapin ang iyong profile.
2. I-click ang Menu   Mga setting ng Profile ng Negosyo  Mga Manager.
3. I-click ang taong gusto mong alisin Alisin ang tao.

Kung hindi mo ma-click ang Alisin , posibleng ang ibig sabihin nito ay:

• Sinusubukan mong alisin sa profile ang pangunahing may-ari. Ilipat ang pangunahing pagmamay-ari sa iba, pagkatapos ay alisin ang user sa profile. Alamin kung paano maglipat ng pangunahing may-ari.
• Naka-sign in ka bilang manager. Ang mga may-ari lang ang puwedeng mag-alis ng iba pang may-ari at manager.

Kung mag-aalis ka ng user, makakatanggap siya ng notification sa email. Hindi siya makakapag-edit ng impormasyon ng negosyo at hindi siya makakagawa ng anumang pang-administrator na pagkilos. Pero mananatili ang mga dati niyang sagot sa mga review, post, komento, at iba pang pagkilos.

Baguhin ang access ng mga may-ari at manager

1. Pumunta sa iyong Profile ng Negosyo. Alamin kung paano hanapin ang iyong profile.
2. I-click ang Menu   Mga setting ng Profile ng Negosyo Mga Manager.
3. I-click ang taong may access na gusto mong baguhin.
4. Piliin ang tungkulin: Pangunahing may-ari, May-ari, o Manager.
5. I-click ang I-save.  
   • Tip: Kung ikaw ang pangunahing may-ari, puwede mong ilipat ang pagmamay-ari.