Ang Profile ng Negosyo sa Google ay isang libre at madaling gamiting tool para mapamahalaan ng mga negosyo at organisasyon ang kanilang online na presensya sa buong Google. Para tulungan ang mga customer na mahanap ang iyong negosyo, puwede mong i-verify ang iyong negosyo at i-edit ang impormasyon ng negosyo mo.
Mga Benepisyo ng Profile ng Negosyo
Pamahalaan ang iyong impormasyon
Pamahalaan ang impormasyong nakikita ng mga user ng Google kapag hinahanap nila ang iyong negosyo, o ang mga produkto at serbisyong iniaalok mo. Kapag hinahanap ng mga tao ang iyong negosyo sa Google Maps at Search, makakahanap sila ng impormasyon tulad ng mga oras, website, at address ng kalye mo.
Makipag-ugnayan sa mga customer
Puwede mong basahin at sagutin ang mga review mula sa iyong mga customer. Mag-post ng mga larawang nagpapakita ng ginagawa mo. Nakakatanggap ang mga negosyong nagdaragdag ng mga larawan sa Mga Business Profile nila ng 42% pang kahilingan para sa mga direksyon sa Google Maps, at 35% pang pag-click papunta sa kanilang mga website kumpara sa mga negosyong hindi nagdaragdag ng mga larawan.
Unawain at palawakin ang iyong presensya
Maghanap ng mga insight para malaman kung paano hinahanap ng mga customer ang iyong negosyo, at kung saan sila galing. Makakahanap ka rin ng impormasyon tulad ng dami ng taong direktang tumatawag sa iyong negosyo mula sa numero ng teleponong ipinapakita sa mga resulta ng lokal na paghahanap sa Search at Maps. Para ipamalita ang tungkol sa iniaalok mo, puwede kang gumawa at subaybayan ang performance ng mga Smart campaign.
Gamitin ang Google Maps app o Search para pamahalaan ang iyong Profile ng Negosyo.